ವಿಮಾನಯಾನ ಮಾಡೋದು ಬಹುತೇಕರಿಗೆ ಖುಷಿಯ ವಿಚಾರವಾಗಿದ್ದರೂ ಸಹ ವಿಮಾನಯಾನ ಕಂಪನಿಗಳ ಕೆಲವೊಂದು ನಿಯಮಾವಳಿಗಳು ತಲೆಬೇನೆ ಎನಿಸುವಂತೆ ಮಾಡುತ್ತದೆ.
ಅದರಲ್ಲೂ ಬ್ಯಾಗುಗಳ ವಿಚಾರದಲ್ಲಂತೂ ವಿವಿಧ ವಿಮಾನಯಾನ ಕಂಪನಿಗಳು ತಮ್ಮದೇ ಆದ ನಿಯಮಾವಳಿಗಳನ್ನ ಹೊಂದಿವೆ.
ಹೆಚ್ಚುವರಿ ಲಗೇಜ್ಗಳನ್ನ ತರುವವರಿಗೆ ಹೆಚ್ಚುವರಿ ಶುಲ್ಕವನ್ನೂ ವಿಧಿಸಲಾಗುತ್ತದೆ.
ಟಿಕ್ಟಾಕ್ನಲ್ಲಿ ಶೇರ್ ಮಾಡಲಾದ ವಿಡಿಯೋದಲ್ಲಿ ಅಶ್ಲೀನ್ ಎಂಬಾಕೆ ಹೆಚ್ಚುವರಿ ಬ್ಯಾಗ್ನ್ನು ಶುಲ್ಕವಿಲ್ಲದೇ ವಿಮಾನದಲ್ಲಿ ಹೊತ್ತೊಯ್ಯಲು ತಾನು ಮಾಡಿದ ಮಾಸ್ಟರ್ ಪ್ಲಾನ್ ಏನಿತ್ತು ಅನ್ನೋದನ್ನ ವಿವರಿಸಿದ್ದಾಳೆ.
ವಿಮಾನದಲ್ಲಿ ಹೆಚ್ಚುವರಿ ಬ್ಯಾಗುಗಳಿಗೆ 44 ಡಾಲರ್ ಹಣವನ್ನ ಪಾವತಿ ಮಾಡಬೇಕಿತ್ತು. ಕೇವಲ ಒಂದು ಬ್ಯಾಗ್ಗೆ ಮಾತ್ರ ಅವಕಾಶ ನೀಡಲಾಗಿತ್ತು.
ಹೆಚ್ಚುವರಿ ಶುಲ್ಕದಿಂದ ಪಾರಾಗಬೇಕು ಅಂತಾ ಅಶ್ಲೀನ್ ಗರ್ಭಿಣಿ ಎಂದು ನಾಟಕ ಮಾಡಿದ್ದಾಳೆ. ಹೆಚ್ಚುವರಿ ಬ್ಯಾಗನ್ನು ಹೊಟ್ಟೆಯೊಳಗೆ ತುಂಬಿಕೊಂಡು ತಾನು ಗರ್ಭಿಣಿ ಎಂದು ಹೇಳಿದ್ದಾಳೆ. ಈ ವಿಡಿಯೋ ಟಿಕ್ಟಾಕ್ ಮಾತ್ರವಲ್ಲದೇ ಯುಟ್ಯೂಬ್ನಲ್ಲಿಯೂ ಸಿಕ್ಕಾಪಟ್ಟೆ ಫೇಮಸ್ ಆಗಿದೆ.
Loading ...