ಪ್ರಸ್ತುತ ಐಪಿಎಲ್ ನಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡದ ಪರ ಆಟವಾಡುತ್ತಿರುವ ಟೀಮ್ ಇಂಡಿಯಾ ಸ್ಪಿನ್ನರ್ ಯಜುವೇಂದ್ರ ಚಹಾಲ್ 2013 ರಲ್ಲಿ ನಡೆದಿದ್ದ ಆಘಾತಕಾರಿ ಘಟನೆಯೊಂದನ್ನು ಬಿಚ್ಚಿಟ್ಟಿದ್ದಾರೆ. ಈ ವೇಳೆ ತಾವು ಕೂದಲೆಳೆ ಅಂತರದಲ್ಲಿ ಸಾವಿನಿಂದ ಪಾರಾಗಿ ಬಂದ ಬಗೆಯನ್ನು ‘ಕಂಬ್ಯಾಕ್ ಸ್ಟೋರಿ’ ಕಾರ್ಯಕ್ರಮದಲ್ಲಿ ಅವರು ಹೇಳಿಕೊಂಡಿದ್ದಾರೆ.
2013 ರಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಪರವಾಗಿ ಯಜುವೇಂದ್ರ ಚಹಾಲ್ ಆಟವಾಡಿದ್ದು, ಈ ವೇಳೆ ಪಂದ್ಯವೊಂದರ ಸಲವಾಗಿ ಬೆಂಗಳೂರಿಗೆ ಬಂದಿದ್ದರೆನ್ನಲಾಗಿದೆ. ಪಂದ್ಯದ ಬಳಿಕ ಗೆಟ್ ಟುಗೆದರ್ ಪಾರ್ಟಿ ಇದ್ದು, ಈ ಸಂದರ್ಭದಲ್ಲಿ ಕಂಠಪೂರ್ತಿ ಮದ್ಯ ಸೇವಿಸಿದ್ದ ತಂಡದ ಸದಸ್ಯರೊಬ್ಬರು ಯಜುವೇಂದ್ರ ಚಹಾಲ್ ಅವರನ್ನು 15ನೇ ಮಹಡಿಯಿಂದ ನೇತಾಡಿಸಿದ್ದರಂತೆ. ಅವರ ಕೈ ಕೊಂಚ ತಪ್ಪಿದರೂ ಕೆಳಗೆ ಬಿದ್ದು ಚಹಾಲ್ ಅವರ ಪ್ರಾಣವೇ ಹೋಗುತ್ತಿತ್ತಂತೆ.
BREAKING: ಮುಂಬೈ ದಾಳಿಯ ಮಾಸ್ಟರ್ ಮೈಂಡ್ ಹಫೀಜ್ ಸಯೀದ್ ಪುತ್ರನೂ ಭಯೋತ್ಪಾದಕ: ಭಾರತ ಘೋಷಣೆ
ಅಷ್ಟರಲ್ಲಿ ಇದನ್ನು ಗಮನಿಸಿದ ತಂಡದ ಇತರೆ ಆಟಗಾರರು ಓಡೋಡಿ ಬಂದು ಯಜುವೇಂದ್ರ ಚಹಾಲ್ ಅವರನ್ನು ಎಳೆದುಕೊಂಡರಂತೆ. ಈ ಘಟನೆಯಿಂದ ನಾನು ತತ್ತರಿಸಿ ಹೋಗಿದ್ದೆ ಎಂದು ಹೇಳಿರುವ ಚಹಾಲ್, ಆ ರೀತಿ ಮಾಡಿದ ಆಟಗಾರ ಯಾರು ಎಂಬುದರ ಗುಟ್ಟನ್ನು ಬಿಟ್ಟುಕೊಟ್ಟಿಲ್ಲ.
Loading ...