ಸೌದಿ ಅರೇಬಿಯಾದ ರಾಜಧಾನಿ ರಿಯಾದ್ನ ಆಗ್ನೇಯ ಭಾಗದಲ್ಲಿರುವ ಬಳಕೆಯಾಗದ ಯುದ್ಧ ಸಾಮಗ್ರಿ ಸಂಗ್ರಹಣಾ ಕೇಂದ್ರದಲ್ಲಿ ಸ್ಪೋಟ ಸಂಭವಿಸಿದೆ ಎಂದು ವರದಿಯಾಗಿದೆ.
ಖಾರ್ಜ್ ಬಳಿಯಲ್ಲಿ ಭಾರೀ ಪ್ರಮಾಣದಲ್ಲಿ ಹೊಗೆ ಕಾಣಿಸಿಕೊಂಡ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ಹರಿದಾಡಿದ ಬಳಿಕ ಸೌದಿ ಅರೇಬಿಯಾದ ಮಾಧ್ಯಮಗಳು ಸ್ಫೋಟ ಸಂಭವಿಸಿರೋದ್ರ ಬಗ್ಗೆ ಅಧಿಕೃತ ವರದಿ ಘೋಷಣೆಯನ್ನ ಮಾಡಿವೆ.
ಮಾಧ್ಯಮಗಳ ವರದಿ ಪ್ರಕಾರ ಈ ಘಟನೆಯಲ್ಲಿ ಯಾವುದೇ ಸಾವು – ನೋವುಗಳು ಸಂಭವಿಸಿಲ್ಲ ಎನ್ನಲಾಗಿದೆ.
ಖಾರ್ಜ್ ಅಮೆರಿಕ ಪಡೆಗಳಿಗೆ ಆತಿಥ್ಯ ವಹಿಸುವ ಪ್ರಿನ್ಸ್ ಸುಲ್ತಾನ್ ವಾಯುನೆಲೆಗೆ ತೀರಾ ಸಮೀಪದಲ್ಲಿದೆ. ಈ ಘಟನೆಯ ಸಂಬಂಧ ಅಮೆರಿಕ ಮಿಲಿಟರಿ ಪಡೆ ಅಧಿಕಾರಿಗಳು ಇಲ್ಲಿಯವರೆಗೆ ಯಾವುದೇ ತುರ್ತು ಪ್ರತಿಕ್ರಿಯೆ ನೀಡಿಲ್ಲ.
Loading ...