ವಾಷಿಂಗ್ಟನ್: ಟ್ರಾವೆಲ್ ಬ್ಲಾಗರ್ ಲ್ಯೂಕಾಸ್ ವಾಲ್ ಅವರು ವಾಷಿಂಗ್ಟನ್ ಡಿಸಿಯ ಎಲ್ಲಾ 97 ಮೆಟ್ರೋ ನಿಲ್ದಾಣಗಳಿಗೆ ಭೇಟಿ ನೀಡಿದ ನಂತರ ಗಿನ್ನೆಸ್ ವಿಶ್ವ ದಾಖಲೆಯಲ್ಲಿ ಹೆಸರು ಪಡೆದುಕೊಂಡಿದ್ದಾರೆ. ಈ ಸಾಧನೆಯನ್ನು ಪೂರ್ಣಗೊಳಿಸಲು ಅವರು ಒಂಬತ್ತು ಗಂಟೆ ತೆಗೆದುಕೊಂಡರು.
ಲ್ಯೂಕಾಸ್ ಅವರು, ಕಳೆದ ಬುಧವಾರದಂದು 97 ಮೆಟ್ರೋ ನಿಲ್ದಾಣಗಳಿಗೆ ಭೇಟಿ ನೀಡಿ ಅಮೆರಿಕದ ಎರಡನೇ ಅತ್ಯಂತ ಜನನಿಬಿಡ ಕ್ಷಿಪ್ರ ಸಾರಿಗೆ ವ್ಯವಸ್ಥೆಯನ್ನು ಉತ್ತೇಜಿಸಿದ್ದಾರೆ ಎಂದು ವರದಿಯಾಗಿದೆ. ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪ್ರಕಾರ, ಲ್ಯೂಕಾಸ್ 9 ಗಂಟೆಗಳಿಗಿಂತ ಕಡಿಮೆ ಅವಧಿಯಲ್ಲಿ ಈ ಪ್ರಯಾಣ ಮುಗಿಸಿದರೂ, ಹಿಂದಿನ ದಾಖಲೆ ಹೊಂದಿರುವ ಸ್ಕಾಟ್ ಬೆನೆಟ್‌ಗಿಂತ ಸುಮಾರು ಒಂದು ಗಂಟೆ ಹೆಚ್ಚು ಸಮಯ ತೆಗೆದುಕೊಂಡರು.
ಬೆನೆಟ್ ತನ್ನ ಪ್ರಯಾಣವನ್ನು ಡಿಸೆಂಬರ್ 2019 ರಲ್ಲಿ 7 ಗಂಟೆಗಳು ಮತ್ತು 59 ನಿಮಿಷಗಳಲ್ಲಿ ಮುಗಿಸಿದ್ದರು. ಆದರೂ ಇವರ ಹೆಸರು ಗಿನ್ನೆಸ್ ದಾಖಲೆ ಸೇರಲು ಕಾರಣ ಏನೆಂದರೆ, ಇದೇ 15ರಂದು ಆರು ಹೊಸ ನಿಲ್ದಾಣಗಳನ್ನು ಮೆಟ್ರೋ ನೆಟ್‌ವರ್ಕ್ ಸೇರಿಸಿದೆ, ಅದನ್ನೂ ಲ್ಯೂಕಾಸ್ ಭೇಟಿ ನೀಡಿದ್ದರಿಂದ ಅವರ ಹೆಸರಿಗೆ ಈಗ ದಾಖಲೆ ಆಗಿದೆ.
Loading ...