ಟೋಕಿಯೋ ಒಲಿಂಪಿಕ್ಸ್ನ್ನು ಸಂಭ್ರಮಿಸುವ ಸಲುವಾಗಿ ಗೂಗಲ್ ಡೂಡಲ್ ಆನಿಮೇಷನ್ ಗೇಮ್ಗಳನ್ನ ಲಾಂಚ್ ಮಾಡಿದ್ದು ಇದಕ್ಕೆ ಡೂಡಲ್ ಚಾಂಪಿಯನ್ ದ್ವೀಪಗಳ ಗೇಮ್ ಎಂದು ಹೆಸರಿಸಿದೆ. ಈ ಸಣ್ಣ ಆಟಗಳು ಒಲಿಂಪಿಕ್ಸ್ ನಡೆಯಲಿರುವ ಆಟಗಳನ್ನೇ ಆಧರಿಸಿ ರಚಿಸಲಾಗಿದೆ. ಟೋಕಿಯೋ ಒಲಿಂಪಿಕ್ನ 2ನೇ ದಿನವಾದ ಇಂದು ಡೂಡಲ್ನಲ್ಲಿ ಹೊಸ ಗೇಮ್ ಪರಿಚಯಿಸಲಾಗಿದೆ. ಶುಕ್ರವಾರ ಟೋಕಿಯೋ ಒಲಿಂಪಿಕ್ಸ್ಗೆ ಚಾಲನೆ ದೊರಕಿತ್ತು.
ಈ ಆನಿಮೇಷನ್ ಗೇಮ್ಸ್ನ್ನು ಟೋಕಿಯೋ ಮೂಲದ ಆನಿಮೇಷನ್ ಸ್ಟುಡಿಯೋವಾದ ಸ್ಟುಡಿಯೋ4 ಡಿಗ್ರಿ ಸೆಲ್ಸಿಯಸ್ ರಚಿಸಿದೆ. ಡೂಡಲ್ ಚಾಂಪಿಯನ್ ಗೇಮ್ನಲ್ಲಿ ಟೆನ್ನಿಸ್, ಸ್ಕೇಟ್ಬೋರ್ಡಿಂಗ್, ಆರ್ಚರಿ, ರಗ್ಬಿ, ಈಜು, ಕ್ಲೈಂಬಿಂಗ್ ಹಾಗೂ ಮ್ಯಾರಥಾನ್ಗಳು ಇವೆ.
ಇಂದಿನ ಡೂಡಲ್ ಮೇಲೆ ನೀವು ಕ್ಲಿಕ್ ಮಾಡಿದರೆ, ಅದು ನಿಮ್ಮನ್ನ ಡೂಡಲ್ ಚ್ಯಾಂಪಿಯನ್ ಆಟಕ್ಕೆ ಕರೆದೊಯ್ಯುತ್ತದೆ. ಇಲ್ಲಿ ನೀವು ಯಾವ ತಂಡದಲ್ಲಿ ಆಡಬಯಸುತ್ತೀರಾ ಅನ್ನೋದನ್ನ ಆಯ್ಕೆ ಮಾಡಿಕೊಳ್ಳಬಹುದು.
Loading ...