ನಲ್ಗೊಂಡ ಜಿಲ್ಲೆಯ ಪೆಡವೂರ ಮಂಡಲದ ತುಂಗತರ್ಥಿ ಗ್ರಾಮದಲ್ಲಿ ಟ್ರೇನಿ ಹೆಲಿಕಾಪ್ಟರ್ ಪತನಗೊಂಡ ಪರಿಣಾಮ ಮಹಿಳಾ ಟ್ರೇನಿ ಪೈಲಟ್ ಹಾಗೂ ಮತ್ತೊಬ್ಬ ಪೈಲಟ್ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.
ಸ್ಥಳಕ್ಕಾಗಮಿಸಿದ ನಲ್ಗೊಂಡ ಪೊಲೀಸರು ರಕ್ಷಣಾ ಕಾರ್ಯವನ್ನು ಆರಂಭಿಸಿದ್ದರು. ಆದರೆ ಮಹಿಳಾ ಪೈಲಟ್ ಪೊಲೀಸರಿಗೆ ಶವವಾಗಿ ಪತ್ತೆಯಾಗಿದ್ದಾರೆ. ದುರಂತಕ್ಕೀಡಾದ ಈ ಹೆಲಿಕಾಪ್ಟರ್ ನಾಗಾರ್ಜುನ ಸಾಗರ್ನಲ್ಲಿರುವ ಫ್ಲೈಟೆಕ್ ಏವಿಯೇಷನ್ ಖಾಸಗಿ ವಿಮಾನಯಾನ ಕಂಪನಿಗೆ ಸೇರಿದೆ.
ಪೆಡವೂರ ಮಂಡಲದ ತುಂಗತರ್ಥಿ ಗ್ರಾಮದ ಕೃಷಿ ಜಮೀನಿನಲ್ಲಿ ಕೆಲಸ ಮಾಡುತ್ತಿದ್ದ ರೈತರು ಹೆಲಿಕಾಪ್ಟರ್ ಪತನಗೊಂಡು ದಟ್ಟವಾದ ಹೊಗೆ ಆವರಿಸಿರುವ ಬಗ್ಗೆ ಮಾಹಿತಿ ಪಡೆದ ತಕ್ಷಣ ಪೊಲೀಸರು ಸ್ಥಳಕ್ಕಾಗಮಿಸಿದ್ದರು. ಈ ವೇಳೆಯಲ್ಲಿ ಪೊಲೀಸರಿಗೆ ಮಹಿಳಾ ಪೈಲಟ್ ಶವ ಪತ್ತೆಯಾಗಿದೆ.
ಕೃಷಿ ಭೂಮಿಯಲ್ಲಿನ ಹೈಟೆನ್ಶನ್ ವಿದ್ಯುತ್ ತಂತಿಗಳಿಗೆ ಹೆಲಿಕಾಪ್ಟರ್ ಸಂಪರ್ಕಕ್ಕೆ ಬಂದು ದುರಂತ ಸಂಭವಿಸಿದೆ ಎಂದು ಪೊಲೀಸರು ಶಂಕಿಸಿದ್ದಾರೆ.
Loading ...