ಐಪಿಎಸ್ ಅಧಿಕಾರಿ ಅರುಣ್ ಬೋತ್ರಾ ಅವರು ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದ ವಿಡಿಯೋದ ಸತ್ಯ ಬಯಲಾಗಿದೆ. ವೀಡಿಯೊದಲ್ಲಿ, ಸಾಂಪ್ರದಾಯಿಕವಾಗಿ ಉಡುಗೆ ತೊಟ್ಟ ಭಾರತೀಯ ಮಹಿಳೆಯರು ತಮ್ಮ ಅಂಗಡಿಯ ಪ್ರಾರಂಭವನ್ನು ಆಚರಿಸಲು ಪೊಲೀಸರೊಂದಿಗೆ ನೃತ್ಯ ಮಾಡುವುದನ್ನು ನೋಡಬಹುದು.
ನ್ಯೂಜಿಲೆಂಡ್‌ನ ಸಮವಸ್ತ್ರಧಾರಿ ಪೊಲೀಸರು ಪಾನ್ ಶಾಪ್ ತೆರೆದ ಭಾರತೀಯ ಮಹಿಳೆಯರ ಜೊತೆಗೆ ನೃತ್ಯ ಮಾಡಿದ್ದಾರೆ. ಭಾರತದಲ್ಲಿ ಇದೇ ರೀತಿಯ ಘಟನೆಗಳನ್ನು ಹೇಗೆ ಸ್ವೀಕರಿಸಲಾಗುತ್ತದೆ ಎಂಬ ಪ್ರತಿಕ್ರಿಯೆಯನ್ನು ಆಕರ್ಷಿಸುವ ದೃಷ್ಟಿಯಿಂದ ವೀಡಿಯೊವನ್ನು ಅರುಣ್ ಬೋತ್ರಾ ಹಂಚಿಕೊಂಡಿದ್ದರು. ಆದರೆ ಈ ವಿಡಿಯೋದ ಅಸಲಿಯತ್ತಿನ ಮೇಲೆ ಬೆಳಕು ಚೆಲ್ಲಲಾಗಿದ್ದು ಇದು ನ್ಯೂಜಿಲೆಂಡ್ ನಲ್ಲಿನ ವಿಡಿಯೋವಲ್ಲ ಎಂದು ತಿಳಿದುಬಂದಿದೆ.
ವೀಡಿಯೊದಲ್ಲಿ, “ಜೆರ್ಸಿ ಸಿಟಿ ಪೋಲೀಸ್” ಎಂದು ಇರುವ ಅಧಿಕಾರಿಗಳ ಸಮವಸ್ತ್ರವನ್ನು ನಾವು ನೋಡಬಹುದು, ವಿಡಿಯೋ ಅಮೆರಿಕಾದ ನ್ಯೂಜೆರ್ಸಿಯಲ್ಲಿರುವ ಆಯಾ ನಗರದಿಂದ ಬಂದಿದೆ ಎಂದು ಸುಳಿವು ನೀಡುತ್ತದೆ. ಅಲ್ಲದೆ, ವೀಡಿಯೊವು 2016 ರದ್ದು. ನ್ಯೂಜೆರ್ಸಿಯ ಇಂಡಿಯಾ ಸ್ಕ್ವೇರ್‌ನಲ್ಲಿ ನಲ್ಲಿ ಮಹಿಳೆಯರು ತಮ್ಮ ಪಾನ್ ಅಂಗಡಿಯ ಪ್ರಾರಂಭವನ್ನು ಆಚರಿಸುತ್ತಿರುವುದನ್ನು ನೋಡಬಹುದು. ಔಟ್‌ಲೆಟ್‌ನ ಹೆಸರನ್ನು ಲಕ್ಷ್ಮಿ ಪಾನ್ ಸೆಂಟರ್ ಎಂದು ಗುರುತಿಸಬಹುದು.
ಪೊಲೀಸರು ಮತ್ತು ಮಹಿಳೆಯರನ್ನು ಒಳಗೊಂಡ ಸಂತೋಷದಾಯಕ ಕ್ಷಣದ ವೀಡಿಯೊವನ್ನು ಜೂನ್ 2016 ರಲ್ಲಿ ಯೂಟ್ಯೂಬ್ ನಲ್ಲಿ ಹಂಚಿಕೊಳ್ಳಲಾಗಿದೆ.
Loading ...