ಮೇ 15 ರಿಂದ ಜೂನ್ 15ರ ಅವಧಿಯಲ್ಲಿ ಫೇಸ್ಬುಕ್ ಕಾನೂನು ಉಲ್ಲಂಘನೆಯ 10 ವಿಭಾಗಗಳ ಅಡಿಯಲ್ಲಿ ದೇಶದಲ್ಲಿ ಸುಮಾರು 30 ಮಿಲಿಯನ್ಗೂ ಅಧಿಕ ಕಂಟೆಟ್ ಪೀಸ್ಗಳ ವಿರುದ್ಧ ಕ್ರಮ ಕೈಗೊಂಡಿದೆ.
ಐಟಿ ಇಲಾಖೆ ಮಾರ್ಗಸೂಚಿಗಳ ಅನುಸಾರ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಫೇಸ್ಬುಕ್ ಮಾಸಿಕ ಸಭೆಯಲ್ಲಿ ಮಾಹಿತಿ ನೀಡಿದೆ. ಇದೇ ಅವಧಿಯಲ್ಲಿ ಇನ್ಸ್ಟಾಗ್ರಾಂ ಕೂಡ ಕಾನೂನು ಉಲ್ಲಂಘನೆಯ 9 ವಿಭಾಗಗಳ ಅಡಿಯಲ್ಲಿ 2 ಮಿಲಿಯನ್ ಪೋಸ್ಟ್ಗಳನ್ನ ಅಳಿಸಿ ಹಾಕಿದೆ.
ಐಟಿ ಸಚಿವಾಲಯ ಹೊಸ ಮಾರ್ಗಸೂಚಿಯ ಅನುಸಾರ, 5 ದಶಲಕ್ಷಕ್ಕೂ ಅಧಿಕ ಬಳಕೆದಾರರನ್ನ ಹೊಂದಿರುವ ದೊಡ್ಡ ಡಿಜಿಟಲ್ ವೇದಿಕೆಗಳು ಪ್ರತಿ ತಿಂಗಳು ಆವರ್ತಕ ವರದಿಯನ್ನ ಸಲ್ಲಿಸೋದು ಕಡ್ಡಾಯವಾಗಿದೆ. ಈ ವರದಿಯಲ್ಲಿ ಕಳೆದೊಂದು ತಿಂಗಳಲ್ಲಿ ಸ್ವೀಕರಿಸಲಾದ ದೂರು ಹಾಗೂ ಕೈಗೊಂಡ ಕ್ರಮಗಳ ಬಗ್ಗೆ ವಿವರಣೆ ನೀಡಬೇಕು.
ಈ ಆವರ್ತಕ ವರದಿಯ ಪ್ರಕಾರ ಫೇಸ್ಬುಕ್ ಮೇ 15 ರಿಂದ ಜೂನ್ 15ರ ಅವಧಿಯಲ್ಲಿ 30 ಮಿಲಿಯನ್ ಕಟೆಂಟ್ ಪೀಸ್ಗಳ ವಿರುದ್ಧ ಕ್ರಮ ಕೈಗೊಂಡಿದೆ. ಅದೇ ರೀತಿ ಇನ್ಸ್ಟಾಗ್ರಾಂ 2 ಮಿಲಿಯನ್ ಕಟೆಂಟ್ ಪೀಸ್ ಗಳ ವಿರುದ್ಧ ಕ್ರಮ ತೆಗೆದುಕೊಂಡಿದೆ.
ಮುಂದಿನ ಮಾಸಿಕ ಆವರ್ತಕ ವರದಿಯಲ್ಲಿ ಜುಲೈ 15ರಂದು ಪ್ರಕಟಿಸೋದಾಗಿ ಫೇಸ್ಬುಕ್ ಹೇಳಿದೆ. ಮುಂದಿನ ವರದಿಗಳಲ್ಲಿ ಇನ್ನಷ್ಟು ಪಾರದರ್ಶಕತೆಯನ್ನ ಕಾಪಾಡಿಕೊಳ್ಳಲು ಪ್ರಯತ್ನಿಸುತ್ತೇವೆ ಎಂದು ಕಂಪನಿ ಹೇಳಿದೆ.
Loading ...