ಚೀನಾದಲ್ಲಿ ದಿನೇ ದಿನೇ ಕೋವಿಡ್ ಕೇಸ್ ಗಳು ಹೆಚ್ಚುತ್ತಿದ್ದು ಜಾಗತಿಕವಾಗಿ ಮತ್ತೆ ಆತಂಕ ಸೃಷ್ಟಿಯಾಗ್ತಿದೆ. ಅಕ್ಟೋಬರ್ ನಲ್ಲಿ ಚೀನಾ ಶೂನ್ಯ ಕೋವಿಡ್ ನೀತಿ ಜಾರಿಗೊಳಿಸಿದ್ದರಿಂದ ಭಾರೀ ಕೋಲಾಹಲವೆದ್ದಿತು. ಜನ ವಿರೋಧ ವ್ಯಕ್ತವಾಗ್ತಿದ್ದಂತೆ ದೇಶದ ಆರ್ಥಿಕತೆಯ ಮೇಲೆ ಪ್ರತಿಕೂಲ ಪ್ರಭಾವದ ಹೊರತಾಗಿಯೂ ಕಠಿಣ ನಿರ್ಬಂಧಗಳನ್ನು ಚೀನಾ ಸಡಿಲಗೊಳಿಸಿತು. ಇದರ ಪರಿಣಾಮ ಚೀನಾದಲ್ಲಿ ಕೋವಿಡ್ ಪ್ರಕರಣಗಳು ದಿನೇ ದಿನೇ ಹೆಚ್ಚಾಗುತ್ತಿದ್ದು ಆಸ್ಪತ್ರೆ ಕೋವಿಡ್ ಸೋಂಕಿತರಿಂದ ತುಂಬಿಹೋಗಿದೆ.
ಕೋವಿಡ್ ಮೊದಲ ಬಾರಿಗೆ ವರದಿಯಾದ ಮೂರು ವರ್ಷಗಳ ನಂತರ ಚೀನಾವನ್ನು ಸಾಂಕ್ರಾಮಿಕ ರೋಗ ಮತ್ತೊಮ್ಮೆ ಭೀಕರ ಎಚ್ಚರಿಕೆಯನ್ನು ನೀಡಿದೆ. ಸಾಂಕ್ರಾಮಿಕ ರೋಗಶಾಸ್ತ್ರಜ್ಞರಾದ ಎರಿಕ್ ಫೀಗಲ್-ಡಿಂಗ್, ಚೀನಾದಲ್ಲಿ “ಥರ್ಮೋನ್ಯೂಕ್ಲಿಯರ್ ಕೆಟ್ಟ” ಪರಿಸ್ಥಿತಿಯ ಬಗ್ಗೆ ಎಚ್ಚರಿಸಿದ್ದಾರೆ. ಏಕೆಂದರೆ ದೇಶಾದ್ಯಂತ ಸೋಂಕುಗಳು ವೇಗವಾಗಿ ಬೆಳೆಯುತ್ತಿವೆ. ಎರಿಕ್ ಫೀಗಲ್-ಡಿಂಗ್ ಒಬ್ಬ ಅಮೇರಿಕನ್ ಸಾರ್ವಜನಿಕ ಆರೋಗ್ಯ ವಿಜ್ಞಾನಿಯಾಗಿದ್ದು, ಅವರು ಪ್ರಸ್ತುತ ನ್ಯೂ ಇಂಗ್ಲೆಂಡ್ ಕಾಂಪ್ಲೆಕ್ಸ್ ಸಿಸ್ಟಮ್ಸ್ ಇನ್‌ಸ್ಟಿಟ್ಯೂಟ್‌ನಲ್ಲಿ ಕೋವಿಡ್ ಟಾಸ್ಕ್ ಫೋರ್ಸ್‌ನ ಮುಖ್ಯಸ್ಥರಾಗಿದ್ದಾರೆ.
ಏತನ್ಮಧ್ಯೆ, ಚೀನಾ ಹದಗೆಡುತ್ತಿರುವ ಬಿಕ್ಕಟ್ಟನ್ನು ಕಡಿಮೆ ಮಾಡುವುದನ್ನು ಮುಂದುವರೆಸಿದೆ. ನವೆಂಬರ್ ಮಧ್ಯದಿಂದ ವೈರಸ್‌ನಿಂದ ಹನ್ನೊಂದು ಅಧಿಕೃತ ಸಾವುಗಳನ್ನು ವರದಿ ಮಾಡಿದೆ, ಅಂದಿನಿಂದ 10,000 ಕ್ಕೂ ಹೆಚ್ಚು ದೈನಂದಿನ ಸೋಂಕುಗಳು ವರದಿಯಾಗಿವೆ. ಆದರೆ ಸ್ಮಶಾನಗಳಲ್ಲಿನ ಕೆಲಸಗಾರರು ಮತ್ತು ಚೀನಾದ ಆಸ್ಪತ್ರೆಗಳನ್ನು ತೋರಿಸುವ ವೀಡಿಯೊಗಳು ವಿಭಿನ್ನ ಕಥೆಯನ್ನು ಹೇಳುತ್ತಿವೆ. ಆಸ್ಪತ್ರೆಗಳು ರೋಗಿಗಳಿಂದ ತುಂಬಿದ್ರೆ, ಸ್ಮಶಾನಗಳು ಶವಗಳಿಂದ ತುಂಬಿವೆ.
Loading ...