ಬೆತ್ತಲೆ ಫೋಟೋ ಶೂಟ್​ ಮಾಡಿಸಿಕೊಂಡ ರಣವೀರ್​ ಸಿಂಗ್‌ ​ಗೆ ದೇಣಿಗೆಯಾಗಿ ಬಟ್ಟೆ ನೀಡುವ ʼಅಭಿಯಾನʼ

ರಣವೀರ್​ ಸಿಂಗ್​ ಬೆತ್ತಲಾಗಿ ಫೋಟೋ ಶೂಟ್​ ಮಾಡಿಸಿಕೊಂಡಿದ್ದರ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪರ ಮತ್ತು ವಿರೋಧದ ಅಭಿಪ್ರಾಯಗಳು ಬರುತ್ತಿವೆ. ಕೆಲವು ಜನರಂತೂ ರಣವೀರ್​ಗೆ ಬಿಸಿ ಮುಟ್ಟಿಸಲು ಅಭಿಯಾನವೇ ನಡೆಸಿದ್ದಾರೆ. ವಿಡಿಯೋ ವೊಂದರಲ್ಲಿ ಕಾಣಿಸುವಂತೆ ಇಂದೋರ್​ನಲ್ಲಿ ರಣವೀರ್​ಗಾಗಿ ಜನರ ಗುಂಪು ಬಟ್ಟೆ ದೇಣಿಗೆ ಅಭಿಯಾನವನ್ನು ಆಯೋಜಿಸಿದೆ.

ಬೀದಿಯಲ್ಲಿರುವ ಮೇಜಿನ ಮೇಲೆ ಇರಿಸಲಾಗಿರುವ ಪೆಟ್ಟಿಗೆಗೆ ಜನರು ತಮ್ಮ ಬಟ್ಟೆಗಳನ್ನು ದಾನ ಮಾಡುವುದನ್ನು ನೋಡಬಹುದಾಗಿದೆ. ಆ ಬಾಕ್ಸ್​ ಮೇಲೆ ರಣವೀರ್​ನ ಫೋಟೋಶೂಟ್ ​ಫೋಟೋ ಇದೆ.

ಈ ಬಾಲಿವುಡ್​ ನಟನ ನಗ್ನ ಫೋಟೋಶೂಟ್​ನ ಚಿತ್ರಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್​ ಆದ ನಂತರ ಮುಂಬೈ ಪೊಲೀಸರು “ಮಹಿಳೆಯರ ಭಾವನೆಗಳಿಗೆ ಧಕ್ಕೆ ತಂದ” ಆರೋಪದ ಮೇಲೆ ಆತನ ಮೇಲೆ ಎಫ್​ಐಆರ್​ ದಾಖಲಿಸಿದ್ದಾರೆ.