ತೆಲುಗು ಚಿತ್ರರಂಗದ ಸ್ಟಾರ್ ಅಲ್ಲು ಅರ್ಜುನ್ ಇತ್ತೀಚೆಗೆ ನ್ಯೂಯಾರ್ಕ್ನಲ್ಲಿ ನಡೆದ 40 ನೇ ವಾರ್ಷಿಕ ಇಂಡಿಯಾ ಡೇ ಪರೇಡ್ನಲ್ಲಿ ಭಾಗವಹಿಸಿದ್ದರು, ಅಲ್ಲಿ ಅವರನ್ನು ಗ್ರಾಂಡ್ ಮಾರ್ಷಲ್ ಆಗಿ ಆಹ್ವಾನಿಸಲಾಗಿತ್ತು.
ಈ ಸಂದರ್ಭದಲ್ಲಿ, ನಟ ನ್ಯೂಯಾರ್ಕ್ ನಗರದ ಮೇಯರ್ ಅವರನ್ನು ಭೇಟಿಯಾಗಿದ್ದು, ಸಾಮಾಜಿಕ ಮಾಧ್ಯಮದಲ್ಲಿ ಕೆಲವು ಫೋಟೋ ಹಂಚಿಕೊಂಡಿದ್ದಾರೆ.
ಅವರು ಹಂಚಿಕೊಂಡ ಚಿತ್ರಗಳಲ್ಲಿ, ಅಲ್ಲು ಅರ್ಜುನ್ ಮೇಯರ್ ಎರಿಕ್ ಆಡಮ್ಸ್ ಅವರಿಂದ ರೆಕಗ್ನೈಸೇಷನ್ ಪ್ರಮಾಣಪತ್ರವನ್ನು ಸ್ವೀಕರಿಸುತ್ತಿರುವ ಚಿತ್ರವೂ ಇದೆ.
ಇನ್ನೊಂದು ಅದ್ಭುತ ಫೋಟೋ ಎಂದರೆ, 2021ರ ತೆರೆಕಂಡ ಚಲನಚಿತ್ರ ಪುಷ್ಪ: ದಿ ರೈಸ್ನಲ್ಲಿ ಬರುವ ʼತಗ್ಗೋದೇ ಇಲ್ಲʼ ಎಂದು ಕೈಯಲ್ಲಿ ಗಲ್ಲ ಸವರುವ ಸನ್ನೆಯನ್ನು ಮೇಯರ್ ಜತೆ ಅಲ್ಲು ಅರ್ಜುನ್ ಕೂಡ ಮಾಡಿದ್ದಾರೆ.
ನ್ಯೂಯಾರ್ಕ್ ಸಿಟಿಯ ಮೇಯರ್ ಅವರನ್ನು ಭೇಟಿಯಾಗಿರುವುದು ಸಂತಸ ತಂದಿದೆ. ತುಂಬಾ ಸ್ಪೋರ್ಟಿವ್ ಜೆಂಟಲ್ಮ್ಯಾನ್. ಗೌರವಕ್ಕೆ ಧನ್ಯವಾದಗಳು ಮಿಸ್ಟರ್ ಎರಿಕ್ ಆಡಮ್ಸ್ ಎಂದು ಅಲ್ಲು ಅರ್ಜುನ್ ಟ್ವಿಟ್ಟರ್ನಲ್ಲಿ ಬರೆದಿದ್ದಾರೆ.
Loading ...