ಭಾರತದ ಹಾಗೂ ವಿದೇಶಗಳ ಹಿರಿಯ ವೈದ್ಯರು ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳಿಗೆ ಪ್ರಸ್ತುತ ಕೋವಿಡ್ 19 ಪರಿಸ್ಥಿತಿಯನ್ನು ನಿಭಾಯಿಸಲು ಆಯ್ಕೆ ಮಾಡಿಕೊಂಡಿರುವ ಕೆಲವು ಅಸಮಂಜಸ ವೈದ್ಯಕೀಯ ವಿಧಾನಗಳ ಬಗ್ಗೆ ಎಚ್ಚರಿಕೆಯನ್ನು ನೀಡಿದ್ದಾರೆ.
ಬಹಿರಂಗ ಪತ್ರವೊಂದರಲ್ಲಿ 32 ಪ್ರಮುಖ ವೈದ್ಯರು ಕೋವಿಡ್ 19 ಕ್ಲಿನಿಕಲ್ ನಿರ್ವಹಣೆಯ ಸಮಯದಲ್ಲಿ 2021ರಲ್ಲಿ ಮಾಡಲಾದ ತಪ್ಪುಗಳನ್ನೇ ಪುನರಾವರ್ತಿಸಲಾಗುತ್ತಿದೆ ಎಂದು ಹೇಳಿದ್ದಾರೆ.
ಕೊರೊನಾ ಸಾಂಕ್ರಾಮಿಕದ ಹಿಂದಿನ 2 ಅಲೆಗಳನ್ನು ನೋಡಿದರೆ ಔಷಧಿಗಳ ವಿನಾಕಾರಣ ಬಳಕೆಯು ಹಾನಿಕಾರಕ ಎನಿಸಬಹುದು ಎಂದು ಎಚ್ಚರಿಕೆ ನೀಡಿದ್ದಾರೆ.
ಸದ್ಯ ಲಭ್ಯವಿರುವ ಪುರಾವೆಗಳ ತೂಕವನ್ನು ನೋಡಿದರೆ ಡೆಲ್ಟಾ ರೂಪಾಂತರಿಯ ಸಮಯದಲ್ಲಿ ಸಾಕಷ್ಟು ಸಾವುಗಳು ವರದಿಯಾದ ಬಳಿಕವೂ ಕೋವಿಡ್ 19 ಕ್ಲಿನಿಕಲ್ ನಿರ್ವಹಣೆಯಲ್ಲಿ 2021ರಲ್ಲಿ ಮಾಡಲಾದ ತಪ್ಪುಗಳನ್ನೇ 2022ರಲ್ಲಿಯೂ ಪುನರಾವರ್ತಿಸಲಾಗುತ್ತಿದೆ. ಕೋವಿಡ್ 19 ಕ್ಲಿನಿಕಲ್ ನಿರ್ವಹಣೆಗೆ ಸೂಕ್ತವಲ್ಲದ ಔಷಧಿಗಳ ಬಳಕೆಯನ್ನು ನಿಲ್ಲಿಸುವಂತೆ ನಾವು ನಿಮ್ಮನ್ನು ಒತ್ತಾಯಿಸುತ್ತಿದ್ದೇವೆ ಎಂದು ಪತ್ರದಲ್ಲಿ ತಿಳಿಸಲಾಗಿದೆ.
Loading ...