ಪೂರ್ವ ಮೆಡಿಟರೇನಿಯನ್ ಸಾಗರದಲ್ಲಿ ಘೋರ ದುರಂತ : ಜನವರಿಯಲ್ಲಿ 100 ಜನರು ಜನರು ನಾಪತ್ತೆ

ಈ ವರ್ಷದ ಆರಂಭವು ಪೂರ್ವ ಮೆಡಿಟರೇನಿಯನ್ ಸಮುದ್ರ ಮಾರ್ಗದಲ್ಲಿ ಮಾನವ ಹಾನಿಗೆ ಮಾರಕವಾಗಿತ್ತು. ಜನವರಿಯಲ್ಲಿ ಈ ಮಾರ್ಗದಲ್ಲಿ 100 ಜನರು  ಕಾಣೆಯಾಗಿದ್ದಾರೆ ಎಂದು ಯುನೈಟೆಡ್ ನೇಷನ್ಸ್ ಮೈಗ್ರೇಷನ್ ಏಜೆನ್ಸಿ (‘ಐಒಎಂ’) ಈ ಮಾಹಿತಿಯನ್ನು ಬಹಿರಂಗಪಡಿಸಿದೆ.

ವರದಿಯ ಪ್ರಕಾರ ಕಳೆದ ಆರು ವಾರಗಳಲ್ಲಿ ಲಿಬಿಯಾ, ಲೆಬನಾನ್ ಮತ್ತು ಟುನೀಶಿಯಾದಿಂದ 158 ಜನರನ್ನು ಹೊತ್ತ ಮೂರು ಹಡಗುಗಳು ಪತ್ತೆಯಾಗಿಲ್ಲ. ಈ ಪೈಕಿ 73 ಜನರು ಕಾಣೆಯಾಗಿದ್ದಾರೆ ಮತ್ತು ಸತ್ತಿದ್ದಾರೆ ಎಂದು ಪರಿಗಣಿಸಲಾಗಿದೆ.

ವಲಸಿಗರ ರಕ್ಷಣೆ ಕುರಿತು ರೋಮ್ನಲ್ಲಿ ನಡೆದ ಇಟಲಿ-ಆಫ್ರಿಕಾ ಸಮ್ಮೇಳನದಲ್ಲಿ ಐಒಎಂ ಮಹಾನಿರ್ದೇಶಕ ಆಮಿ ಪೋಪ್ ಹೇಳಿಕೆಯಲ್ಲಿ ಕಳವಳ ವ್ಯಕ್ತಪಡಿಸಿದ್ದಾರೆ ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಇಟಲಿಯ ಪ್ರಧಾನಿ ಜಿಯೋರ್ಜಿಯಾ ಮೆಲೋನಿ ಮತ್ತು ಯುರೋಪಿಯನ್ ಆಯೋಗದ ಅಧ್ಯಕ್ಷ ಉರ್ಸುಲಾ ವಾನ್ ಡೆರ್ ಲೆಯೆನ್ ಸೇರಿದಂತೆ 20 ಕ್ಕೂ ಹೆಚ್ಚು ರಾಷ್ಟ್ರಗಳ ಮುಖ್ಯಸ್ಥರು ಮತ್ತು ಪ್ರಧಾನ ಮಂತ್ರಿಗಳು ಶೃಂಗಸಭೆಯಲ್ಲಿ ಭಾಗವಹಿಸುತ್ತಿದ್ದಾರೆ.

“ಅಪಾಯಕಾರಿ ಮಾರ್ಗಗಳಲ್ಲಿ ಅನಗತ್ಯ ಮಾನವ ಪ್ರಾಣಹಾನಿಯನ್ನು ತಡೆಗಟ್ಟಲು ಮತ್ತು ಪ್ರಯಾಣಿಸುವ ಜನರನ್ನು ರಕ್ಷಿಸಲು ಸಮಗ್ರ ಮತ್ತು ಸುಸ್ಥಿರ ಕಾರ್ಯವಿಧಾನಗಳನ್ನು ಚರ್ಚಿಸಲು ಇಟಲಿ-ಆಫ್ರಿಕಾ ಸಮ್ಮೇಳನವು ಒಂದು ಪ್ರಮುಖ ಅವಕಾಶವಾಗಿದೆ” ಎಂದು ಆಮಿ ಪೋಪ್ ಹೇಳಿದರು.