ಮಳೆಗಾಲದಲ್ಲಿ ತಿನ್ನಿ ಬಿಸಿ ಬಿಸಿ ಬದನೆಕಾಯಿ ಪಕೋಡ

ಮಳೆ ಬರುತ್ತಿರುವಾಗ ಕರಂ ಕುರುಂ ತಿನ್ನಬೇಕೆನ್ನುವ ಬಯಕೆಯಾಗುತ್ತದೆ. ಮಳೆ ಜೊತೆ ಟೀ ಕುಡಿಯುತ್ತ ಬದನೆಕಾಯಿ ಪಕೋಡ ಸೇವಿಸಿದ್ರೆ ಅದ್ರ ಮಜವೇ ಬೇರೆ.

ಬದನೆಕಾಯಿ ಪಕೋಡ ಮಾಡಲು ಬೇಕಾಗುವ ಪದಾರ್ಥ :

ದೊಡ್ಡ ಬಿಳಿಬದನೆ

1/2 ಕಪ್ ಕಡಲೆ ಹಿಟ್ಟು

1 ಚಮಚ ಹಸಿರು ಕೊತ್ತಂಬರಿ

1/2 ಚಮಚ ಕೆಂಪು ಮೆಣಸಿನ ಪುಡಿ

¼ ಚಮಚ ಅರಿಶಿನ

1 ಚಿಟಕಿ ಅಜ್ವೈನ

ರುಚಿಗೆ ತಕ್ಕಷ್ಟು ಉಪ್ಪು

ರುಚಿಗೆ ತಕ್ಕಷ್ಟು ಚಾಟ್ ಮಸಾಲಾ

ಕರಿಯಲು ಎಣ್ಣೆ

ಬದನೆಕಾಯಿ ಪಕೋಡಾ ಮಾಡುವ ವಿಧಾನ :

ಒಂದು ಪಾತ್ರೆಗೆ ಕಡಲೆ ಹಿಟ್ಟು, ಅಜ್ವೈನ, ಉಪ್ಪು, ಕೆಂಪು ಮೆಣಸಿನಕಾಯಿ, ಅರಿಶಿನ, ಹಸಿರು ಕೊತ್ತಂಬರಿ ಮಿಶ್ರಣ ಮಾಡಿ, ಸ್ವಲ್ಪ ನೀರು ಬೆರೆಸಿ ದಪ್ಪ ಬ್ಯಾಟರ್ ತಯಾರಿಸಿ. ಬಿಳಿಬದನೆಯನ್ನು ದುಂಡಗೆ ಕತ್ತರಿಸಿಕೊಳ್ಳಿ.ಇದನ್ನು ಮಿಶ್ರಣದಲ್ಲಿ ಹಾಕಿ 5 ನಿಮಿಷ ನೆನೆಸಿಡಿ. ನಂತ್ರ ಬಾಣಲೆಯಲ್ಲಿ ಎಣ್ಣೆಯನ್ನು ಹಾಕಿ ಬಿಸಿ ಮಾಡಿ. ಎಣ್ಣೆ ಬಿಸಿಯಾಗ್ತಿದ್ದಂತೆ ಮಿಶ್ರಣದಲ್ಲಿ ಅದ್ದಿರುವ ಬದನೆಯನ್ನು ಕರಿಯಿರಿ. ನಂತ್ರ ಚಾಟ್ ಮಸಾಲಾ ಹಾಕಿ ಸರ್ವ್ ಮಾಡಿ.