ತಮಿಳುನಾಡಿನ ಸೈನಿಕ ಜೊತೆ ಅರುಣಾಚಲ ವೈದ್ಯರಿಂದ ತಮಿಳಲ್ಲಿ ಚರ್ಚೆ, ಅಚ್ಚರಿಪಟ್ಟ ಪೇಮಾ ಖಂಡು

ಭಾರತ ವೈವಿಧ್ಯಮಯ ರಾಷ್ಟ್ರ, ಬೆರಗುಗೊಳಿಸುವ ಭಾಷೆಗಳನ್ನು ಹೊಂದಿ ಗುಚ್ಛ. ಪ್ರತಿಯೊಂದು ರಾಜ್ಯ ಮತ್ತು ಪ್ರದೇಶವು ತನ್ನದೇ ಆದ ಸ್ಥಳೀ ಯ ಭಾಷೆಯನ್ನು ಹೊಂದಿದೆ, ಒಬ್ಬ ವ್ಯಕ್ತಿಯು ಎಲ್ಲವನ್ನೂ ಕಲಿಯಲು ಮತ್ತು ಅರ್ಥ ಮಾಡಿಕೊಳ್ಳಲು ಅಸಾಧ್ಯ. ಹಾಗಾದರೆ ಅರುಣಾಚಲ ಪ್ರದೇಶದವರು ಮತ್ತು ತಮಿಳಿಗರು ಭೇಟಿಯಾದರೆ ಏನಾಗುತ್ತದೆ? ಅವರಿಗೆ ಒಂದು ಪದವೂ ಅರ್ಥವಾಗದಿರುವ ಸಾಧ್ಯತೆಗಳಿವೆ.

ಆದರೆ, ಅರುಣಾಚಲದ ವೈದ್ಯರೊಬ್ಬರು ಮದ್ರಾಸ್​ ರೆಜಿಮೆಂಟ್​ನ ಜವಾನನನ್ನು ನಿರರ್ಗಳವಾಗಿ ತಮಿಳು ಮಾತನಾಡುವ ಮೂಲಕ ಆಶ್ಚರ್ಯಚಕಿತರಾದರು. ಅರುಣಾಚಲ ಪ್ರದೇಶದ ಮುಖ್ಯಮಂತ್ರಿ ಪೆಮಾ ಖಂಡು ಬುಧವಾರ ತಮ್ಮ ನಡುವೆ ನಡೆದ ವಿಶೇಷ ಸಂಭಾಷಣೆಯ ವೀಡಿಯೊವನ್ನು ಹಂಚಿಕೊಂಡಿದ್ದು, ಸಾಮಾಜಿಕ ಜಾಲತಾಣ ಬಳಕೆದಾರರನ್ನು ಖುಷಿಪಡಿಸಿದೆ.

ತವಾಂಗ್​ನ ಟಿಬೆಟ್​ ಗಡಿಯ ಸಮೀಪವಿರುವ ಒಮ್ತಾಂಗ್​ನಲ್ಲಿ ಭೇಟಿಯಾದಾಗ ಡಾ. ಲಾಮ್​ ದೋಜಿರ್ ಅಲ್ಲಿದ್ದ ಜವಾನರೊಂದಿಗೆ ನಿರರ್ಗಳವಾಗಿ ತಮಿಳಿನಲ್ಲಿ ಮಾತನಾಡುತ್ತಿರುವುದನ್ನು ವೀಡಿಯೊದಲ್ಲಿ ನೋಡಬಹುದಾಗಿದೆ.

ಗಮನಾರ್ಹವೆಂದರೆ, ಅವರು ತಮಿಳುನಾಡಿನಲ್ಲಿ ಹಲವಾರು ವರ್ಷಗಳ ಕಾಲ ವೈದ್ಯಕಿಯ ಅಧ್ಯಯನ ಮಾಡಿದ ನಂತರ ತಮಿಳು ಕಲಿತರು. ಖಂಡು ವೀಡಿಯೊವನ್ನು ಹಂಚಿಕೊಂಡು, ಡಾ ಲ್ಹಾಮ್​ ದೋಜಿರ್ ಅವರು ತಮಿಳುನಾಡಿನಲ್ಲಿ ವೆೈದ್ಯಕೀಯ ಅಧ್ಯಯನ ಮಾಡಿದರು. ಮದ್ರಾಸ್​ ರೆಜಿಮೆಂಟಿನ ಜವಾನನೊಬ್ಬನೊಂದಿಗೆ ನಿರರ್ಗಳವಾಗಿ ತಮಿಳಿನಲ್ಲಿ ಮಾತನಾಡುವ ಮೂಲಕ ಅಚ್ಚರಿ ಮೂಡಿಸಿದರು. ಅವರು ತವಾಂಗ್​ನ ಟಿಬೆಟ್​ ಗಡಿಯ ಬಳಿಯ ಒಮ್ತಾಂಗ್​ನಲ್ಲಿ ಭೇಟಿಯಾದರು. ನಿಜವಾದ ರಾಷ್ಟ್ರೀಯ ಏಕೀಕರಣಕ್ಕೆ ಎಂತಹ ಉದಾಹರಣೆ! ನಮ್ಮ ಭಾಷಾ ವೆೈವಿಧ್ಯತೆಯ ಬಗ್ಗೆ ನಮಗೆ ಹೆಮ್ಮೆ ಇದೆ ಎಂದು ಬರೆದುಕೊಂಡಿದ್ದಾರೆ.

ಇದನ್ನು ಕಂಡ ನೆಟ್ಟಿಗರು ಕಾಮೆಂಟ್​ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿ, ಭಾಷಾ ವೈವಿದ್ಯತೆ ಕುರಿತ ಅಭಿಪ್ರಾಯವನ್ನು ಕೊಂಡಾಡಿದ್ದಾರೆ.