ಶಿವಮೊಗ್ಗ: ರಾಜ್ಯದಲ್ಲಿರುವ ಮುಸ್ಲಿಂರನ್ನು ಹಾಳು ಮಾಡಲೆಂದೇ ನಾಲ್ವರು ರಾಜಕಾರಣಿಗಳು ಇದ್ದಾರೆ. ಹೆಚ್.ಡಿ.ಕುಮಾರಸ್ವಾಮಿ, ಸಿದ್ದರಾಮಯ್ಯ,ಡಿ.ಕೆ.ಶಿವಕುಮಾರ್ ಹಾಗೂ ಜಮೀರ್ ಅಹ್ಮದ್ ಈ ನಾಲ್ವರು ರಾಜ್ಯಕ್ಕೆ ಕಂಟಕ ಎಂದು ಸಚಿವ ಕೆ.ಎಸ್.ಈಶ್ವರಪ್ಪ ವಾಗ್ದಾಳಿ ನಡೆಸಿದ್ದಾರೆ.
ಶಿವಮೊಗ್ಗದಲ್ಲಿ ಮಾತನಾಡಿದ ಸಚಿವ ಈಶ್ವರಪ್ಪ, ಹಿಜಾಬ್ ವಿವಾದ ಆರಂಭಿಸಿದ 6 ವಿದ್ಯಾರ್ಥಿನಿಯರಿಗೆ ಈ ನಾಲ್ವರು ಮಹಾಪುರುಷರು ಬುದ್ಧಿವಾದ ಹೇಳಿದ್ದರೆ ರಾಜ್ಯದಲ್ಲಿ ಇಂತಹ ಪರಿಸ್ಥಿತಿ ಬರುತ್ತಿರಲಿಲ್ಲ ಎಂದು ಹೇಳಿದರು.
ಮಕ್ಕಳ ಬೆನ್ನ ಮೇಲೆ ಕುಟುಂಬಸ್ಥರ ವಿವರವನ್ನು ಬರೆದಿಡುತ್ತಿದ್ದಾರೆ ಉಕ್ರೇನ್ನ ತಾಯಂದಿರು..!
ಉತ್ತರ ಪ್ರದೇಶದಲ್ಲಿ ಯೋಗಿ ಆದಿತ್ಯನಾಥ್ ನೇತೃತ್ವದಲ್ಲಿ ಸಂಪೂರ್ಣ ಬಹುಮತ ಬಂದಿದೆ. ಇದಕ್ಕೆ ಕಾರಣ ಸಂವಿಧಾನ ಹಾಗೂ ಕೋರ್ಟ್ ಗೆ ಕೊಟ್ಟ ಗೌರವ. ಯೋಗಿ ಆದಿತ್ಯನಾಥ್ ಎಲ್ಲರನ್ನೂ ಸಮಾನರಾಗಿ ನೋಡಿದ್ದಾರೆ. ಮುಸ್ಲಿಂ ಮಹಿಳೆಯರು ಯೋಗಿ ಪರವಾಗಿ ಪ್ರಚಾರ ನಡೆಸಿದ್ದರು. ಈ ಬಗ್ಗೆ ವಿಪಕ್ಷ ನಾಯಕರು ಅರಿತುಕೊಳ್ಳಲಿ ಎಂದರು.
ರಾಜ್ಯ ಇಂದು ಶಾಂತಿಯಲ್ಲಿದೆ. ಅದು ಸಿದ್ದರಾಮಯ್ಯ, ಡಿ.ಕೆ.ಶಿವಕುಮಾರ್, ಕುಮಾರಸ್ವಾಮಿ ಅವರಿಗೆ ಬೇಕಿಲ್ಲ. ಹಿಂದೂ-ಮುಸ್ಲಿಂ ನಡುವೆ ಒಡಕು ಮೂಡಿಸಬೇಕಿದೆ. ಮುಸ್ಲಿಂ ಮತಗಳನ್ನು ಮಾತ್ರ ಪಡೆಯಬೇಕಿದೆ. ಅವರ ಪರ ಜೋರಾಗಿ ಕೂಗಿದ್ರೆ ಮತಗಳು ಬರುತ್ತವೆ ಎಂಬ ಭ್ರಮೆಯಲ್ಲಿದ್ದಾರೆ ಎಂದು ಕಿಡಿಕಾರಿದರು.
Loading ...