ಮಹೀಂದ್ರಾ ಗ್ರೂಪ್ನ ಅಧ್ಯಕ್ಷರಾದ ಆನಂದ್ ಮಹೀಂದ್ರಾ ಸೋಶಿಯಲ್ ಮೀಡಿಯಾ ವೇದಿಕೆಯಲ್ಲಿ ಸದಾ ಸಕ್ರಿಯವಾಗಿ ಇರ್ತಾರೆ. ಇಲ್ಲಿ ಅವರು ವೈರಲ್ ಆಗುವಂತಹ ವಿಡಿಯೋಗಳನ್ನು ಅತ್ಯುತ್ತಮ ಶೀರ್ಷಿಕೆಯೊಂದಿಗೆ ಪೋಸ್ಟ್ ಮಾಡ್ತಾರೆ.
ಈ ಬಾರಿ ಕೂಡ ಆನಂದ್ ಮಹೀಂದ್ರಾ ಅಂತದ್ದೇ ವಿಡಿಯೋವೊಂದನ್ನು ಶೇರ್ ಮಾಡಿದ್ದಾರೆ. ಗಾಜಿನಿಂದ ಮಾಡಿದ ಕಿಟಕಿಯು ಬಾಲ್ಕನಿಯಾಗಿ ಪರಿವರ್ತನೆಗೊಳ್ಳುವ ವಿಡಿಯೋ ವೈರಲ್ ಆಗಿದೆ.
ಆನಂದ್ ಮಹೀಂದ್ರಾ ಶೇರ್ ಮಾಡಿರುವ ಈ ವಿಡಿಯೋದಲ್ಲಿ ಕಡಿಮೆ ಜಾಗದಲ್ಲಿ ಹೇಗೆ ಬಾಲ್ಕನಿ ನಿರ್ಮಾಣ ಮಾಡಬಹುದು ಎಂಬುದನ್ನು ನೋಡಬಹುದಾಗಿದೆ. ಕಟ್ಟಡ ನಿರ್ಮಾಣದ ಉದ್ಯಮದಲ್ಲಿ ದಿನಕ್ಕೊಂದು ರೀತಿಯ ನಾವಿನ್ಯತೆಯನ್ನು ಕಾಣಬಹುದಾಗಿದೆ. ನೀವು ಕಟ್ಟಡಗಳನ್ನು ನಿರ್ಮಾಣ ಮಾಡಬೇಕು ಎಂದುಕೊಂಡಿದ್ದಾರೆ ಈ ಉಪಾಯವನ್ನು ಟ್ರೈ ಮಾಡಿ ನೋಡಬಹುದು ಎಂದು ಹೇಳಿದ್ದಾರೆ.
ಈ ವಿಡಿಯೋ ನೋಡಿದ ನೆಟ್ಟಿಗರು ಇಂಜಿನಿಯರ್ ಬುದ್ಧಿಗೆ ಭಲೆ ಎಂದಿದ್ದಾರೆ. ಓರ್ವ ನೆಟ್ಟಿಗರಂತೂ ಚಾ – ಪಕೋಡಾದೊಂದಿಗೆ ಮಳೆಯನ್ನು ಆನಂದಿಸಲು ಇದು ಉತ್ತಮವಾದ ಐಡಿಯಾ ಎಂದು ಹೇಳಿದ್ದಾರೆ. ಇನ್ನೊಬ್ಬರು ಈಗಾಗಲೇ ಕಟ್ಟಡ ನಿರ್ಮಾಣದಲ್ಲಿ ಈ ಪ್ಲಾನ್ ಬಳಕೆಯಾಗುತ್ತಿದೆ ಎಂದು ಹೇಳಿದ್ದಾರೆ. ಈ ರೀತಿಯ ಮೊದಲ ಮಾದರಿಯನ್ನು ನೆದರ್ಲ್ಯಾಂಡ್ಸ್ನ ಆಮ್ಸ್ಟರ್ಡ್ಯಾಂನಲ್ಲಿರುವ ಅಪಾರ್ಟ್ಮೆಂಟ್ ಕಟ್ಟಡದಲ್ಲಿ ಸ್ಥಾಪಿಸಲಾಗಿದೆ ಎಂದು ಇನ್ನೊಬ್ಬರು ಟ್ವೀಟಾಯಿಸಿದ್ದಾರೆ.
Loading ...