ಬಿಬಿಸಿಯ ಮೊದಲ ಹಿಂದಿ ವಾರ್ತಾ ನಿರೂಪಕಿ ಇನ್ನಿಲ್ಲ

ಸುಮಾರು 60 ವರ್ಷಗಳ ಹಿಂದೆ ಬಿಬಿಸಿಯಲ್ಲಿ ಹಿಂದಿ ವಾರ್ತೆಗಳನ್ನು ಓದುವ ಮೂಲಕ ಬಿಬಿಸಿಯಲ್ಲಿ ಮೊದಲ ಬಾರಿಗೆ ಹಿಂದಿಯಲ್ಲಿ ವಾರ್ತೆ ವಾಚಿಸಿದ ಮಹಿಳೆ ಎಂಬ ಖ್ಯಾತಿಗೆ ಪಾತ್ರರಾಗಿದ್ದ ರಜನಿ ಕೌರ್​​ ಫರಿದಾಭಾದ್​ನಲ್ಲಿ ಮಂಗಳವಾರ ನಿಧನರಾಗಿದ್ದಾರೆ.

ಅವರಿಗೆ 93 ವರ್ಷ ವಯಸ್ಸಾಗಿತ್ತು.

ಪೇಶಾವರದಲ್ಲಿ ಜನಿಸಿ ಪಾಕಿಸ್ತಾನದಲ್ಲಿ ನೆಲೆಸಿದ್ದ ರಜನಿ ದೆಹಲಿಯ ಆಲ್​ ಇಂಡಿಯಾ ರೇಡಿಯೋದಲ್ಲಿಯೂ ಕೆಲಸ ಮಾಡಿದ್ದರು. ಇದಾದ ಬಳಿಕ ವಾಷಿಂಗಟ್ನ್​ನ ವಾಯ್ಸ್​ ಆಫ್​ ಅಮೇರಿಕ ಹಾಗೂ ಲಂಡನ್​​ನಲ್ಲಿ ಬಿಬಿಸಿಯಲ್ಲಿ ಸೇವೆ ಸಲ್ಲಿಸಿದ್ದಾರೆ.

ಬಿಬಿಸಿ ಹಿಂದಿ ಚಾನೆಲ್​ ಸೇರಿದ ಮೊದಲ ಮಹಿಳೆ ಹಾಗೂ ಬಿಬಿಸಿಯಲ್ಲಿ ಹಿಂದಿ ವಾರ್ತೆ ವಾಚಿಸಿದ ಮೊದಲ ಮಹಿಳೆ ಎಂಬ ಕೀರ್ತಿಯೂ ಇವರಿಗೆ ಸಲ್ಲುತ್ತದೆ. ರಜನಿ ಎಮಿನೆಂಟ್​ ಬ್ರಾಡ್​ಕಾಸ್ಟ್​ ಪತ್ರಕರ್ತ ದಿವಂಗತ ಮಹೇಂದ್ರ ಕೌಲ್​ ಜೊತೆ ವಿವಾಹವಾಗಿದ್ದರು.