ಬಲವಂತವಾಗಿ ಮತಾಂತರ ಮಾಡಿಸಿದ ವಕೀಲನ ಪರವಾನಿಗೆ ಅಮಾನತು

ಮಹಿಳೆಯನ್ನ ಬಲವಂತಾಗಿ ಇಸ್ಲಾಂ ಧರ್ಮಕ್ಕೆ ಮತಾಂತರ ಮಾಡಿ ತನ್ನ ಕಚೇರಿಯಲ್ಲೇ ಮದುವೆ ಮಾಡಿಸಿದ್ದಾರೆ ಎಂಬ ಆರೋಪ ಕೇಳಿ ಬಂದ ಬಳಿಕ ದೆಹಲಿ ಬಾರ್​ ಕೌನ್ಸಿಲ್​​​​ ವಕೀಲರೊಬ್ಬರ ಪರವಾನಿಗೆಯನ್ನ ಅಮಾನತುಗೊಳಿಸಿದೆ.

ವಕೀಲ ಇಕ್ಬಾಲ್​ ಮಲ್ಲಿಕ್​ ವಿರುದ್ಧ ಸೋಹಾನ್​ ಸಿಂಗ್​ ತೋಮರ್​ ಎಂಬವರು ದೂರನ್ನ ಸಲ್ಲಿಸಿದ್ದಾರೆ. ತಮ್ಮ ಪುತ್ರಿಯನ್ನ ಬಲವಂತವಾಗಿ ಮತಾಂತರ ಮಾಡಿ ಕಾರ್ಕಾಡೂಮ ಜಿಲ್ಲಾ ಕೋರ್ಟ್​ನ ಕೊಠಡಿಯಲ್ಲಿ ವಿವಾಹ ಮಾಡಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.

ದೆಹಲಿ ಬಾರ್​ ಕೌನ್ಸಿಲ್​ ಕಾರ್ಯದರ್ಶಿ ಪಿಯೂಷ್​ ಗುಪ್ತಾ, ವಕೀಲ ಇಕ್ಬಾಲ್​ ಮಲಿಕ್​ಗೆ ನೋಟಿಸ್​ ನೀಡಿದ್ದು ಉಪಾಧ್ಯಕ್ಷ , ಮಾಜಿ ಅಧ್ಯಕ್ಷ ಹಾಗೂ ತಮ್ಮನ್ನೂ ಸೇರಿದಂತೆ ಒಂದು ಸಮಿತಿಯನ್ನ ರಚನೆ ಮಾಡಲಾಗಿದ್ದು ಈ ಪ್ರಕರಣ ಸಂಬಂಧ ಮೂರು ತಿಂಗಳಲ್ಲಿ ತೀರ್ಪು ನೀಡಲಿದೆ ಎಂದು ಹೇಳಿದೆ.

1 ಗಂಟೆ ಅವಧಿಯಲ್ಲಿ 1 ಮಿಲಿಯನ್​ ಸಸಿ ನೆಟ್ಟು ʼವಿಶ್ವ ದಾಖಲೆʼ

ಅಲ್ಲದೇ ಈ ವಿಚಾರಣೆ ಅವಧಿಯಲ್ಲಿ ಬಾರ್​ ಕೌನ್ಸಿಲ್​​ ಇಕ್ಬಾಲ್​​ರ ಪರವಾನಿಗೆಯನ್ನ ಅಮಾನತು ಮಾಡಿದೆ. ಅಲ್ಲದೇ 7 ದಿನಗಳ ಒಳಗಾಗಿ ನೋಟಿಸ್​ಗೆ ಉತ್ತರ ನೀಡುವಂತೆ ಹೇಳಿದೆ.

ವಿವಾಹ ಪ್ರಮಾಣ ಪತ್ರದ ಪ್ರಕಾರ ಈ ಬಲವಂತದ ಮದುವೆಯು ಜೂನ್​ 3ರಂದು ನಡೆದಿದೆ. ಇನ್ನು ಈ ವಿಚಾರವಾಗಿ ಪ್ರತಿಕ್ರಿಯೆ ನೀಡಿರುವ ಇಕ್ಬಾಲ್​ ಮಲ್ಲಿಕ್​, ನನಗೆ ಇಲ್ಲಿಯವರೆಗೆ ಯಾವುದೇ ನೋಟಿಸ್​ ಬಂದಿಲ್ಲ. ಈ ಎಲ್ಲಾ ಆರೋಪಗಳು ಸತ್ಯಕ್ಕೆ ದೂರವಾಗಿವೆ. ನಾನು ಯಾರಿಗೂ ಮದುವೆಯನ್ನ ಮಾಡಿಸಿಲ್ಲ. ಈ ಮಹಿಳೆಯು ನ್ಯಾಯಕ್ಕಾಗಿ ದೆಹಲಿ ಹೈಕೋರ್ಟ್​ ಮೆಟ್ಟಿಲೇರಿದ್ದಳು. ಈಕೆ ತಂದೆಯ ವಿರುದ್ಧ ಆರೋಪ ಮಾಡಿದ್ದಾಳೆ ಎಂದು ಹೇಳಿದ್ದಾರೆ.