ಸಿಂಹದ ಸಮೀಪ ತೆರಳಿದ್ದ ಭೂಪ ಕೂದಲೆಳೆ ಅಂತರದಲ್ಲಿ ಪಾರು: ಮೈ ಝುಂ ಎನ್ನಿಸುತ್ತೆ ಈ ವಿಡಿಯೋ 24-11-2021 12:33PM IST / No Comments / Posted In: Latest News, India, Live News ಸಿಂಹಗಳ ಹೆಸರು ಕೇಳಿದ್ರೇನೆ ಭಯವಾಗುತ್ತೆ. ಅಂತದ್ರಲ್ಲಿ ಸಿಂಹಗಳ ಬಳಿಗೆ ಹೋಗೋದು ಅಂದರೆ ಗುಂಡಿಗೆ ಗಟ್ಟಿ ಇರಲೇಬೇಕು. ಹೈದರಾಬಾದ್ನ ನೆಹರೂ ಮೃಗಾಲಯದಲ್ಲಿ ಆಫ್ರಿಕನ್ ಸಿಂಹವನ್ನು ಇಡಲಾದ ಸ್ಥಳದಲ್ಲಿ ಅಲೆದಾಡುತ್ತಿದ್ದ 31 ವರ್ಷದ ವ್ಯಕ್ತಿಯನ್ನು ಸಿಬ್ಬಂದಿ ಸಿಂಹದ ಕೈನಿಂದ ಬಚಾವ್ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಸಿಂಹದ ದಾಳಿಯಿಂದ ವ್ಯಕ್ತಿಯನ್ನು ರಕ್ಷಿಸಿದ ಮೃಗಾಲಯದ ಸಿಬ್ಬಂದಿ ಬಳಿಕ ಆತನನ್ನು ಪೊಲೀಸರಿಗೆ ಒಪ್ಪಿಸಿ ದೂರನ್ನು ದಾಖಲಿಸಿದ್ದಾರೆ. ಈ ರೀತಿ ಹುಚ್ಚಾಟ ಮೆರೆದ ವ್ಯಕ್ತಿಯನ್ನು ಜಿ. ಸಾಯಿಕುಮಾರ್ ಎಂದು ಗುರುತಿಸಲಾಗಿದೆ. ಮೈ ಝುಂ ಎನ್ನಿಸುವ ದೃಶ್ಯಾವಳಿಗಳು ಸಿಸಿ ಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ವಿಡಿಯೋದಲ್ಲಿ ವ್ಯಕ್ತಿಯು ಕಲ್ಲು ಬಂಡೆಯ ಮೇಲೆ ಕುಳಿತು ಸಿಂಹವನ್ನೇ ನೋಡುತ್ತಿದ್ದರೆ ಸಿಂಹ ಕೂಡ ಆತನನ್ನೇ ಗುರಾಯಿಸಿದೆ. ಸುತ್ತಲಿದ್ದ ಜನರು ಕಿರಿಚುತ್ತಿರೋದನ್ನೂ ಸಹ ಕೇಳಬಹುದಾಗಿದೆ. ಜಿ. ಸಾಯಿಕುಮಾರ್ ಸಿಂಹ ಇರುವ ಪ್ರದೇಶಕ್ಕೆ ಯಾರಿಗೂ ತಿಳಿಯದಂತೆ ಜಿಗಿದಿದ್ದಾನೆ. ಈ ಭಾಗಗಳಲ್ಲಿ ಓಡಾಟ ನಡೆಸಲು ಸಾರ್ವಜನಿಕರಿಗೆ ನಿರ್ಬಂಧ ಹೇರಲಾಗಿದೆ. ಆದರೂ ಸಹ ಮೃಗಾಲಯದ ಈ ನಿಯಮವನ್ನು ಸಾಯಿ ಕುಮಾರ್ ಉಲ್ಲಂಘಿಸಿದ್ದಾನೆ ಎಂದು ನೆಹರು ಜೂಲಾಜಿಕಲ್ ಪಾರ್ಕ್ ಹೇಳಿಕೆ ಪ್ರಕಟಿಸಿದೆ. ನೆಹರೂ ಝೂಲಾಜಿಕಲ್ ಪಾರ್ಕ್ನಲ್ಲಿ ಸಾರ್ವಜನಿಕರಿಗೆ ಸಂಪೂರ್ಣ ನಿಷೇಧ ಇರುವ ಪ್ರದೇಶಗಳಲ್ಲಿ ಸಿಂಹಗಳಿಗೆ ಓಡಾಟ ನಡೆಸಲು ವ್ಯವಸ್ಥೆ ಮಾಡಲಾಗಿರುತ್ತದೆ. ಆದರೆ ಇಂತಹ ನಿಷೇಧಿತ ಪ್ರದೇಶದಲ್ಲಿ ವ್ಯಕ್ತಿ ಓಡಾಡುವ ಮೂಲಕ ಆತಂಕ ಸೃಷ್ಟಿಸಿದ್ದಾರೆ. ಮೃಗಾಲಯದ ಸಿಬ್ಬಂದಿ ಈ ವ್ಯಕ್ತಿಯನ್ನು ಸಿಂಹದಿಂದ ರಕ್ಷಣೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಪ್ರಸ್ತುತ ಈ ವ್ಯಕ್ತಿಯನ್ನು ಬಹದ್ದೂರ್ಪುರ ಪೊಲೀಸರ ವಶಕ್ಕೆ ನೀಡಲಾಗಿದೆ ಎಂದು ಪತ್ರಿಕಾ ಪ್ರಕಟಣೆ ಮೂಲಕ ಮೃಗಾಲಯದ ಆಡಳಿತ ಮಂಡಳಿ ಮಾಹಿತಿ ನೀಡಿದೆ. A man was enters into the #Lion enclosure, walking on the boulders of #AfricanLion moat area, at #NehruZoologicalPark, #Hyderabad. The person was rescued and caught by the #zoo staff and handed over to Bahadurpura police. pic.twitter.com/RO3TW2fh3G — Surya Reddy (@jsuryareddy67) November 23, 2021