ಕಳೆದ 35 ದಿನಗಳಲ್ಲಿ ಮಧ್ಯಪ್ರದೇಶದಲ್ಲಿ 44 ಹೊಸ ವಿಮಾನಗಳು ಪ್ರಯಾಣ ಆರಂಭಿಸಿವೆ ಎಂದು ನಾಗರಿಕ ವಿಮಾನಯಾನ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ ಹೇಳಿದ್ದಾರೆ. ಬುಧವಾರ ವಿಮಾನಗಳು ಜಬಲಾಪುರದಿಂದ ಮುಂಬೈ, ಪುಣೆ, ಸೂರ್, ಹೈದರಬಾದ್ ಹಾಗೂ ಕೋಲ್ಕತ್ತಾಗೆ ಪ್ರಯಾಣ ಬೆಳೆಸಿವೆ. ಆಗಸ್ಟ್ 20ರಿಂದ ಜಬಲಾಪುರದಿಂದ ವಿಮಾನಗಳು ದೆಹಲಿ ಹಾಗೂ ಇಂದೋರ್ಗೆ ಹಾರಾಟ ಆರಂಭಿಸಲಿದೆ ಎಂದು ಸಿಂಧಿಯಾ ಹೇಳಿದ್ದಾರೆ.
ಈ ವಿಮಾನಗಳಲ್ಲಿ 8 ವಿಮಾನಗಳು ಉಡಾನ್ ಯೋಜನೆಯ ಅಡಿಯಲ್ಲಿ ಬರುತ್ತದೆ ಎಂದು ಸಿಂಧಿಯಾ ಈ ಮೊದಲೇ ಹೇಳಿದ್ದರು. ಇದು ಸಣ್ಣ ವಿಮಾನ ನಿಲ್ದಾಣಗಳು, ಮಹಾನಗರಗಳನ್ನು ಸಂಪರ್ಕಿಸುವತ್ತ ಹೆಚ್ಚಿನ ಆದ್ಯತೆ ನೀಡುತ್ತದೆ. ಉಡಾನ್ ಯೋಜನೆಯ ಅಡಿಯಲ್ಲಿ 100 ವಿಮಾನನಿಲ್ದಾಣಗಳನ್ನು ಕಾರ್ಯಗತಗೊಳಿಸುವ ಯೋಜನೆಯನ್ನು ಸರ್ಕಾರ ಹೊಂದಿದೆ ಎಂದು ಹರ್ದಿಪ್ ಪುರಿ ಹೇಳಿದ್ದರು.
19 ವರ್ಷಗಳ ಕಾಲ ಕಾಂಗ್ರೆಸ್ನಲ್ಲಿ ಗುರುತಿಸಿಕೊಂಡಿದ್ದ ಜ್ಯೋತಿರಾದಿತ್ಯ ಸಿಂಧಿಯಾ ಕಳೆದ ವರ್ಷ ಮಾರ್ಚ್ನಲ್ಲಿ ಬಿಜೆಪಿ ಸೇರ್ಪಡೆಯಾಗಿದ್ದರು. ಕಳೆದ ತಿಂಗಳು ಮೋದಿ ಸಂಪುಟದಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳುವಲ್ಲಿಯೂ ಸಿಂಧಿಯಾ ಯಶಸ್ವಿಯಾಗಿದ್ದಾರೆ.
ಇಂದೋರ್ ಪ್ರವಾಸ ಕೈಗೊಂಡಿದ್ದ ವೇಳೆ ಸುದ್ದಿಗಾರರೊಂದಿಗೆ ಮಾತನಾಡಿದ ಸಿಂಧಿಯಾ, ಪ್ರಧಾನಿ ಮೋದಿ ನೇತೃತ್ವದಲ್ಲಿ ಭಾರತದ ವಿಮಾನಯಾನ ಸೇವೆಯನ್ನು ಮತ್ತೊಂದು ಹಂತಕ್ಕೆ ಕರೆದೊಯ್ಯುವುದೇ ನನ್ನ ಗುರಿಯಾಗಿದೆ ಎಂದು ಹೇಳಿದ್ದರು.
Loading ...