Driver less Car : ಬೆಂಗಳೂರಿನಲ್ಲಿ ರಸ್ತೆಗಿಳಿದ ಚಾಲಕ ರಹಿತ ಕಾರು : ವಿಡಿಯೋ ವೈರಲ್

ಬೆಂಗಳೂರು : ಇನ್ಮುಂದೆ ಕಾರು ಓಡಿಸಲು  ಡ್ರೈವರ್ ಗಳೇ  ಬೇಡ… ಇದೇನಿದು ಅಂತ ಶಾಕ್ ಆದ್ರಾ..? ಹೌದು, ಬೆಂಗಳೂರಿನಲ್ಲಿ ಚಾಲಕ ರಹಿತ ಕಾರೊಂದು ಸಂಚರಿಸಿದ್ದು, ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭಾರಿ ವೈರಲ್ ಆಗಿದೆ.

ಅನಿರುದ್ಧ್ ರವಿಶಂಕರ್ ಎಂಬ ಟ್ವಿಟರ್ ಬಳಕೆದಾರರು ವಿಚಿತ್ರವಾಗಿ ಕಾಣುವ, ಸ್ವಯಂ ಚಾಲಿತ ವಾಹನವು ಬೆಂಗಳೂರಿನ ರಸ್ತೆಗಳಲ್ಲಿ ಸಂಚರಿಸುತ್ತಿರುವಾಗ ಅದರ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಟ್ವಿಟರ್ ನಲ್ಲಿ ಈ ವಿಡಿಯೋ 12,000 ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿದೆ.

ಇದರ ಹೆಸರು ಝಡ್ಪಾಡ್ ವಾಹನ ಎಂಬುದಾಗಿದ್ದು, ಬೆಂಗಳೂರು ಮೂಲದ ಮೈನಸ್ ಝೀರೋ ಎಂಬ ಸ್ಟಾರ್ಟಪ್ನ ಸಂಸ್ಥೆಯು ಅಭಿವೃದ್ಧಿಪಡಿಸಿದ ಸಂಪೂರ್ಣ ಸ್ವಯಂ-ಚಾಲನಾ ತಂತ್ರಜ್ಞಾನವನ್ನು ಪ್ರದರ್ಶಿಸುವ ಭಾರತದ ಮೊದಲ ಸ್ವಾಯತ್ತ ವಾಹನ ಎಂದು ಇದನ್ನು ಗುರುತಿಸಲಾಗಿದೆ. ಕಳೆದ ಕೆಲವು ದಿನಗಳಲ್ಲಿ ಫ್ರೇಸರ್ ಟೌನ್ ಬಳಿ ಎರಡು ಬಾರಿ ಈ ವಾಹನ ಕಾಣಿಸಿಕೊಂಡಿದೆ
ಈ ವಾಹನವು ನಗರದಲ್ಲಿ ಪತ್ತೆಯಾದಾಗ ತಲೆ ತಿರುಗಿಸುವುದರಲ್ಲಿ ಆಶ್ಚರ್ಯವೇನಿಲ್ಲ. ಅನಿರುದ್ಧ್ ರವಿಶಂಕರ್ ಎಂಬ ಟ್ವಿಟ್ಟರ್ ಬಳಕೆದಾರರು ಬೆಂಗಳೂರಿನ ಬೀದಿಗಳಲ್ಲಿ ವಿಚಿತ್ರವಾಗಿ ಕಾಣುವ, ಸ್ವಯಂ ಚಾಲಿತ ವಾಹನದ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. “ಬೆಂಗಳೂರಿನ ಬೀದಿಗಳಲ್ಲಿ” ಎಂದು ರವಿಶಂಕರ್ ಈ ಕ್ಲಿಪ್ ಅನ್ನು ಹಂಚಿಕೊಳ್ಳುವಾಗ ಬರೆದಿದ್ದಾರೆ.