ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳೊಂದಿಗೆ ದೇಶದಲ್ಲಿ ಬಳಕೆಯಾಗದ 22 ಕೋಟಿಗೂ ಅಧಿಕ ಕೋವಿಡ್ ಲಸಿಕೆ ಡೋಸೇಜ್ಗಳನ್ನು ರಫ್ತು ಮಾಡುವ ಬಗ್ಗೆ ಕೇಂದ್ರ ಸರ್ಕಾರವು ಶೀಘ್ರದಲ್ಲೇ ಸೂಕ್ತ ಕ್ರಮ ಕೈಗೊಳ್ಳಲಿದೆ ಎಂದು ಅಧಿಕೃತ ಮೂಲಗಳು ಮಾಹಿತಿ ನೀಡಿವೆ.
ಕೇಂದ್ರ ಸರ್ಕಾರವು ಇತ್ತೀಚೆಗೆ ಕೋವ್ಯಾಕ್ಸ್ ಸರಬರಾಜು ಪುನಾರಂಭಿಸಿದ್ದು, ಇದೀಗ ವಾಣಿಜ್ಯ ರಫ್ತುಗಳನ್ನೂ ಆರಂಭಿಸುವ ಬಗ್ಗೆ ಯೋಚಿಸುತ್ತಿದೆ. ಕೋವ್ಯಾಕ್ಸ್ ಮೂಲಕ 1 ಕೋಟಿ ಡೋಸ್ ಕೋವಿಶೀಲ್ಡ್ಗಳನ್ನೂ ರಫ್ತು ಮಾಡಲು ಕೇಂದ್ರ ಆರೋಗ್ಯ ಸಚಿವಾಲಯ ಸೀರಮ್ ಸಂಸ್ಥೆಗೆ ಅನುಮತಿ ನೀಡಿದೆ. 8 ತಿಂಗಳುಗಳ ಕಾಲ ರಫ್ತು ನಿಲ್ಲಿಸಿದ್ದ ಭಾರತವು ಮಯನ್ಮಾರ್, ನೇಪಾಳ, ಬಾಂಗ್ಲಾ ಹಾಗೂ ಇರಾನ್ಗೆ ಲಸಿಕೆ ಪೂರೈಕೆ ಪುನಾರಂಭಿಸಿದೆ.
ದೇಶದಲ್ಲಿ ಕೊರೊನಾ ಲಸಿಕೆ ಉತ್ಪಾದನೆ ಭರದಿಂದ ಸಾಗುತ್ತಿದೆ. ಶೀಘ್ರದಲ್ಲೇ ದೇಶವು ಕೋವಿಡ್ ಲಸಿಕೆಗಳನ್ನು ಹೆಚ್ಚೆಚ್ಚು ಪೂರೈಕೆ ಮಾಡಲಿದೆ. ರಫ್ತಿಗೆ ಅನುಮತಿ ನೀಡದೇ ಇದ್ದರೆ ನಾವು ಇನ್ನೇನು ಮಾಡಬೇಕು ಎಂದು ಮೂಲಗಳು ಹೇಳಿವೆ. ನವೆಂಬರ್ ತಿಂಗಳಲ್ಲಿ 30 ಕೋಟಿ ಡೋಸ್ಗಳನ್ನು ವಿತರಿಸಲಾಗಿದೆ. ಆದರೆ ಇದುವರೆಗೆ 8.8 ಕೋಟಿ ಡೋಸ್ಗಳನ್ನು ಮಾತ್ರ ಜನರಿಗೆ ನೀಡಲಾಗಿದೆ.
ಡಿಸೆಂಬರ್ ತಿಂಗಳಿನಲ್ಲಿ ಪೂರೈಕೆ ಇನ್ನಷ್ಟು ಹೆಚ್ಚಾಗುವ ನಿರೀಕ್ಷೆ ಇದೆ. ಡಿಸೆಂಬರ್ ತಿಂಗಳಲ್ಲಿ ಸುಮಾರು 31 ಕೋಟಿ ಕೋವಿಶೀಲ್ಡ್ ಹಾಗೂ ಕೋವ್ಯಾಕ್ಸಿನ್ ಡೋಸ್ಗಳನ್ನು ಸ್ವೀಕರಿಸಲು ನಿರ್ಧರಿಸಲಾಗಿದೆ. ಇದರ ಜೊತೆಯಲ್ಲಿ ಕ್ಯಾಡಿಲ್ ಹೆಲ್ತ್ಕೇರ್ನಿಂದ ಜೈಕೋವ್ ಡಿ ಹೆಚ್ಚುವರಿ 2 ಕೋಟಿ ಡೋಸ್ಗಳನ್ನು ನಿರೀಕ್ಷಿಸಲಾಗಿದೆ.
ಒಟ್ಟಾರೆಯಾಗಿ ವಿಶ್ವದಲ್ಲಿ ಕೊರೊನಾ ಲಸಿಕೆಗಳಿಗೆ ಇನ್ನೂ ಬೇಡಿಕೆ ಇದೆ. ಜಾಗತಿಕವಾಗಿ ಈಗಾಗಲೇ ಲಭ್ಯವಿರುವ ಲಸಿಕೆಗಳಿಗಿಂತ ಭಾರತದ ಕೋವಿಡ್ ಲಸಿಕೆಗಳು ಹೆಚ್ಚು ಪರಿಣಾಮಕಾರಿ ಎಂದು ನಿರೀಕ್ಷಿಸಲಾಗಿದೆ. ಈ ಎಲ್ಲಾ ಅಂಶಗಳನ್ನು ಗಮನದಲ್ಲಿರಿಸಿ ಕೇಂದ್ರ ಸರ್ಕಾರವು ಕೋವಿಡ್ ಲಸಿಕೆ ಡೋಸೇಜ್ಗಳ ವಾಣಿಜ್ಯ ರಫ್ತು ಮಾಡುವ ನಿರೀಕ್ಷೆ ಇದೆ ಎನ್ನಲಾಗಿದೆ.
Loading ...