ಚೀನಾದಲ್ಲಿ ನಡೆದ ಈ ಘಟನೆ ಹಾಲಿವುಡ್ ಸಿನಿಮಾದ ದೃಶ್ಯದಂತೆಯೇ ಕಾಣಿಸುತ್ತದೆ. ಚೀನಾದ ನೈಋತ್ಯ ಸಿಚುವಾನ್ ಪ್ರಾಂತ್ಯದಲ್ಲಿ ಕಾರು ಚಾಲಕನು ಭಯಾನಕ ಭೂಕುಸಿತವನ್ನು ಸ್ವಲ್ಪದರಲ್ಲೇ ತಪ್ಪಿಸಿಕೊಂಡಿದ್ದಾನೆ.
ಘಟನೆಯ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಹೆದ್ದಾರಿಯಲ್ಲಿ ಪರ್ವತವೊಂದು ಕುಸಿದು, ಅದರ ನಡುವೆ ಕಾರು ಚಲಿಸುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದು. ಕೊನೆಯಲ್ಲಿ ಅವಶೇಷ ಕಾಣಿಸುತ್ತದೆ. ಆರಂಭದಲ್ಲಿ ಕಾರು ಸುರಂಗದಿಂದ ವೇಗವಾಗಿ ದಾಟಿ ಹೋಗುವುದನ್ನು ಕಾಣಬಹುದು.
ಕಾರು ಆ ಸ್ಥಳ ದಾಟುತ್ತಿದ್ದಂತೆ ಕ್ಷಣ ಮಾತ್ರದಲ್ಲಿ ಮಣ್ಣಿನ ರಾಶಿ ಜರಿದು ಆಕಾಶದೆತ್ತರಕ್ಕೆ ಧೂಳು ಏಳುತ್ತದೆ. ಜುಲೈ 5ರಂದು ಸಂಭವಿಸಿದ ಘಟನೆಯ ವಿಡಿಯೊ ನೋಡುಗರನ್ನು ಅಚ್ಚರಿಗೆ ದೂಡಿದೆ.
ಭೂ ಕುಸಿತದಿಂದ ಯಾವುದೇ ಸಾವುನೋವುಗಳು ವರದಿಯಾಗಿಲ್ಲ ಎಂಬ ಶೀರ್ಷಿಕೆಯೊಂದಿಗೆ ಆ ವಿಡಿಯೋ ಕ್ಲಿಪ್ ಅನ್ನು ಹಂಚಿಕೊಳ್ಳಲಾಗಿದೆ. ಈ ಘಟನೆಯು ಕಳೆದ ಕೆಲವು ವಾರಗಳಿಂದ ಚೀನಾ ಎದುರಿಸುತ್ತಿರುವ ಕೆಟ್ಟ ಹವಾಮಾನದ ಪರಿಣಾಮವಾಗಿರಬಹುದು ಎಂದು ಅಕ್ಯುವೆದರ್ ವರದಿ ಮಾಡಿದೆ.
Loading ...