ಗಾಂಧಿ ಜಯಂತಿಯ ಪ್ರಯುಕ್ತ ಭಾರತೀಯ ಸೇನೆಯು ಲೇಹ್ನ ಪರ್ವತದ ತುತ್ತ ತುದಿಯಲ್ಲಿ ಖಾದಿಯಿಂದ ಮಾಡಲಾದ ವಿಶ್ವದಲ್ಲೇ ಅತಿ ದೊಡ್ಡ ರಾಷ್ಟ್ರಧ್ವಜವನ್ನು ಅನಾವರಣಗೊಳಿಸಿದೆ. ಈ ರಾಷ್ಟ್ರೀಯ ಧ್ವಜವನ್ನು ಲೆಫ್ಟಿನಂಟ್ ಗವರ್ನರ್ ಆರ್.ಕೆ. ಮಾಥೂರ್ ಅನಾವರಣಗೊಳಿಸಿದರು. ಖಾದಿ ಹಾಗೂ ಗ್ರಾಮೋದ್ಯೋಗ ಆಯೋಗವು ಈ ರಾಷ್ಟ್ರೀಯ ಧ್ವಜವನ್ನು ತಯಾರಿಸಿದೆ.
ಖಾದಿ ಹಾಗೂ ಗ್ರಾಮೋದ್ಯೋಗ ಆಯೋಗದ ಅಧ್ಯಕ್ಷ ವಿನಯ್ ಕುಮಾರ್ ಸಕ್ಸೇನಾ ಈ ತ್ರಿವರ್ಣ ಧ್ವಜವು ವಿಶ್ವದ ಅತಿದೊಡ್ಡ ರಾಷ್ಟ್ರೀಯ ಧ್ವಜ ಎಂದು ದೃಢೀಕರಿಸಿದ್ದಾರೆ.
ರಾಷ್ಟ್ರ ಧ್ವಜವು 225 ಅಡಿ ಉದ್ದ ಹಾಗೂ 150 ಅಡಿ ಅಗಲ ಹೊಂದಿದೆ. 37,500 ಚದರ ಮೀಟರ್ ವಿಸ್ತೀರ್ಣ ಹೊಂದಿರುವ ಈ ಧ್ವಜವು 1400 ಕೆಜಿ ತೂಕ ಹೊಂದಿದೆ. ಈ ಧ್ವಜವನ್ನು ನಿರ್ಮಾಣ ಮಾಡಲು 49 ದಿನವನ್ನು ತೆಗೆದುಕೊಳ್ಳಲಾಯ್ತು.
ಧ್ವಜವನ್ನು ಅನಾವರಣಗೊಳಿಸಿ ಮಾತನಾಡಿದ ಲೆಫ್ಟಿನಂಟ್ ಗವರ್ನರ್ ಆರ್.ಕೆ. ಮಾಥುರ್, ನಮ್ಮ ಧ್ವಜವು ಏಕತೆ, ಮಾನವೀಯತೆ ಹಾಗೂ ದೇಶದ ಪ್ರತಿಯೊಬ್ಬರಿಂದಲೂ ಸ್ವೀಕರಿಸಲ್ಪಟ್ಟ ಸಂಕೇತವಾಗಿದೆ. ಇದು ದೇಶದ ಶ್ರೇಷ್ಟತೆಯ ಸಂಕೇತವಾಗಿದೆ. ಮುಂದಿನ ವರ್ಷಗಳಲ್ಲಿ ಈ ಧ್ವಜವು ಲೇಹ್ನಲ್ಲಿ ನಮ್ಮ ಸೈನಿಕರಿಗೆ ಉತ್ಸಾಹದ ಸಂಕೇತವಾಗಿದೆ ಎಂದು ಹೇಳಿದ್ದಾರೆ.
Loading ...