ಯಾವ ವಯಸ್ಸಿನ ಮಕ್ಕಳಿಗೆ ನೀಡಬೇಕು ʼಗುಡ್ ಟಚ್ ಮತ್ತು ಬ್ಯಾಡ್ ಟಚ್ʼ ಶಿಕ್ಷಣ…..? ಇಲ್ಲಿದೆ ಉಪಯುಕ್ತ ಮಾಹಿತಿ

ಈಗಿನ ಪರಿಸರದಲ್ಲಿ ಮಕ್ಕಳಿಗೆ ಲೈಂಗಿಕ ಶಿಕ್ಷಣ ನೀಡುವುದು ಬಹಳ ಮುಖ್ಯ. ಮಕ್ಕಳ ವಯಸ್ಸಿಗೆ ತಕ್ಕಂತೆ ಅವರಿಗೆ ಅಗತ್ಯವಿರುವ ಮಾಹಿತಿಯನ್ನು ನೀಡಬೇಕಾಗುತ್ತದೆ. ಹರಿಹರೆಯಕ್ಕೆ ಬಂದ ಮೇಲೆ ಅವರು ಎಲ್ಲವನ್ನು ತಿಳಿಯುತ್ತಾರೆಂಬ ಭ್ರಮೆಯಲ್ಲಿರಬಾರದು. ಪೋಷಕರು ಸರಿಯಾದ ಲೈಂಗಿಕ ಶಿಕ್ಷಣ ನೀಡದೆ ಹೋದಲ್ಲಿ ಮಕ್ಕಳು ದಾರಿತಪ್ಪುವ ಸಾಧ್ಯತೆ ಹೆಚ್ಚಿರುತ್ತದೆ. ಮಕ್ಕಳ ಮಾನಸಿಕ ಬೆಳವಣಿಗೆ ಭಿನ್ನವಾಗಿರುತ್ತದೆ. ಆದ್ರೆ ಪಾಲಕರು ಅದನ್ನು ಗಮನಿಸಿಯೇ ಅವರಿಗೆ ಶಿಕ್ಷಣ ನೀಡಬೇಕಾಗುತ್ತದೆ.

13ರಿಂದ 24 ತಿಂಗಳ ಮಗು, ದೇಹದ ಎಲ್ಲ ಭಾಗಗಳನ್ನು ಹೇಳುವ ಸಾಮರ್ಥ್ಯ ಹೊಂದಿರುತ್ತದೆ. ಜನನಾಂಗ ಸೇರಿದಂತೆ ದೇಹದ ಎಲ್ಲ ಭಾಗಗಳ ಬಗ್ಗೆ ಅವರಿಗೆ ಮಾಹಿತಿ ನೀಡಬಹುದು. ಭಾಗಗಳ ಹೆಸರು ತಿಳಿದಿದ್ದರೆ, ಅಲ್ಲಿ ಆಗುವ ಸಮಸ್ಯೆ, ಗಾಯ ಅಥವಾ ಲೈಂಗಿಕ ಕಿರುಕುಳದ ಬಗ್ಗೆ ಅವರು ಪಾಲಕರಿಗೆ ಹೇಳುತ್ತಾರೆ. ದೇಹದ ಭಾಗಗಳ ಹೆಸರು ತಿಳಿದಿರುವ ಮಕ್ಕಳಲ್ಲಿ ಆತ್ಮವಿಶ್ವಾಸ ಹೆಚ್ಚಿರುತ್ತದೆ.

ಎರಡು ವರ್ಷ ವಯಸ್ಸಿನ ಮಕ್ಕಳಿಗೆ ಗಂಡು ಹಾಗೂ ಹೆಣ್ಣಿನ ವ್ಯತ್ಯಾಸ ಗೊತ್ತಾಗುತ್ತದೆ. ಅವರಿಗೆ ಇದ್ರ ಬಗ್ಗೆ ಶಿಕ್ಷಣ ನೀಡಬೇಕು. ಮಕ್ಕಳಿಗೆ ಶಿಶ್ನ ಮತ್ತು ಯೋನಿ ಹೆಸರಿನಲ್ಲಿಯೇ ವ್ಯತ್ಯಾಸ ತಿಳಿಸಬೇಕು. ವ್ಯಕ್ತಿಯ ಲಿಂಗವನ್ನು ಜನನಾಂಗದಿಂದ ಮಾತ್ರ ಪತ್ತೆ ಮಾಡಲಾಗುವುದಿಲ್ಲ. ಬೇರೆ ವಿಧಾನಗಳಿಂದಲೂ ತಿಳಿದುಕೊಳ್ಳಬಹುದು ಎಂಬುದನ್ನು ಮಕ್ಕಳಿಗೆ ಹೇಳಬೇಕು. ಅಲ್ಲದೆ ಅವರಿಗೆ ಅವರ ದೇಹ ಖಾಸಗಿ ಎಂಬುದನ್ನು ತಿಳಸಬೇಕು. ಮಕ್ಕಳು ಖಾಸಗಿ ಅಂಗವನ್ನು ಸ್ಪರ್ಶಿಸುವುದು ಸಹಜ. ಯಾವಾಗ ಅದನ್ನು ಸ್ಪರ್ಶಿಸಬೇಕೆಂಬ ಶಿಕ್ಷಣವನ್ನು ಮಕ್ಕಳಿಗೆ ನೀಡಬೇಕು.

ಎರಡರಿಂದ ನಾಲ್ಕು ವರ್ಷದ ಮಕ್ಕಳು ಸಂತಾನೋತ್ಪತ್ತಿಯ ಮೂಲಭೂತ ಅಂಶಗಳನ್ನು ಅರ್ಥಮಾಡಿಕೊಳ್ಳಲು ಸಮರ್ಥರಾಗಿದ್ದಾರೆ. ವೀರ್ಯ ಮತ್ತು ಮೊಟ್ಟೆ ಸೇರಿದಾಗ ಮಗು ಗರ್ಭಾಶಯದಲ್ಲಿ ಬೆಳೆಯುತ್ತದೆ ಎಂಬುದನ್ನು ಮಕ್ಕಳಿಗೆ ಹೇಳಬಹುದು. ಅವರ ಜನ್ಮ ಕಥೆಯ ಬಗ್ಗೆ ಮಕ್ಕಳಿಗೆ ಹೇಳಬಹುದು. ಇದು ಮಾತ್ರ ಕುಟುಂಬ ರಚಿಸುವ ಏಕೈಕ ಮಾರ್ಗವಲ್ಲ ಎಂಬುದನ್ನೂ ಹೇಳಬೇಕು. ಕಿರಿಯ ಮಕ್ಕಳು ಲೈಂಗಿಕ ಕ್ರಿಯೆಯ ಬದಲು ಗರ್ಭಧಾರಣೆ ಮತ್ತು ಶಿಶುಗಳಲ್ಲಿ ಆಸಕ್ತಿ ಹೊಂದಿರುತ್ತಾರೆ.

ಮಕ್ಕಳು ತಮ್ಮ ದೇಹವನ್ನು ತಮ್ಮದೇ ಎಂದು ಅರ್ಥಮಾಡಿಕೊಳ್ಳಬೇಕು. ಅವರ ಅನುಮತಿಯಿಲ್ಲದೆ ಯಾರೂ ದೇಹವನ್ನು ಮುಟ್ಟಲಾಗುವುದಿಲ್ಲ ಎಂಬುದನ್ನು ಅರಿತಿರಬೇಕು. ಹಾಗೆ ಗುಡ್ ಟಚ್ ಮತ್ತು ಬ್ಯಾಡ್ ಟಚ್ ಬಗ್ಗೆ ಅವರಿಗೆ ಹೇಳಬೇಕು. ಪೋಷಕರಿಗೆ ಸ್ವಚ್ಛತೆ ಸೇರಿದಂತೆ ಕೆಲ ವಿಷ್ಯದಲ್ಲಿ ಬಿಟ್ಟು ಮತ್ತೆ ಯಾರಿಗೂ ತಮ್ಮ ಜನನಾಂಗಗಳನ್ನು ಸ್ಪರ್ಶಿಸಲು ಅವಕಾಶ ನೀಡಬಾರದು ಎಂಬುದನ್ನು ತಿಳಿಸಬೇಕು.

ಇನ್ನೊಬ್ಬರನ್ನು ಸ್ಪರ್ಶಿಸುವ ಮೊದಲು ಅನುಮತಿ ಪಡೆಯುವುದನ್ನು ಮಕ್ಕಳಿಗೆ ಕಲಿಸಬೇಕು. ಹಾಗೆ ಮುಂದಿರುವ ವ್ಯಕ್ತಿ ಹೆಜ್ಜೆ ಮುಂದಿಟ್ಟಾಗ ಆತನ ವರ್ತನೆ ಮಗುವಿಗೆ ಅರ್ಥವಾಗಬೇಕು. ದೇಹದ ಗೌಪ್ಯತೆ ಬಗ್ಗೆ ತಿಳಿದಿರಬೇಕು. ಯಾವಾಗ ಬೆತ್ತಲಾಗಬೇಕು ಎಂಬ ಸಂಗತಿ ಅವರಿಗೆ ತಿಳಿದಿರಬೇಕು. ಈ ವಯಸ್ಸಿನ ಕೆಲವು ಹೆಣ್ಣುಮಕ್ಕಳು ಮಲ ಮತ್ತು ಮೂತ್ರಕ್ಕೆ ಒಂದು ಜಾಗವಿರುತ್ತದೆ ಎಂದು ಭಾವಿಸುತ್ತಾರೆ. ಆದ್ರೆ ಇದ್ರ ಬಗ್ಗೆ ಮಕ್ಕಳಿಗೆ ತಿಳಿದಿರಬೇಕು.

ಇನ್ನು ಐದರಿಂದ ಎಂಟು ವರ್ಷದ ಮಕ್ಕಳಿಗೆ ಲಿಂಗದ ಬಗ್ಗೆ ಮಾಹಿತಿ ಬೇಕು. ಸಲಿಂಗಕಾಮ ಸೇರಿದಂತೆ ಎಲ್ಲದರ ಬಗ್ಗೆ ತಿಳಿದಿರಬೇಕು. ವ್ಯಕ್ತಿಯ ಜನನಾಂಗಗಳಿಂದ ಲಿಂಗವನ್ನು ನಿರ್ಧರಿಸಲಾಗುವುದಿಲ್ಲ. ಸಂಬಂಧಗಳಲ್ಲಿ ಲೈಂಗಿಕತೆಯ ಪಾತ್ರ ಏನು ಎಂಬುದನ್ನು ತಿಳಿಸಬೇಕು.

ಗೌಪ್ಯತೆ, ನಗ್ನತೆ ಮತ್ತು ಸಂಬಂಧಗಳಲ್ಲಿ ಇತರರಿಗೆ ಗೌರವ ನೀಡುವ ಮೂಲಭೂತ ಸಾಮಾಜಿಕ ಸಂಪ್ರದಾಯಗಳ ಬಗ್ಗೆ ಮಕ್ಕಳು ತಿಳಿದುಕೊಳ್ಳಬೇಕು. ಈ ವಯಸ್ಸಿನಲ್ಲಿ ಮಕ್ಕಳು ತಮ್ಮ ದೇಹವನ್ನು ಅನ್ವೇಷಿಸಲು ಪ್ರಾರಂಭಿಸಿದ್ದಾರೆ. ಅದು ಸಾಮಾನ್ಯವಾಗಿದ್ದರೂ, ಅದು ಖಾಸಗಿಯಾಗಿ ಮಾಡಬೇಕಾದ ಕೆಲಸ ಎಂದು ಅವರು ಅರ್ಥಮಾಡಿಕೊಳ್ಳಬೇಕು.

ಕಂಪ್ಯೂಟರ್ ಮತ್ತು ಮೊಬೈಲ್ ಸಾಧನಗಳನ್ನು ಸುರಕ್ಷಿತವಾಗಿ ಹೇಗೆ ಬಳಸಬೇಕೆಂದು ಮಕ್ಕಳಿಗೆ ಕಲಿಸಿ. ಈ ವಯಸ್ಸಿನ ಮಕ್ಕಳಿಗೆ  ಡಿಜಿಟಲ್  ಬಳಕೆ ಸಂದರ್ಭದಲ್ಲಿಯೂ ಗೌಪ್ಯತೆ ಬಗ್ಗೆ ತಿಳಿದಿರಬೇಕು. ಅಪರಿಚಿತರೊಂದಿಗೆ ಮಾತನಾಡುವ ಬಗ್ಗೆ, ಆನ್‌ಲೈನ್‌ನಲ್ಲಿ ಫೋಟೋಗಳನ್ನು ಹಂಚಿಕೊಳ್ಳುವ ಬಗ್ಗೆ, ಇತರರಿಂದ ಅನಾನುಕೂಲವಾಗುವಂತಹದನ್ನು ಕಂಡರೆ ಏನು ಮಾಡಬೇಕು ಎಂಬುದನ್ನು ತಿಳಿಸಬೇಕು.

ಈ ವಯಸ್ಸಿನಲ್ಲಿ ದೇಹದಲ್ಲಾಗುವ ಬದಲಾವಣೆ ಬಗ್ಗೆ ಅವರಿಗೆ ತಿಳಿದಿರಬೇಕು. ಕೆಲ ಮಕ್ಕಳು 10 ವರ್ಷಕ್ಕಿಂತ ಮೊದಲು  ಪ್ರೌಢಾವಸ್ಥೆಯ ಬೆಳವಣಿಗೆಯನ್ನು ಅನುಭವಿಸುತ್ತಾರೆ. ಅವರು ಅನುಭವಿಸುವ ಬದಲಾವಣೆಗಳ ಬಗ್ಗೆ ಮಾತ್ರವಲ್ಲ, ಇತರ ದೇಹಗಳ ಬಗ್ಗೆಯೂ ಕಲಿಯಬೇಕು. ಹುಡುಗರು ಮತ್ತು ಹುಡುಗಿಯರು ಪ್ರತ್ಯೇಕ ಪಾಠಗಳನ್ನು ಹೊಂದಿರಬಾರದು. ಪ್ರೌಢಾವಸ್ಥೆಯಲ್ಲಿ ನೈರ್ಮಲ್ಯ ಮತ್ತು ಸ್ವ-ಆರೈಕೆಯ ಮಹತ್ವವನ್ನು ಮಕ್ಕಳು ತಿಳಿದುಕೊಳ್ಳಬೇಕು. ಮಾನವ ಸಂತಾನೋತ್ಪತ್ತಿಯ ಬಗ್ಗೆ ಮಕ್ಕಳ ತಿಳುವಳಿಕೆ ಮುಂದುವರಿಯಬೇಕು. ಇದು ಲೈಂಗಿಕ ಸಂಭೋಗದ ಪಾತ್ರವನ್ನು ಒಳಗೊಂಡಿರಬಹುದು, ಆದರೆ ಸಂತಾನೋತ್ಪತ್ತಿಗೆ ಇತರ ಮಾರ್ಗಗಳಿವೆ ಎಂದು ಅವರು ತಿಳಿದಿರಬೇಕು.

ಒಂಬತ್ತರಿಂದ 12 ವರ್ಷದ ಮಕ್ಕಳಿಗೆ ಕಲಿತ ಎಲ್ಲ ವಿಷಯಗಳನ್ನು ಬಲಪಡಿಸುವುದರ ಜೊತೆಗೆ, ಹದಿಹರೆಯದ ಸುರಕ್ಷಿತ ಲೈಂಗಿಕತೆ ಮತ್ತು ಗರ್ಭನಿರೋಧಕಗಳ ಬಗ್ಗೆ ಕಲಿಸಬೇಕು. ಗರ್ಭಧಾರಣೆ ಮತ್ತು ಲೈಂಗಿಕವಾಗಿ ಹರಡುವ ಸೋಂಕುಗಳ ಬಗ್ಗೆ ಮೂಲಭೂತ ಮಾಹಿತಿಯನ್ನು ನೀಡಬೇಕು. ಹದಿಹರೆಯದವರಾಗಿರುವುದು ಲೈಂಗಿಕವಾಗಿ ಸಕ್ರಿಯರಾಗಿರಬೇಕು ಎಂಬ ಅರ್ಥವಲ್ಲ ಎಂದು ಅವರು ತಿಳಿದಿರಬೇಕು.

ಹದಿಹರೆಯದವರಿಗೆ ಇಂಟರ್ನೆಟ್ ಸುರಕ್ಷತೆಯ ಬಗ್ಗೆ ಹೆಚ್ಚಿನ ಜ್ಞಾನವಿರಬೇಕು. ತಮ್ಮ ಅಥವಾ ತಮ್ಮ ಗೆಳೆಯರ ನಗ್ನ ಅಥವಾ ಲೈಂಗಿಕವಾಗಿ ಫೋಟೋಗಳನ್ನು ಹಂಚಿಕೊಳ್ಳುವ ಅಪಾಯಗಳನ್ನು ಅವರು ತಿಳಿದಿರಬೇಕು. ಮಾಧ್ಯಮದಲ್ಲಿ ಲೈಂಗಿಕತೆಯನ್ನು ಹೇಗೆ ಚಿತ್ರಿಸಲಾಗಿದೆ ಎಂಬುದರ ಕುರಿತು ಅವರಿಗೆ ಮಾಹಿತಿ ನೀಡಬೇಕು.

ಇನ್ನು 13ರಿಂದ 18 ವರ್ಷ ವಯಸ್ಸಿನ ಮಕ್ಕಳಿಗೆ ಮುಟ್ಟಿನ ಮತ್ತು ರಾತ್ರಿಯ ಹೊರಸೂಸುವಿಕೆ ಬಗ್ಗೆ ಹೆಚ್ಚು ವಿವರವಾದ ಮಾಹಿತಿಯನ್ನು ಪಡೆಯಬೇಕು. ಇವು ಸಾಮಾನ್ಯ ಮತ್ತು ಆರೋಗ್ಯಕರವೆಂದು ಅವರು ತಿಳಿದಿರಬೇಕು. ಗರ್ಭಧಾರಣೆ ಮತ್ತು ಎಸ್‌ಟಿಐಗಳ ಬಗ್ಗೆ ಮತ್ತು ವಿಭಿನ್ನ ಗರ್ಭನಿರೋಧಕ ಆಯ್ಕೆಗಳ ಬಗ್ಗೆ ಮತ್ತು ಸುರಕ್ಷಿತ ಲೈಂಗಿಕತೆ, ಅವುಗಳನ್ನು ಹೇಗೆ ಬಳಸುವುದು ಎಂಬುದರ ಬಗ್ಗೆಯೂ ಅವರು ಹೆಚ್ಚು ತಿಳಿದುಕೊಳ್ಳಬೇಕು. ಆಲ್ಕೋಹಾಲ್ ಮತ್ತು ಮಾದಕ ವಸ್ತುಗಳು ಬಗ್ಗೆ ತಿಳುವಳಿಕೆ ಇರಬೇಕು. ಆರೋಗ್ಯಕರ ಸಂಬಂಧ ಮತ್ತು ಅನಾರೋಗ್ಯಕರ ಸಂಬಂಧದ ನಡುವಿನ ವ್ಯತ್ಯಾಸವನ್ನು ಕಲಿಯುವುದನ್ನು ಮುಂದುವರಿಸಬೇಕು. ಒತ್ತಡ, ಹಿಂಸಾಚಾರದ ಡೇಟಿಂಗ್ ಸೇರಿದಂತೆ ಲೈಂಗಿಕ ಸಂಬಂಧಗಳಲ್ಲಿ ಒಪ್ಪಿಗೆಯ ಅರ್ಥವನ್ನು ಅರ್ಥಮಾಡಿಕೊಳ್ಳುವುದು ಅವರಿಗೆ ಗೊತ್ತಿರಬೇಕು.

ಮಕ್ಕಳಿರುವಾಗ್ಲೇ ಪಾಲಕರು ಲೈಂಗಿಕತೆ ಬಗ್ಗೆ ಮಾಹಿತಿ ನೀಡುತ್ತ ಬಂದಲ್ಲಿ ಹದಿಹರೆಯಕ್ಕೆ ಬಂದಾಗ ಮಕ್ಕಳು ತಮ್ಮ ಸಮಸ್ಯೆಯನ್ನು ಪೋಷಕರ ಮುಂದೆ ಹಂಚಿಕೊಳ್ಳುತ್ತಾರೆ. ಪಾಲಕರು ಸ್ನೇಹಿತರಾಗಿರದೆ ಹೋದಲ್ಲಿ ಸಮಸ್ಯೆ ಮೈಮೇಲೆಳೆದುಕೊಂಡು ತೊಂದರೆಗೀಡಾಗುತ್ತಾರೆ.