ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ಅವರ ಪುತ್ರಿ ಸುಹಾನಾ ಖಾನ್ ತನ್ನ ತಂದೆಯ ಇತ್ತೀಚಿನ ಫೋಟೋ ಕಂಡು ವಿಸ್ಮಿತಗೊಂಡಿದ್ದಾರೆ. ಶಾರುಖ್ ರ ಎಂಟು ಪ್ಯಾಕ್ ದೇಹದ ಚಿತ್ರವನ್ನು ಸುಹಾನಾ ಹಂಚಿಕೊಂಡಿದ್ದಾರೆ.
ತನ್ನ ತಂದೆಯ ಫೋಟೋ ಹಂಚಿಕೊಂಡ ಸುಹಾನಾ ಖಾನ್, 56 ನೇ ವಯಸ್ಸಿನಲ್ಲಿ ಶಾರುಖ್ ಅವರಿಗೆ ಎಂಟು-ಪ್ಯಾಕ್ ಪಡೆಯಲು ಸಾಧ್ಯವಾದ ಬಗ್ಗೆ ಅವರು ಅಚ್ಚರಿಗೊಂಡಿದ್ದಾರೆ. 56ನೇ ವಯಸ್ಸಿನಲ್ಲೂ ಈ ರೀತಿಯ ದೇಹ ಪಡೆಯಲು ಸಾಧ್ಯವೇ…… ಎಂದು ಅವರು ಫೋಟೋಗೆ ಪ್ರತಿಕ್ರಿಯಿಸಿದ್ದಾರೆ.
ಸುಹಾನಾ ಮಾತ್ರವಲ್ಲ, ಶಾರುಖ್ ಖಾನ್ ಅವರ ಪತ್ನಿ ಗೌರಿ ಖಾನ್ ಕೂಡ ತನ್ನ ಪತಿಯ ಈ ನೋಟಕ್ಕೆ ಮನಸೋತಿದ್ದಾರೆ. ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಪಠಾಣ್ ಚಿತ್ರದ ಈ ಫೋಟೋವನ್ನು ಹಂಚಿಕೊಂಡಿದ್ದಾರೆ.
ಪಠಾಣ್ ಶಾರುಖ್ ಅವರ ಹೊಸ ಸಿನಿಮಾ. ಝೀರೋ ಸಿನಿಮಾದ ನಂತರ ಅವರು ಯಾವುದೇ ಸಿನಿಮಾವನ್ನು ಮಾಡಿರಲಿಲ್ಲ. ಅನುಷ್ಕಾ ಶರ್ಮಾ ಮತ್ತು ಕತ್ರಿನಾ ಕೈಫ್ ಮುಖ್ಯ ಭೂಮಿಕೆಯಲ್ಲಿರುವ ಝೀರೋ ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರದರ್ಶನ ನೀಡಲಿಲ್ಲ. 2018 ರ ಚಿತ್ರದ ನಂತರ ಶಾರುಕ್ ಯಾವುದೇ ಹೊಸ ಚಲನಚಿತ್ರವನ್ನು ಘೋಷಿಸಿರಲಿಲ್ಲ. ಇದೀಗ ಶಾರುಖ್ ಪಠಾಣ್ ಚಿತ್ರದಲ್ಲಿ ಹೊಸ ಲುಕ್ ನಲ್ಲಿ ಕಾಣಿಸುತ್ತಿದ್ದಾರೆ. ದೀಪಿಕಾ ಪಡುಕೋಣೆ ಮತ್ತು ಜಾನ್ ಅಬ್ರಹಾಂ ಕೂಡ ಈ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ.
Loading ...