ತನ್ನ ಮಾಲೀಕಳನ್ನು ನೋಡಿ ಚಿಕ್ಕಮಕ್ಕಳಂತೆ ಕುಣಿದಾಡಿದ ಘೇಂಡಾಮೃಗ: ಹೃದಯಸ್ಪರ್ಷಿ ವಿಡಿಯೋ ವೈರಲ್​

ನೀವು ಪ್ರಾಣಿ ಪ್ರೇಮಿಯಾಗಿದ್ದರೆ, ಘೇಂಡಾಮೃಗದ ಈ ಮುದ್ದಾದ ವೈರಲ್ ವಿಡಿಯೋ ನಿಮ್ಮ ಹೃದಯವನ್ನು ಕರಗಿಸುವುದು ಖಚಿತ. ಘೇಂಡಾಮರಿಯೊಂದು ತನ್ನ ಮಾಲೀಕಳನ್ನು ಕಂಡು ಖುಷಿಯಿಂದ ಜಿಗಿಯುತ್ತಿರುವ ವಿಡಿಯೋ ಇದಾಗಿದೆ.

ಬಿ & ಎಸ್ ಎಂಬ ಟ್ವಿಟರ್‌ ಖಾತೆಯಲ್ಲಿ ಈ ಮುದ್ದಾದ ವಿಡಿಯೋ ಹಂಚಿಕೊಳ್ಳಲಾಗಿದೆ. ಪ್ರಾಣಿಗಳು ಎಂದಿಗೂ ತಮ್ಮನ್ನು ಜೋಪಾನ ಮಾಡುವವರಿಗೆ ಎಷ್ಟು ಪ್ರೀತಿ ನೀಡುತ್ತದೆ ಎಂಬುದನ್ನು ಈ ವಿಡಿಯೋ ತೋರಿಸುತ್ತದೆ ಎಂದು ಹಲವರು ಹೇಳಿದ್ದಾರೆ.

ಪ್ರಾಣಿಗಳು ಕೆಲವೊಮ್ಮೆ ಕ್ರೂರಿಗಳು ಎನಿಸಿದರೂ ತನಗೆ ಹಿಂಸೆ ನೀಡುವವರಿಗೆ ಮಾತ್ರ ಅದು ಕ್ರೂರಿಯಾಗಿರುತ್ತದೆಯೇ ವಿನಾ ತನ್ನನ್ನು ಪ್ರೀತಿಸುವವರಿಗೆ ಪ್ರೀತಿಯನ್ನೇ ತೋರುತ್ತದೆ. ಮುದ್ದು ಮಕ್ಕಳ ಮನಸ್ಸಿನಂತೆಯೇ ಇವುಗಳದ್ದೂ ಕಲ್ಮಷರಹಿತ ಹೃದಯ ಎಂದು ಹಲವರು ಹೇಳಿದ್ದಾರೆ.