ಫುಟ್​ಬಾಲ್​ ಆಟಗಾರ ಹೆನ್ರಿ ಕೇನ್ ಕುರಿತ ಅಭಿಪ್ರಾಯಕ್ಕೆ ಉದ್ಯಮಿ ಆನಂದ್​ ಮಹೀಂದ್ರಾರಿಂದ ಬಹುಮಾನ

ಫಿಫಾ ವಿಶ್ವಕಪ್ 2022ರ ಕ್ವಾರ್ಟರ್ ಫೈನಲ್‌ನಲ್ಲಿ ಇಂಗ್ಲೆಂಡ್ ತಂಡವು ಫ್ರಾನ್ಸ್‌ಗೆ ಸೋತ ನಂತರ, ಕೈಗಾರಿಕೋದ್ಯಮಿ ಆನಂದ್ ಮಹೀಂದ್ರಾ ಆಸಕ್ತಿದಾಯಕ ಟ್ವೀಟ್ ಅನ್ನು ಹಂಚಿಕೊಂಡಿದ್ದಾರೆ. ಇದು ಫುಟ್‌ಬಾಲ್ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ.

ಮಹೀಂದ್ರಾ ಅವರು ಫುಟ್ಬಾಲ್ ಆಟಗಾರ ಹೆನ್ರಿ ಕೇನ್ ಅವರ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಅವರು ಆಟದ ನಿರ್ಣಾಯಕ ಕ್ಷಣಗಳಲ್ಲಿ ಪೆನಾಲ್ಟಿ ಶಾಟ್ ಅನ್ನು ತಪ್ಪಿಸಿಕೊಂಡ ನಂತರ ಈ ಫೋಟೋ ಕ್ಲಿಕ್ ಮಾಡಲಾಗಿದೆ.

“ಹ್ಯಾರಿ ಕೇನ್ ಅವರು ಪೆನಾಲ್ಟಿಯನ್ನು ತಪ್ಪಿಸಿಕೊಂಡಾಗ. ನೀವು ಅವರ ಕೋಚ್ ಆಗಿದ್ದರೆ, ಈ ಕ್ಷಣದಲ್ಲಿ ನೀವು ಅವನಿಗೆ ಏನು ಹೇಳುತ್ತೀರಿ?” ಎಂದು ಈ ಹಿಂದೆ ಮಹೀಂದ್ರ ಪ್ರಶ್ನಿಸಿದ್ದರು. ಈಗ ಅವರು ಮತ್ತೊಂದು ಟ್ವೀಟ್​ ಮಾಡಿ ಈ ಬಗ್ಗೆ ತಾವು ಹೇಳುವುದಾದರೆ ಅತ್ಯುತ್ತಮ ಕೋಚ್ ಎಂದು ಹೇಳಬಲ್ಲೆ ಎಂದಿದ್ದಾರೆ. ಜತೆಗೆ ಉತ್ತರ ನೀಡಿರುವ ಒಬ್ಬರಿಗೆ ಬಹುಮಾನ ನೀಡಿರುವುದಾಗಿ ಹೇಳಿದ್ದಾರೆ.

ಜಿಮ್ ಫಾರೆಲ್ ಎಂದು ಗುರುತಿಸಲಾದ ಟ್ವಿಟ್ಟರ್ ಬಳಕೆದಾರರು ಸ್ಪರ್ಧೆಯನ್ನು ಗೆದ್ದಿದ್ದಾರೆ ಎಂದು ಅವರು ಹೇಳಿದ್ದಾರೆ. ಮೂವತ್ತು ಸಾವಿರ ಮಂದಿ ಇದಕ್ಕೆ ಉತ್ತರ ಬರೆದಿದ್ದರು. ಅದರಲ್ಲಿ ಇವರನ್ನು ಆಯ್ಕೆ ಮಾಡಲಾಗಿದೆ ಎಂದು ಅವರು ಹೇಳಿದ್ದಾರೆ. ಮಹೀಂದ್ರ ಡೈ-ಕಾಸ್ಟ್ ಮಿನಿಯೇಚರ್ ವಾಹನವನ್ನು ಇವರಿಗೆ ನೀಡಲಾಗುವುದು ಎಂದಿದ್ದಾರೆ.