ಆಕರ್ಷಣೆಯ ಕೇಂದ್ರಬಿಂದುವಾದ ಈ ಬೆಕ್ಕಿಗೆ ಸಿಕ್ಕಿದೆ 5 ಸ್ಟಾರ್ಸ್…!

ಪೋಲಿಷ್ ನಗರವಾದ ಸ್ಜೆಸಿನ್‌ನಲ್ಲಿ ‘ಗ್ಯಾಸೆಕ್’ ಹೆಸರಿನ ಬೆಕ್ಕು ಎಲ್ಲರ ಆಕರ್ಷಣೆಯ ಕೇಂದ್ರಬಿಂದುವಾಗಿದೆ. ಕಪ್ಪು-ಬಿಳುಪು ಬೆಕ್ಕು ಗೂಗಲ್ ನಕ್ಷೆಗಳಲ್ಲಿ ಐದು ಸ್ಟಾರ್​ಗಳ ರೇಟಿಂಗ್ ಹೊಂದಿರುವುದು ಇದರ ಘನತೆಯನ್ನು ತೋರಿಸುತ್ತದೆ.

1346 ರಲ್ಲಿ ನಿರ್ಮಿಸಲಾದ ಪೊಮೆರೇನಿಯನ್ ಡ್ಯೂಕ್ಸ್ ಕ್ಯಾಸಲ್ ಸೇರಿದಂತೆ ನಗರದ ಇತರ ಪ್ರವಾಸಿ ಹಾಟ್‌ಸ್ಪಾಟ್‌ಗಳನ್ನು ಈ ಬೆಕ್ಕು ಸೋಲಿಸಿ ಆಕರ್ಷಣೆ ಗಳಿಸುತ್ತಿದೆ. ಸ್ಥಳೀಯ ಸುದ್ದಿವಾಹಿನಿ wSzczecinie ಪ್ರಕಾರ, ಬೆಕ್ಕು ಮರದ ಪೆಟ್ಟಿಗೆಯಲ್ಲಿ ವಾಸಿಸುತ್ತವೆ ಮತ್ತು ದಾರಿಹೋಕರಿಂದ ಸಾಕಷ್ಟು ತಿಂಡಿಗಳನ್ನು ಪಡೆಯುತ್ತದೆ.

ಈ ಬೆಕ್ಕು ಗಮನ ಸೆಳೆಯಲು ಪ್ರಾರಂಭಿಸಿದ್ದು 2020ರಿಂದ. ನೆರೆಯ ಜರ್ಮನಿಯ ಸಂದರ್ಶಕರು ಬೆಕ್ಕಿನ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ವೀಡಿಯೊವನ್ನು ಪ್ರಕಟಿಸಿದ್ದರು. ಅದು 4.5 ಮಿಲಿಯನ್ ವೀಕ್ಷಣೆಗಳನ್ನು ಪಡೆದುಕೊಂಡಿತು. ಅಂದಿನಿಂದ, ಪ್ರಪಂಚದಾದ್ಯಂತದ ಪ್ರಯಾಣಿಕರು ಬೆಕ್ಕನ್ನು ನೋಡಲು ಪೋಲೆಂಡ್‌ಗೆ ಪ್ರಯಾಣಿಸಿದ್ದಾರೆ. ಈ ಬೆಕ್ಕು ಪ್ರವಾಸಿಗರನ್ನು ಆಕರ್ಷಕವಾಗಿ ಸ್ವಾಗತಿಸುತ್ತದೆ. ಈ ಹಿನ್ನೆಲೆಯಲ್ಲಿ ಮುದ್ದುಮೊಗದ ಬೆಕ್ಕಿಗೆ ಇಷ್ಟೊಂದು ಡಿಮಾಂಡ್​.