4.3 ಕೋಟಿ ವರ್ಷ ಹಿಂದಿನ ನಾಲ್ಕು ಕಾಲಿನ ತಿಮಿಂಗಿಲದ ಅಸ್ಥಿ ಪತ್ತೆ

ಇತಿಹಾಸ ಪೂರ್ವ ಕಾಲಘಟ್ಟಕ್ಕೆ ಸೇರಿದ, 4.3 ಕೋಟಿ ವರ್ಷಗಳಷ್ಟು ಹಳೆಯದು ಎನ್ನಲಾದ ನಾಲ್ಕು ಕಾಲುಗಳಿರುವ ತಿಮಿಂಗಿಲವೊಂದರ ಅಸ್ಥಿಯ ಪಳೆಯುಳಿಕೆಯನ್ನು ಈಜಿಪ್ಟಿಯನ್ ವಿಜ್ಞಾನಿಗಳು ಪತ್ತೆ ಮಾಡಿರುವುದಾಗಿ ಹೇಳಿಕೊಂಡಿದ್ದಾರೆ.

ಈಜಿಪ್ಟ್‌‌ನ ಮರುಭೂಮಿ ಪ್ರದೇಶದ ಪಶ್ಚಿಮ ಭಾಗದಲ್ಲಿ ಪತ್ತೆಯಾದ ಈ ಅಸ್ಥಿ ಅರೆ-ಜಲಚರ ಜೀವಿಯಾಗಿದ್ದು, ನೆಲ ಹಾಗೂ ಭೂಮಿ ಮೇಲೂ ವಾಸಿಸುತ್ತಿತ್ತು ಎನ್ನಲಾಗಿದೆ. ನಿಷ್ಣಾತ ಬೇಟೆಗಾರನ ಎಲ್ಲ ಲಕ್ಷಣಗಳೂ ಈ ಜೀವಿಯಲ್ಲಿ ಕಾಣುತ್ತವೆ ಎಂದು ಸಂಶೋಧಕರ ತಂಡದ ಮುಖ್ಯಸ್ಥ ಹೆಶಮ್ ಸಲ್ಲಂ ತಿಳಿಸಿದ್ದಾರೆ.

ನ್ಯೂ ಶಾಹು ʼಪ್ಯಾಲೇಸ್ʼ ನೋಡಿದ್ದೀರಾ…..?

ಇತಿಹಾಸ ಪೂರ್ವ ಕಾಲದಲ್ಲಿ ಸಮುದ್ರದ ತಳದಲ್ಲಿದ್ದ ಜಾಗವೊಂದರಲ್ಲಿ ಈ ಪಳೆಯುಳಿಕೆಯನ್ನು 2008ರಲ್ಲಿ ಈಜಿಪ್ಟಿಯನ್ ಪರಿಸರವಾದಿಗಳು ಮೊದಲ ಬಾರಿಗೆ ಕಂಡುಕೊಂಡಿದ್ದರು. ಈ ಬಗ್ಗೆ ಅಧ್ಯಯನ ನಡೆಸಿದ ಸಂಶೋಧಕರು ಇದೀಗ ತಾನೇ ಹೊಸ ತಳಿಯ ಜೀವಿಯ ಬಗ್ಗೆ ಅಧಿಕೃತವಾಗಿ ಪ್ರಕಟಿಸಿದ್ದಾರೆ.

ತಜ್ಞರೆಲ್ಲಾ ಸೇರಿ ತಿಮಿಂಗಿಲದ ಅಸ್ಥಿಯನ್ನು ಜೋಡಣೆ ಮಾಡಿ ಅದಕ್ಕೊಂದು ಅಂತಿಮ ರೂಪ ಕೊಟ್ಟ ಬಳಿಕ, 2017ರಿಂದ ಈ ಬಗ್ಗೆ ಹೆಚ್ಚಿನ ಅಧ್ಯಯನ ನಡೆಸಿದ್ದಾರೆ.

ಸಂಪೂರ್ಣ ಚಲಚರ ಜೀವಿಗಳಾದ ತಿಮಿಂಗಿಲಗಳ ಜೀವ ವಿಕಸನದ ಬಗ್ಗೆ ಅಧ್ಯಯನ ನಡೆಸಲು ಈ ಪಳೆಯುಳಿಕೆ ನೆರವಾಗಲಿದೆ. ತಿಮಿಂಗಿಲಗಳು ಇಂದಿನ ಆಕಾರಕ್ಕೆ ಒಂದು ಕೋಟಿ ವರ್ಷಗಳ ಹಿಂದೆ ಮಾರ್ಪಾಡಾಗಿವೆ.