ಫೇಸ್ಬುಕ್ನಲ್ಲಿ ನೋಡಿದ ಜಾಹೀರಾತನ್ನು ನಂಬಿ ಹಲ್ದಿರಾಮ್ಸ್ ತಿಂಡಿಯನ್ನು ಖರೀದಿಸಲು ಆರ್ಡರ್ ಮಾಡಿದ ಮುಂಬೈ ವಿಲೆ ಪಾರ್ಲೆಯ 44 ವರ್ಷದ ಸಿವಿಲ್ ಇಂಜಿನಿಯರ್ ಸೈಬರ್ ವಂಚನೆಗೆ ಒಳಗಾಗಿದ್ದು, 18,666 ರೂಪಾಯಿಗಳನ್ನು ಕಳೆದುಕೊಂಡಿದ್ದಾರೆ.
ಸೈಬರ್ ವಂಚನೆಗೆ ಒಳಗಾಗಿರುವುದು ಗಮನಕ್ಕೆ ಬರುತ್ತಿದ್ದಂತೆಯೇ ವಿಲೆ ಪಾರ್ಲೆ ಪೊಲೀಸ್ ಠಾಣೆಯಲ್ಲಿ ಗುರುವಾರದಂದು ದೂರನ್ನು ದಾಖಲಿಸಿದ್ದಾರೆ.ಜನವರಿ 28 ಕಚೇರಿಯಲ್ಲಿ ಇದ್ದ ವೇಳೆಯಲ್ಲಿ ಈ ಘಟನೆ ಸಂಭವಿಸಿದೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
ಫೇಸ್ಬುಕ್ನಲ್ಲಿ ಹಲ್ದಿರಾಮ್ಸ್ನ ಸ್ವೀಟ್ಗಳು ಹಾಗೂ ಸ್ನ್ಯಾಕ್ಗಳ ಬಗ್ಗೆ ಜಾಹೀರಾತನ್ನು ನೋಡಿದ ಅವರು ಅಲ್ಲಿ ನೀಡಲಾದ ಮೊಬೈಲ್ ನಂಬರ್ಗೆ ಕರೆ ಮಾಡಿದ್ದಾರೆ. ಇವರು ಸೈಬರ್ ವಂಚಕರು ಎಂಬುದು ಗಮನಕ್ಕೆ ಬಾರದ ಹಿನ್ನೆಲೆಯಲ್ಲಿ ಅವರೊಂದಿಗೆ ಮಾತನಾಡಿದ್ದಾರೆ.
ಸೈಬರ್ ವಂಚಕರು ಎಸ್ಎಂಎಸ್ ಫಾರ್ವರ್ಡರ್ ಎಂಬ ಆ್ಯಪ್ ಡೌನ್ಲೋಡ್ ಮಾಡುವಂತೆ ಹೇಳಿದ್ದಾರೆ. ಅಲ್ಲದೇ ಇಲ್ಲಿ ಅವರ ಬ್ಯಾಂಕ್ ವಿವರವನ್ನು ಪಡೆದುಕೊಂಡಿದ್ದಾರೆ. ಕೂಡಲೇ ಹಣ ಡೆಬಿಟ್ ಆಗಿರುವುದು ಗಮನಕ್ಕೆ ಬಂದ ಬಳಿಕ ಕಾರ್ಡ್ ಬ್ಲಾಕ್ ಮಾಡಿದ ಅವರು ಪೊಲೀಸರನ್ನು ಭೇಟಿಯಾಗಿದ್ದಾರೆ.
Loading ...