ಹಜಾರಿಬಾಗ್‌ನಲ್ಲಿ ಅನ್ಯಗ್ರಹ ಜೀವಿ…? ಘಟನೆಯ ಅಸಲಿಯತ್ತು ಬೇರೆಯೇ ಇತ್ತು ನೋಡಿ

ಹೆದ್ದಾರಿಯೊಂದರಲ್ಲಿ ಅನಾಮಿಕ ಜೀವಿಯೊಂದು ಓಡಾಡುತ್ತಿರುವ ವಿಡಿಯೋ ವೈರಲ್ ಆಗಿ, ಅದರಲ್ಲಿ ದೆವ್ವ ಅಥವಾ ಅನ್ಯಗ್ರಹ ಜೀವಿ ಇದೆ ಎಂದು ಎಲ್ಲರೂ ಭಾವಿಸಿದ್ದರು.

ಕೆಲ ಅತ್ಯುತ್ಸಾಹಿ ನೆಟ್ಟಿಗರು 30 ಸೆಕೆಂಡ್‌ಗಳ ಈ ಕ್ಲಿಪ್‌ಗೆ ನಾಸಾ ಹಾಗೂ ಇಸ್ರೋಗಳನ್ನು ಟ್ಯಾಗ್ ಮಾಡಿ ಶೇರ್‌ ಮಾಡಿಕೊಂಡಿದ್ದಾರೆ. ಟಿವಿ ಧಾರಾವಾಹಿ ನಿರ್ಮಾಪಕಿ ಎಕ್ತಾ ಕಪೂರ್‌ ಸಹ ಈ ವಿಡಿಯೋ ಶೇರ್‌ ಮಾಡಿಕೊಂಡಿದ್ದು, ’ಭಾರೀ ಭೀತಿ ಮೂಡಿಸುತ್ತಿದೆ’ ಎಂದಿದ್ದರು.

ಜಾರ್ಖಂಡ್‌ನ ಹಜಾರಿಬಾಗ್‌ನಲ್ಲಿ ರೆಕಾರ್ಡ್ ಮಾಡಲಾದ ಈ ವಿಡಿಯೋದಲ್ಲಿ ಅಸಲಿಗೆ ಇರುವುದು ವಿವಸ್ತ್ರಳಾದ ಮಹಿಳೆ ಎಂದು ಅದೇ ಹೆದ್ದಾರಿಯಲ್ಲಿ ಓಡಾಡಿದ ಪ್ರತ್ಯಕ್ಷದರ್ಶಿಗಳನ್ನು ಸ್ಥಳೀಯ ವಾಹಿನಿಯೊಂದು ಸಂದರ್ಶಿಸಿದ ನಂತರ ತಿಳಿದುಬಂದಿದೆ.

ಆ ಮಹಿಳೆ ಏಕೆ ಹಾಗೆ ವಿವಸ್ತ್ರಗಳಾಗಿ ನಡೆದುಕೊಂಡು ಹೋಗುತ್ತಿದ್ದಳು ಎಂದು ಸ್ಪಷ್ಟವಾಗಿ ತಿಳಿದಿಲ್ಲ ಎಂದು ಘಟನೆ ನಡೆದ ಸರಾಯ್‌ಕೇಳ ವ್ಯಾಪ್ತಿಯ ಸಬ್‌-ಇನ್ಸ್‌ಪೆಕ್ಟರ್‌ ಮೊಹಮ್ಮದ್ ನೌಶದ್ ತಿಳಿಸಿದ್ದಾರೆ.