ಶ್ರೀಲಂಕಾ ಕ್ರಿಕೆಟಿಗರಾದ ನಿರೋಶನ್ ಡಿಕ್ವೆಲ್ಲಾ ಹಾಗೂ ಕುಸಲ್ ಮೆಂಡಿಸ್ ವಿರುದ್ಧ ಬಯೋಬಬಲ್ ಉಲ್ಲಂಘನೆಯ ಆರೋಪ ಎದುರಾಗಿದೆ. ಇಂಗ್ಲೆಂಡ್ ವಿರುದ್ಧದ ಸಿಮೀತ ಓವರ್ಗಳ ಸರಣಿಯಲ್ಲಿ ಶ್ರೀಲಂಕಾ ತಂಡದ ಸದಸ್ಯರಾಗಿರುವ ಈ ಆಟಗಾರರು ಹೊಸ ವಿವಾದವೊಂದನ್ನ ಮೈಮೇಲೆ ಎಳೆದುಕೊಂಡಿದ್ದಾರೆ.
ಈ ಇಬ್ಬರು ಆಟಗಾರರು ಇಂಗ್ಲೆಂಡ್ ಡುರ್ಹಾಮ್ ಪಟ್ಟಣದಲ್ಲಿ ನೈಟ್ ಔಟ್ ಮಾಡುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು ವಿವಾದದ ಕೇಂದ್ರ ಬಿಂದುವಾಗಿದೆ.
ಸೋಶಿಯಲ್ ಮೀಡಿಯಾದಲ್ಲಿ ರೌಂಡ್ಸ್ ಹಾಕುತ್ತಿರುವ ವಿಡಿಯೋದಲ್ಲಿ ಶ್ರೀಲಂಕಾದ ಈ ಇಬ್ಬರು ಆಟಗಾರರು ಬಯೋಬಬಲ್ ನಿಯಮ ಉಲ್ಲಂಘಿಸಿ ನೈಟ್ಔಟ್ಗೆ ಹೋಗಿದ್ದಾರೆ. ಮೆಂಡಿಸ್ ಕೈಯಲ್ಲಿ ಬಿಳಿ ಬಣ್ಣದ ಸಿಗರೇಟ್ ಮಾದರಿಯ ವಸ್ತು ಇರೋದನ್ನ ಕಾಣಬಹುದಾಗಿದೆ. ಮೆಂಡಿಸ್ ಪಕ್ಕದಲ್ಲಿ ಡಿಕ್ವೆಲ್ಲಾ ನಿಂತಿದ್ದಾರೆ.
ಈ ವಿಡಿಯೋ ನೋಡಿದ ಅಭಿಮಾನಿಗಳು, ಅರೆ..! ಇವರಿಬ್ಬರು ಯಾರಿಂದ ತಪ್ಪಿಸಿಕೊಳ್ಳೋಕೆ ಪ್ರಯತ್ನಿಸುತ್ತಿದ್ದಾರೆ..? ಇವರು ಧೂಮಪಾನ ಮಾಡುತ್ತಿದ್ದಾರಾ ಎಂದು ಪ್ರಶ್ನೆ ಮಾಡಿದ್ದಾರೆ.
ಈ ಸಂಬಂಧ ಶ್ರೀಲಂಕಾ ಕ್ರಿಕೆಟ್ ಮಂಡಳಿ ತನಿಖೆ ನಡೆಸುತ್ತಿದೆ ಎಂದು ಆಡಳಿತ ಮಂಡಳಿ ಅಧ್ಯಕ್ಷ ಶಮ್ಮಿ ಸಿವ ಹೇಳಿದ್ದಾರೆ. ಶ್ರೀಲಂಕಾ ಟೀಂ ಮ್ಯಾನೇಜರ್ ಮನುಜಾ ಕರಿಯಪ್ಪೆರುಮಾ ಕೂಡ ತನಿಖೆ ನಡೆಯುತ್ತಿದೆ ಎಂಬ ವಿಚಾರವನ್ನ ದೃಢೀಕರಿಸಿದ್ದಾರೆ.
Loading ...