ಲೂಸಿಯಾನದ ಕಲಾವಿದೆ ಮ್ಯಾಂಡಿ ಪೋಚೆ ತಯಾರಿಸಿರುವ ಡ್ರೆಸ್ ಒಂದು ಇದೀಗ ಭಾರಿ ವೈರಲ್ ಆಗಿದೆ. ಕಲಾವಿದೆ ತನ್ನ ಕಲೆಯ ಪ್ರದರ್ಶನದ ಉದ್ಘಾಟನೆಗೆ ಏನಾದರೂ ಹೊಸ ಬಟ್ಟೆ ಧರಿಸುವ ಯೋಚನೆ ಮಾಡಿದ್ದಳು. ಕೊನೆಗೆ ಆಕೆಗೆ ಬಂದು ಯೋಚನೆ ಎಂದರೆ ತನ್ನ ಕಲಾಕೃತಿಗೆ ಅನ್ವಯ ಆಗುವಂಥ ಡ್ರೆಸ್ ತಯಾರಿಸುವುದು. ಇದಕ್ಕಾಗಿ ಆಕೆ ಬಿಳಿಯ ಬಟ್ಟೆಯ ಮೇಲೆ ಕಲಾಕೃತಿಯನ್ನೇ ಹೋಲುವ ಪೇಂಟಿಂಗ್ ಮಾಡುವ ಮೂಲಕ ಹೊಸ ಡ್ರೆಸ್ ತಯಾರಿಸಿದ್ದು, ಇದರ ಕೌಶಲಕ್ಕೆ ನೆಟ್ಟಿಗರು ಬೆರಗಾಗಿದ್ದಾರೆ.
ಬಿಳಿಯ ಬಣ್ಣದ ಬಟ್ಟೆಗೆ ಬಣ್ಣ ಬಳಿಯುವಾಗ ಮನೆಯವರೆಲ್ಲಾ ತಮಾಷೆ ಮಾಡಿದ್ದರು. ಆಗ ಪೋಚೆ, ತಮಾಷೆ ಮಾಡುತ್ತಿರುವಿರಾ? ನೋಡಿಯೇ ಬಿಡೋಣ. ಇದು ಎಷ್ಟು ಮಂದಿ ಮೆಚ್ಚಿಕೊಳ್ಳುತ್ತಾರೆ, ಇದು ವೈರಲ್ ಕೂಡ ಆಗಲಿದೆ ಎಂದಿದ್ದಳು. ಇದು ತಮಾಷೆಗೆ ಹೇಳಿದ್ದರೂ, ನಿಜಕ್ಕೂ ಈ ಬಟ್ಟೆಯು ವೈರಲ್ ಆಗಿದ್ದು, ಹಲವರು ಇದಕ್ಕೆ ಮೆಚ್ಚುಗೆ ಸೂಸುತ್ತಿದ್ದಾರೆ.
ಕಲಾವಿದೆ ಎನ್ನ ಉಡುಪಿನ ಮೇಲೆ ವೈಢೂರ್ಯದ ಬ್ರಷ್ ಮೂಲಕ ಸ್ಟ್ರೋಕ್ ಮಾಡುವುದನ್ನು ನೋಡಬಹುದು. ಅದೇ ರೀತಿಯ ವರ್ಣರಂಜಿತ ಚಿತ್ರಕಲೆಯ ಪಕ್ಕದಲ್ಲಿ ಇರುವುದನ್ನೂ ಗಮನಿಸಬಹುದು. ಪ್ರಕಾಶಮಾನವಾದ ವರ್ಣದ ಉಡುಪಿನೊಂದಿಗೆ ಈ ವಿಡಿಯೋ ಕೊನೆಗೊಳ್ಳುತ್ತದೆ. ಇಷ್ಟು ಸುಂದರ ಡ್ರೆಸ್ ರಚಿಸಿರುವುದಕ್ಕೆ ನೆಟ್ಟಿಗರು ಶ್ಲಾಘನೆ ವ್ಯಕ್ತಪಡಿಸುತ್ತಿದ್ದಾರೆ.
Loading ...