ಬಾಂಗ್ಲಾದೇಶದ ನಟಿ ತಂಜಿನ್ ತಿಶಾ ಮದ್ಯದ ಅಮಲಿನಲ್ಲಿ ಲಿಫ್ಟ್ ನೊಳಗೆ ನೃತ್ಯ ಮಾಡುತ್ತಾ ತನ್ನ ಸ್ನೇಹಿತರೊಂದಿಗೆ ಅಶ್ಲೀಲ ಪದ ಬಳಕೆ ಮಾತನಾಡಿರೋ ವಿಡಿಯೋ ಅಂತರ್ಜಾಲದಲ್ಲಿ ವೈರಲ್ ಆಗಿದೆ.
ಈ ವೀಡಿಯೊವನ್ನು ತಿಶಾ ಅವರ ಸ್ನೇಹಿತ ಸರಿಫುಲ್ ರಾಝ್ ಅವರು ಫೇಸ್‌ಬುಕ್‌ನಲ್ಲಿ ಮೊದಲು ಹಂಚಿಕೊಂಡಿದ್ದಾರೆ ಎಂದು ವರದಿಯಾಗಿದೆ. ಕೆಲವೇ ಸಮಯದಲ್ಲಿ ಇದು ಕಾಡ್ಗಿಚ್ಚಿನಂತೆ ಇಂಟರ್ನೆಟ್‌ನಲ್ಲಿ ಹರಡಿತು.
ವಿಡಿಯೋ ವೈರಲ್ ಆಗ್ತಿದ್ದಂತೆ ಆನ್‌ಲೈನ್‌ನಲ್ಲಿ ಹೇಳಿಕೆಯನ್ನು ಬಿಡುಗಡೆ ಮಾಡಿದ ನಟಿ ತಂಜಿನ್ ತಿಶಾ, ವೀಡಿಯೊ ಆರು ವರ್ಷಗಳ ಹಿಂದಿನದು ಎಂದರು. ಒಪ್ಪಿಗೆಯಿಲ್ಲದೆ ತನ್ನ ಖಾಸಗಿ ವೀಡಿಯೊವನ್ನು ಹಂಚಿಕೊಂಡಿದ್ದಕ್ಕಾಗಿ ರಾಝ್ ಅವರನ್ನು ದೂಷಿಸಿದರು.
ವೀಡಿಯೊದಲ್ಲಿ ತಿಶಾ ಕುಡಿದ ಮತ್ತಿನಲ್ಲಿ ಕಾಣಿಸಿಕೊಂಡಿದ್ದಾಳೆ ಮತ್ತು ಲಿಫ್ಟ್ ನಲ್ಲಿ ನೃತ್ಯ ಮಾಡುತ್ತಿರುವುದು ಕಂಡುಬಂದಿದೆ. ನಟಿಯರಾದ ನಾಜಿಫಾ ತುಶಿ ಮತ್ತು ಸುನೇರಾ ಬಿಂಟೆ ಕಮಾಲ್ ಅವರ ಜೊತೆಗಿದ್ದರು.
ತಿಶಾ ಅಶ್ಲೀಲ ಪದಗಳನ್ನ ಬಳಸಿರುವುದು, ನಿಂದಿಸಿರುವುದು ಮತ್ತು ತನ್ನ ಸ್ನೇಹಿತರೊಂದಿಗೆ ನಶೆಯಲ್ಲಿ ಮಾತನಾಡುತ್ತಾ ನಗುವನ್ನ ಹಂಚಿಕೊಳ್ಳುವುದನ್ನು ಸಹ ಕಾಣಬಹುದು
ವೀಡಿಯೊ ವೈರಲ್ ಆದ ತಕ್ಷಣ ನಟಿಯ ಅಭಿಮಾನಿಗಳು ಮತ್ತು ನೆಟಿಜನ್‌ಗಳು ಸಾರ್ವಜನಿಕವಾಗಿ ಇಂತಹ ವರ್ತನೆಗಾಗಿ ಅವರನ್ನು ದೂಷಿಸಿ ಅಸಭ್ಯ ಎಂದು ಕರೆದಿದ್ದಾರೆ. ರಾಝ್ ಅವರ ಫೇಸ್‌ಬುಕ್ ಖಾತೆಯಿಂದ ವೀಡಿಯೊವನ್ನು ಈಗ ಡಿಲೀಟ್ ಮಾಡಲಾಗಿದೆ.
ಆದಾಗ್ಯೂ, ವೀಡಿಯೊ ವೈರಲ್ ಆದ ಕೂಡಲೇ ತಿಶಾ ಪ್ರತಿಕ್ರಿಯಿಸಿ, ವೀಡಿಯೊ ಇಂಟರ್ನೆಟ್‌ನಲ್ಲಿ ಸೋರಿಕೆಯಾದಾಗ ತಾನು ಯುಎಸ್‌ನಲ್ಲಿದ್ದೇನೆ ಮತ್ತು ಬರುತ್ತಿರುವ ಟೀಕೆಗಳು ಮತ್ತು ಪ್ರತಿಕ್ರಿಯೆಗಳಿಂದ ತಾನು ಆಘಾತಕ್ಕೊಳಗಾಗಿದ್ದೇನೆ ಎಂದು ಹೇಳಿದ್ದಾರೆ.
ಆರು ವರ್ಷಗಳ ಹಿಂದೆ ತನ್ನ ಸ್ನೇಹಿತರೊಂದಿಗೆ ಮೋಜು ಮಾಡುತ್ತಿದ್ದ ವೀಡಿಯೊವದು ಎಂದು ಹೇಳಿರುವ ನಟಿ, ಇದು ಅವರು ವೈಯಕ್ತಿಕ ವೀಡಿಯೊವಾಗಿರುವುದರಿಂದ ಹೆಚ್ಚಿನ ವಿವರಣೆಯನ್ನು ನೀಡಲು ನಿರಾಕರಿಸಿದರು.
“ಪ್ರತಿಯೊಬ್ಬರಿಗೂ ಖಾಸಗಿ ಜೀವನವಿದೆ, ದಯವಿಟ್ಟು ನನ್ನ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡಬೇಡಿ. ನಾನು ಕಲಾವಿದೆಯಾಗಿ ನೆನಪಿನಲ್ಲಿ ಉಳಿಯಲು ಬಯಸುವ ಕಾರಣ ನನ್ನನ್ನು ನಟಿಯಾಗಿ ನೋಡಲು ನಾನು ನಿಮ್ಮನ್ನು ಒತ್ತಾಯಿಸುತ್ತೇನೆ” ಎಂದು ಅವರು ಬರೆದಿದ್ದಾರೆ.
ತನ್ನ ಒಪ್ಪಿಗೆಯಿಲ್ಲದೆ ತನ್ನ ಖಾಸಗಿ ವೀಡಿಯೊವನ್ನು ಆನ್‌ಲೈನ್‌ನಲ್ಲಿ ಸೋರಿಕೆ ಮಾಡಿದ್ದಕ್ಕಾಗಿ ರಾಝ್ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವ ಸುಳಿವು ನೀಡಿದ್ದಾಳೆ.
“ನನ್ನ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟವರ ವಿರುದ್ಧ ಮೊಕದ್ದಮೆ ಹೂಡಲು ನಿರ್ಧರಿಸಿದ್ದೇನೆ. ಈಗಲೇ ಬೇರೇನೂ ಹೇಳಲು ಬಯಸುವುದಿಲ್ಲ. ಕಾನೂನಿಗೆ ಅನುಗುಣವಾಗಿ ನನ್ನ ನಿಲುವು ತೆಗೆದುಕೊಳ್ಳುತ್ತೇನೆ. ಈಗ ಕಾನೂನು ಪ್ರಕ್ರಿಯೆ ನಡೆಯಲಿದೆ. ನನ್ನ ಪ್ರತಿಷ್ಠೆಗೆ ಮಸಿ ಬಳಿಯಲು ಬಯಸುವ ವ್ಯಕ್ತಿಯನ್ನು ಬಯಲಿಗೆಳೆಯಲು ನಮ್ಮ ನ್ಯಾಯಾಂಗ ವ್ಯವಸ್ಥೆಯಲ್ಲಿ ಬಲವಾದ ನಂಬಿಕೆ ಇದೆ,” ಎಂದು ಅವರು ಹೇಳಿದರು.
Loading ...