ಪಾಕಿಸ್ತಾನ ಸೂಪರ್ ಲೀಗ್ ಅಂತಿಮ ಹಂತವನ್ನು ಸಮೀಪಿಸುತ್ತಿದ್ದು ಮೊಹಮ್ಮದ್ ರಿಜ್ವಾನ್ ನಾಯಕತ್ವದ ಮುಲ್ತಾನ್ ಸುಲ್ತಾನ್ಸ್ ತಂಡವು ಆಡಿದ 9 ಪಂದ್ಯಗಳಲ್ಲಿ 11 ಅಂಕಗಳನ್ನು ಸಂಪಾದಿಸುವ ಮೂಲಕ ಪ್ರಸ್ತುತ ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ.
ಶನಿವಾರದಂದು ಇಸ್ಲಾಮಾಬಾದ್ ಯುನೈಟೆಡ್ ತಂಡವನ್ನು ಸೋಲಿಸಿದ ಬಳಿಕ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿರುವ ಲಾಹೋರ್ ಕಾಂಡರ್ಸ್ಗಿಂತ ಮುಲ್ತಾನ್ ಸುಲ್ತಾನ್ಸ್ ನಾಲ್ಕು ಹೆಚ್ಚುವರಿ ಅಂಕಗಳನ್ನು ಸಂಪಾದಿಸಿದೆ.
ಶುಕ್ರವಾರದು ಕ್ವೆಟ್ಟಾ ಗ್ಲಾಡಿಯೇಟರ್ಸ್ ತಂಡದ ವಿರುದ್ಧ ಮುಲ್ತಾನ್ ಸುಲ್ತಾನ್ ಪಂದ್ಯವಾಡುತ್ತಿದ್ದ ಸಂದರ್ಭದಲ್ಲಿ ಮೋಜಿನ ಘಟನೆಯೊಂದು ಜರುಗಿದ್ದು, ಇದರ ವಿಡಿಯೋ ಇದೀಗ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.
ಇನ್ನಿಂಗ್ಸ್ ನ 14ನೇ ಓವರ್ನಲ್ಲಿ ಮುಲ್ತಾನ್ ತಂಡದ ವೇಗಿ ಶಹನವಾಜ್ ದಗಾನಿ ಗ್ಲಾಡಿಯೇಟರ್ಸ್ ತಂಡದ ನಸೀಮ್ ಶಾರ್ನ್ನು ತಮ್ಮ ನಾಲ್ಕನೇ ಎಸೆತದಲ್ಲಿ ಔಟ್ ಮಾಡಿದರು.
ವಿಕೆಟ್ ಉರುಳಿಸಿದ ಸಂಭ್ರಮದಲ್ಲಿದ್ದ ದಹಾನಿ ಹಿಂತಿರುಗಿ ಪ್ರೇಕ್ಷಕರ ಕಡೆಗೆ ಸಂಭ್ರಮಿಸುತ್ತಾ ಓಡಿದರು. ಈ ವೇಳೆಯಲ್ಲಿ ಅಂಪೈರ್ ಅಲೀಂ ದಾರ್ ದಹಾನಿಗೆ ಓಡಲು ಕೊಡದೆ ತಮಾಷೆಯಿಂದ ಅಡ್ಡಗಟ್ಟಲು ಯತ್ನಿಸಿದರು. ಆದರೆ ಅದು ಸಾಧ್ಯವಾಗಲಿಲ್ಲ.
ದಹಾನಿಯನ್ನು ತಡೆಯಲು ಅಂಪೈರ್ ಅಲೀಂ ದಾರ್ ಯತ್ನಿಸುತ್ತಿರುವ ವಿಡಿಯೋವನ್ನು ಪಿಎಸ್ಎಲ್ ಟ್ವಿಟರ್ ಖಾತೆಯಲ್ಲಿ ಶೇರ್ ಮಾಡಿದ್ದು ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.
Loading ...