ಮತ್ತೆ ಬಾಲಿವುಡ್ ಗೆ ಹಾರಿದ ಐಂದ್ರಿತಾ ರೇ: ಅಕ್ಟೋಬರ್ ನಲ್ಲಿ ‘ರಾವಣ ಲೀಲಾ’ ರಿಲೀಸ್

ಸ್ಯಾಂಡಲ್ ವುಡ್ ನಟಿ ಐಂದ್ರಿತಾ ರೇ ಮತ್ತೆ ಬಾಲಿವುಡ್ ಗೆ ಹಾರಿದ್ದು, ‘ರಾವಣ ಲೀಲಾ (ಭಾವೈ)’ ಚಿತ್ರದಲ್ಲಿ ನಟಿಸಿದ್ದಾರೆ. ಈ ಸಿನಿಮಾವು ಅಕ್ಟೋಬರ್ 1ರಂದು ತೆರೆಗೆ ಬರಲು ಸಜ್ಜಾಗಿದೆ. ಚಿತ್ರದಲ್ಲಿ ಪ್ರತೀಕ್ ಗಾಂಧಿಯೊಂದಿಗೆ ಜೋಡಿಯಾಗಿ ಅಭಿನಯಿಸಿದ್ದಾರೆ.

ಅರ್ಬಾಜ್ ಖಾನ್ ಜೊತೆ ‘ಮೈನ್ ಜರೂರ್ ಔಂಗಾ’ ಚಿತ್ರದ ಮುಖಾಂತರ ಬಾಲಿವುಡ್ ಗೆ ಪದಾರ್ಪಣೆ ಮಾಡಿದ್ದರು. ನಂತರ ಅವರು ಒಂದೆರಡು ಹಿಂದಿ ವೆಬ್ ಸರಣಿಗಳಲ್ಲಿ ಅಭಿನಯಿಸಿದ್ದರು. ಗುಜರಾತ್ ನಲ್ಲಿ ಈ ಸಿನಿಮಾದ ಚಿತ್ರೀಕರಣ ನಡೆಸಲಾಗಿದೆ. ಇನ್ನು ನಟಿ ಐಂದ್ರಿತಾ ರೇ ಚಿತ್ರದ ಬಗ್ಗೆ ಬಹಳ ಉತ್ಸುಕರಾಗಿದ್ದಾರೆ. ಯಾಕೆಂದರೆ ಈ ಚಿತ್ರದಲ್ಲಿ ಇವರ ಪಾತ್ರಕ್ಕೆ ಹೆಚ್ಚಿನ ಮಹತ್ವ ನೀಡಲಾಗಿದೆ. ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿ ಚಿತ್ರ ಬಿಡುಗಡೆಯ ಬಗ್ಗೆ ಐಂದ್ರಿತಾ ಅವರು ಮಾಹಿತಿ ನೀಡಿದ್ದಾರೆ.

ಭಾರತೀಯ ಆಹಾರ ಪದ್ಧತಿ ಒಂದು ಮಸಾಲೆಯನ್ನು ಆಧರಿಸಿದೆ ಅಂಕಣಕ್ಕೆ ವ್ಯಕ್ತವಾಗ್ತಿದೆ ತೀವ್ರ ಟೀಕೆ

ಏತನ್ಮಧ್ಯೆ ಕನ್ನಡ ಚಿತ್ರರಂಗದಲ್ಲಿ ಐಂದ್ರಿತಾ ಅವರು ತಮ್ಮ ಮೂರು ಚಿತ್ರಗಳ ಬಿಡುಗಡೆಗಾಗಿ ಎದುರು ನೋಡುತ್ತಿದ್ದಾರೆ. ಮೊದಲನೆಯದು ‘ಗರುಡ’ ಚಿತ್ರ. ಇದರಲ್ಲಿ ಅವರು ಸಿದ್ದಾರ್ಥ್ ಮಹೇಶ್ ಹಾಗೂ ಆಶಿಕಾ ರಂಗನಾಥ್ ಜೊತೆ ನಟಿಸಿದ್ದಾರೆ. ಮುಂದಿನದ್ದು, ನೆನಪಿರಲಿ ನಟ ಪ್ರೇಮ್ ಜೊತೆ ಅಭಿನಯಿಸಿರುವ ‘ಪ್ರೇಮ ಪೂಜ್ಯ0’ ಚಿತ್ರ. ನಂತರದ್ದು ಪತಿ ದಿಗಂತ್ ಜೊತೆ ಅಭಿನಯಿಸಿರುವ ‘ಕ್ಷಮಿಸಿ, ನಿಮ್ಮ ಖಾತೆಯಲ್ಲಿ ಹಣವಿಲ್ಲ’ ಚಿತ್ರ ತೆರೆಗೆ ಬರೋದನ್ನು ಎದುರು ನೋಡುತ್ತಿದ್ದಾರೆ.