ಆ್ಯನಿಮೇಟೆಡ್ ಡಿಸ್ನಿ ಚಲನಚಿತ್ರ ದಿ ಜಂಗಲ್ ಬುಕ್ನಲ್ಲಿ ಕರಡಿ ಹಾಗೂ ಹುಲಿಯ ಸ್ನೇಹವನ್ನು ಬಹಳ ಸುಂದರವಾಗಿ ತೋರಿಸಲಾಗಿತ್ತು. ಇದೇ ರೀತಿಯ ದೃಶ್ಯವನ್ನು ಮರುಸೃಷ್ಟಿಸುವಂತೆ ಕಾಣುತ್ತಿರುವ ವಿಡಿಯೋವೊಂದು ಇದೀಗ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.
ಈ ವಿಡಿಯೋವನ್ನು ಐಎಫ್ಎಸ್ ಅಧಿಕಾರಿ ಸಾಕೇತ್ ಬಡೋಲಾ ಎಂಬವರು ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ. ಮಹಾರಾಷ್ಟ್ರದ ತಡೋಬಾ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ನಮನ್ ಅರ್ಗವಾಲ್ ಎಂಬವರು ಈ ವಿಡಿಯೋವನ್ನು ಚಿತ್ರೀಕರಿಸಿದ್ದಾರೆ.
ಈ ವಿಡಿಯೋದಲ್ಲಿ ಹುಲಿ ಹಾಗೂ ಕರಡಿ ಮುಖಾಮುಖಿಯಾಗೋದನ್ನು ಕಾಣಬಹುದಾಗಿದೆ. ಕಾಡಿನ ದಾರಿಯ ಮಧ್ಯದಲ್ಲಿ ಹುಲಿ ಕೂತಿದ್ದರೆ ಅದೇ ದಾರಿಯಲ್ಲಿ ಬಂದ ದೊಡ್ಡ ಕರಡಿಯು ಹುಲಿಯನ್ನು ಹೆದರಿಸಲು ಯತ್ನಿಸಿದೆ. ಹುಲಿ ಕೊಂಚ ಕೊಸರಿದ್ದನ್ನು ಕಾಣಬಹುದಾಗಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ತಮಗೆ ಕಾರ್ಟೂನ್ ಪಾತ್ರಧಾರಿಗಳಾದ ಬಾಲೂ ಹಾಗೂ ಶೇರ್ ಖಾನ್ನ್ನು ನೆನಪಿಸಿದೆ ಎಂದಿದ್ದಾರೆ.
Loading ...