ಗ್ರಾಮ ಪಂಚಾಯತ್ ಚುನಾವಣೆಯಲ್ಲಿ ಸ್ಪರ್ಧಿಸಿದ್ದ ಅಭ್ಯರ್ಥಿಯೊಬ್ಬ ಕೇವಲ 1 ಮತವನ್ನು ಮಾತ್ರ ಗಳಿಸಿದ್ದು ಫಲಿತಾಂಶವನ್ನು ಕಂಡ ಅಭ್ಯರ್ಥಿಯು ಅತೀವವಾಗಿ ನೊಂದಿದ್ದಾನೆ. ಈ ವ್ಯಕ್ತಿಗೆ ಪಂಚಾಯತ್ ಎಲೆಕ್ಷನ್ನಲ್ಲಿ ಸೋತಿದ್ದಕ್ಕಿಂತ ಹೆಚ್ಚಾಗಿ ತನಗೆ ಸಿಕ್ಕ ಮತದಿಂದಾಗಿ ಅತೀವವಾಗಿ ಮುಖಭಂಗವಾಗಿದೆ. ಈತನ ಮನೆಯಲ್ಲಿ 12 ಮಂದಿ ವಯಸ್ಕರಿದ್ದರೂ ಸಹ ಒಬ್ಬರೇ ಒಬ್ಬರೂ ಈತನಿಗೆ ಮತ ಹಾಕದೇ ಇದ್ದದ್ದು ವಿಪರ್ಯಾಸ. ಗುಜರಾತ್ನ ವಾಪಿ ಜಿಲ್ಲೆಯಲ್ಲಿ ಇಂತಹದ್ದೊಂದು ವಿಚಿತ್ರ ಘಟನೆ ನಡೆದಿದೆ.
ವಾಪಿ ಜಿಲ್ಲೆಯ ಚಾರ್ವಾಲಾ ಗ್ರಾಮದಲ್ಲಿ ಸರಪಂಚ್ ಚುನಾಚಣೆಗೆ ಇದೇ ಗ್ರಾಮದ ಸಂತೋಷ್ ಎಂಬವರು ನಾಮಪತ್ರ ಸಲ್ಲಿಸಿದ್ದರು. ಏನಿಲ್ಲ ಅಂದರೂ ತನ್ನ ಕುಟುಂಬದ 12 ಮಂದಿ ಹಾಗೂ ತನ್ನದೊಂದು ಮತ ಸೇರಿ 13 ಮತವಾದರೂ ನನ್ನ ಠೇವಣಿಗೆ ಬಂದು ಬೀಳಬಹುದು ಎಂಬ ವಿಶ್ವಾಸದಲ್ಲಿದ್ದರು ಎನ್ನಲಾಗಿದೆ.
ಆದರೆ ಮತ ಎಣಿಕೆ ವೇಳೆಯಲ್ಲಿ ಸಂತೋಷ್ ಲೆಕ್ಕಾಚಾರ ಬುಡಮೇಲಾಗಿದೆ. ಸಂತೋಷ್ಗೆ ಒಂದೇ ಮತ ಅಂದರೆ ಖುದ್ದು ಸಂತೋಷ್ ತನಗಾಗಿ ಚಲಾಯಿಸಿದ ಮತ ಬಿಟ್ಟರೆ ಒಂದೇ ಒಂದು ಮತವೂ ಸಂತೋಷ್ ತೆಕ್ಕೆಗೆ ಬಂದಿರಲಿಲ್ಲ. ಕುಟುಂಬಸ್ಥರೂ ಸಹ ತನಗೆ ಮತ ಹಾಕದೇ ಇರೋದನ್ನು ಅರಿತು ಸಂತೋಷ್ ಅತೀವವಾಗಿ ನೊಂದಿದ್ದಾರೆ.
ಗುಜರಾತ್ ವಿವಿಧ ಜಿಲ್ಲೆಗಳಲ್ಲಿ ಗ್ರಾಮಪಂಚಾಯತ್ ಚುನಾವಣೆ ನಡೆದಿದ್ದು ಮಂಗಳವಾರ ಗುಜರಾತ್ ರಾಜ್ಯದ 8600 ಗ್ರಾಮಗಳ ಚುನಾವಣಾ ಫಲಿತಾಂಶ ಹೊರಬಿದ್ದಿದೆ.
Loading ...