SHOCKING: ಜೊತೆಯಾಗಿದ್ದ ಜೋಡಿ ಬೆದರಿಸಿ ಪ್ರಿಯಕರನ ಎದುರಲ್ಲೇ ಯುವತಿ ಮೇಲೆ ಅತ್ಯಾಚಾರ

ಚೆನ್ನೈ: ಕಡಲೂರು ಸಮೀಪದ ಕಮ್ಮಿಯನ್‌ ಪೇಟೆಯಲ್ಲಿ ಸೋಮವಾರ ರಾತ್ರಿ ತನ್ನ ಪ್ರಿಯಕರನ ಜೊತೆಗಿದ್ದ 21 ವರ್ಷದ ಯುವತಿಯ ಮೇಲೆ ಅತ್ಯಾಚಾರ ಎಸಗಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೂವರನ್ನು ಕಡಲೂರು ಪೊಲೀಸರು ಮಂಗಳವಾರ ಬಂಧಿಸಿದ್ದಾರೆ.

ಬಂಧಿತರನ್ನು ಕುಪ್ಪಂಕುಳಂನ ಜೆ.ಶಬರಿ ಅಲಿಯಾಸ್ ಕಿಶೋರ್(18), ಪುದುಪಾಳ್ಯಂನ ಎಸ್.ಆರಿಫ್(18) ಮತ್ತು ಕಡಲೂರಿನ ತಿರುಪಾಪುಲಿಯೂರಿನ ಎನ್. ಸತೀಶ್(19) ಎಂದು ಗುರುತಿಸಲಾಗಿದೆ.

ಮಹಿಳೆಯನ್ನು ಕಡಲೂರು ಸರ್ಕಾರಿ ಜನರಲ್ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪೊಲೀಸರ ಪ್ರಕಾರ, ಕಡಲೂರಿನ ಖಾಸಗಿ ಸಂಸ್ಥೆಯೊಂದರಲ್ಲಿ ಕೆಲಸ ಮಾಡುತ್ತಿದ್ದ ಯುವತಿ ಸೋಮವಾರ ರಾತ್ರಿ ತನ್ನ ಪ್ರಿಯಕರನೊಂದಿಗೆ ದ್ವಿಚಕ್ರ ವಾಹನದಲ್ಲಿ ಕಮ್ಮಿಯನ್‌ ಪೇಟೆಗೆ ತೆರಳಿದ್ದರು. ಇಬ್ಬರು ಕಟ್ಟಡದ ಮುಂದೆ ಮಾತನಾಡುತ್ತಿದ್ದಾಗ ಮೂವರು ಆರೋಪಿಗಳು ಅವರ ಬಳಿ ಬಂದು ಪ್ರಿಯಕರನ ಮೊಬೈಲ್ ಕಸಿದುಕೊಂಡು ಹಲ್ಲೆ ನಡೆಸಿದ್ದಾರೆ.

ಕಿಶೋರ್ ಮಹಿಳೆಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದಾಗ ಮತ್ತಿಬ್ಬರು ಆಕೆಯ ಪ್ರಿಯಕರನನ್ನು ಹಿಡಿದುಕೊಂಡಿದ್ದರು. ಸಂತ್ರಸ್ತೆ, ಗೆಳೆಯನಿಗೆ ಕೊಲೆ ಮಾಡುವುದಾಗಿ ಬೆದರಿಸಿ ಮೂವರೂ ಅವರ ಬಳಿ ಇದ್ದ ಮೊಬೈಲ್ ನಗದು ದೋಚಿಕೊಂಡು ಪರಾರಿಯಾಗಿದ್ದಾರೆ.

ಪ್ರಿಯಕರ ಮಂಜಕುಪ್ಪಂ ಬಸ್ ನಿಲ್ದಾಣದವರೆಗೆ ಯುವತಿ ಡ್ರಾಪ್ ಮಾಡಿದ್ದಾನೆ. ಗಸ್ತಿನಲ್ಲಿದ್ದ ಪೊಲೀಸ್ ತಂಡ ಆಕೆಯನ್ನು ವಿಚಾರಿಸಿದಾಗ ಆಕೆ ನಡೆದ ಘಟನೆಯನ್ನು ವಿವರಿಸಿದ್ದಾಳೆ. ನಂತರ ಸಂತ್ರಸ್ತೆ ಕಡಲೂರು ಮಹಿಳಾ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾಳೆ. ಸಂತ್ರಸ್ತೆ ನೀಡಿದ ಮಾಹಿತಿ ಮೇರೆಗೆ ಪೊಲೀಸರು ಕೆಲವೇ ಗಂಟೆಗಳಲ್ಲಿ ಆರೋಪಿಗಳನ್ನು ಪತ್ತೆ ಹಚ್ಚಿ ಬಂಧಿಸಿದ್ದಾರೆ.