ಬರೋಬ್ಬರಿ 3.50 ಲಕ್ಷ ರೂಪಾಯಿಗಳಿಗೆ ಮಾರಾಟವಾದ ‘ಹಣಿಮ್ಯಾ’

ರೈತ ಮಹಿಳೆಯೊಬ್ಬರು ಸಾಕಿದ್ದ ‘ಹಣಿಮ್ಯಾ’ಎಂಬ ಹೆಸರಿನ ಎತ್ತು ಬರೋಬ್ಬರಿ 3.50 ಲಕ್ಷಗಳಿಗೆ ಮಾರಾಟವಾಗಿ ದಾಖಲೆ ಬರೆದಿದೆ.

ವಿಜಯಪುರ ಜಿಲ್ಲೆ ಕೊಲ್ಹಾರ ತಾಲೂಕು ಬಳೂತಿ ಗ್ರಾಮದ ಮಲ್ಲವ್ವ ಹೆಬ್ಬಿ ಎಂಬವರ ಎತ್ತಿಗೆ ಈ ಬೆಲೆ ಸಿಕ್ಕಿದ್ದು, ಹಲಗಲಿ ಗ್ರಾಮದ ಸಂಗಪ್ಪ ಕಜ್ಜಿಡೋಣಿ ಇದನ್ನು ಖರೀದಿಸಿದ್ದಾರೆ.

ಈ ಹಿಂದೆ ಮಲ್ಲವ್ವ ಹೆಬ್ಬಿ ಅವರ ಪುತ್ರ ಪುಂಡಲೀಕ ಹೆಬ್ಬಿ ಬಬಲೇಶ್ವರ ತಾಲೂಕಿನ ತೊನಶ್ಯಾಳ ಗ್ರಾಮದಿಂದ ಒಂದು ವರ್ಷದ ಹೋರಿಯನ್ನು 35,000 ರೂಪಾಯಿಗಳಿಗೆ ಖರೀದಿ ಮಾಡಿದ್ದರು. ಅತ್ಯಂತ ಮುತುವರ್ಜಿಯಿಂದ ಇದನ್ನು ಸಾಕಿದ್ದು, ಎತ್ತಿನ ಬಂಡಿ ಸ್ಪರ್ಧೆಯಲ್ಲಿ ಇದು ಹಲವು ಬಹುಮಾನಗಳನ್ನು ಪಡೆದಿತ್ತು.