ತಮ್ಮ 100 ನೇ ವರ್ಷದ ಜನ್ಮ ದಿನವನ್ನು ವಿಶೇಷವಾಗಿ ಆಚರಿಸಲು ಮುಂದಾದ ಹಿರಿಯ ನಾಗರಿಕರೊಬ್ಬರು ತಮ್ಮ 90 ವರ್ಷದ ಪತ್ನಿಯನ್ನು ಮರು ಮದುವೆಯಾಗಿದ್ದಾರೆ. ಈ ವಿಚಾರವು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ವ್ಯಾಪಕ ಮೆಚ್ಚುಗೆಯನ್ನು ಸಂಪಾದಿಸಿದೆ.
ಪಶ್ಚಿಮ ಬಂಗಾಳದ ಮುರ್ಷಿದಾಬಾದ್ ಜಿಲ್ಲೆಯ ಗ್ರಾಮವೊಂದರ ನಿವಾಸಿಯಾದ ಬಿಸ್ವನಾಥ್ ಸರ್ಕಾರ್ ತಮ್ಮ ನೂರನೇ ವರ್ಷದ ಜನ್ಮ ದಿನದ ಪ್ರಯುಕ್ತ ಈ ರೀತಿಯಾಗಿ ಮರು ಮದುವೆಯಾಗಿದ್ದಾರೆ.
ಬಿಸ್ವನಾಥ್ ಸರ್ಕಾರ್ ಶತದಿನೋತ್ಸವವನ್ನು ವಿಶೇಷವಾಗಿಸಬೇಕೆಂದುಕೊಂಡ ಅವರ ಆರು ಮಂದಿ ಮಕ್ಕಳು, 23 ಮಂದಿ ಮೊಮ್ಮಕ್ಕಳು ಹಾಗೂ 10 ಮಂದಿ ಮರಿ ಮೊಮ್ಮಕ್ಕಳು ಈ ರೀತಿಯಾಗಿ ಪ್ಲಾನ್ ಮಾಡಿದ್ದಾರೆ.
ಸಾಕಷ್ಟು ಪ್ಲಾನ್ಗಳನ್ನು ಬಿಸ್ವನಾಥ್ ಅವರ ಮುಂದೆ ಇಡಲಾಗಿತ್ತು. ಕೊನೆಗೆ ಬಿಸ್ವನಾಥ್ ತಮ್ಮ ಪತ್ನಿಯನ್ನು ಮರು ಮದುವೆಯಾಗುವ ಪ್ಲಾನ್ಗೆ ಸಮ್ಮತಿ ಸೂಚಿಸಿದರು. ಹೀಗಾಗಿ ಫೆಬ್ರವರಿ 16ರಂದು ಬಿಸ್ವನಾಥ್ ಹಾಗೂ ಸುರೋಧ್ವನಿ ಮರು ಮರು ಮದುವೆಯಾಗಿದ್ದಾರೆ.
1953 ರಲ್ಲಿ ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿತ್ತು ಎಂದು ಇವರ ಮೊದಲ ಸೊಸೆ ಮಾಹಿತಿ ನೀಡಿದ್ದಾರೆ. ಇವರ ಮರು ಮದುವೆ ವಿಚಾರ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ನೆಟ್ಟಿಗರಿಂದ ವ್ಯಾಪಕ ಪ್ರಶಂಸೆ ಗಿಟ್ಟಿಸಿಕೊಂಡಿದೆ.
Loading ...