ನಟ ಗಣೇಶ್ ಕಟ್ಟಡ ನಿರ್ಮಾಣಕ್ಕೆ ಮಧ್ಯಂತರ ಅನುಮತಿ

ಬೆಂಗಳೂರು: ಪರಿಸರ ಸೂಕ್ಷ್ಮ ವಲಯದಲ್ಲಿ ನಟ ಗಣೇಶ್ ಕಟ್ಟಡ ನಿರ್ಮಾಣ ವಿಚಾರಕ್ಕೆ ಸಂಬಂಧಿಸಿದಂತೆ ಹೈಕೋರ್ಟ್ ಗಣೇಶ್ ಅವರಿಗೆ ಮಧ್ಯಂತರ ಅನುಮತಿ ನೀಡಿದೆ.

ಶಾಶ್ವತ ಕಟ್ಟಡ ನಿರ್ಮಿಸಿದರೆ ಪರಿಣಾಮ ಎದುರಿಸಬೇಕಾಗಲಿದೆ ಎಂದು ನ್ಯಾಯಮೂರ್ತಿ ಕೃಷ್ಣ ಎಸ್. ದೀಕ್ಷಿತ್ ಅವರಿದ್ದ ಹೈಕೋರ್ಟ್ ಪೀಠ ಅಭಿಪ್ರಾಯಪಟ್ಟಿದೆ. ಗಣೇಶ್ ಅವರು ನಿರ್ಮಿಸುತ್ತಿರುವ ಕಟ್ಟಡದ ಸುತ್ತ ಶಾಶ್ವತ ಕಟ್ಟಡಗಳು ಇವೆ. ಅನುಮತಿ ನೀಡಿದರೆ ಹೈಕೋರ್ಟ್ ಆದೇಶಕ್ಕೆ ಬದ್ಧವಾಗಿರುವುದಾಗಿ ನಟ ಗಣೇಶ್ ಪರ ಹಿರಿಯ ವಕೀಲ ಶ್ರೀಧರ್ ಪ್ರಭು ಹೇಳಿದ್ದಾರೆ. ಹೇಳಿಕೆ ಪರಿಗಣಿಸಿ ಕಟ್ಟಡ ಕಾಮಗಾರಿಗೆ ಮಧ್ಯಂತರ ಅನುಮತಿ ನೀಡಲಾಗಿದೆ.