‘ರೂಪಾಯಿ’ ಚಿತ್ರದ ವಿಡಿಯೋ ಹಾಡು ರಿಲೀಸ್

ಶೀರ್ಷಿಕೆಯಿಂದಲೇ ಸಾಕಷ್ಟು ಸದ್ದು ಮಾಡುತ್ತಿರುವ ವಿಜಯ್ ಜಗದಾಲ್ ನಿರ್ದೇಶನದ ‘ರೂಪಾಯಿ’ ಚಿತ್ರದ ‘ಕರೆಯದೆ’ ಎಂಬ ವಿಡಿಯೋ ಹಾಡೊಂದನ್ನು ಆನಂದ್ ಆಡಿಯೋ ಯೂಟ್ಯೂಬ್ ಚಾನಲ್ ನಲ್ಲಿ ಬಿಡುಗಡೆ ಮಾಡಲಾಗಿದೆ. ಖ್ಯಾತ ಗಾಯಕಿ ಅನನ್ಯ ಭಟ್ ಈ ಹಾಡಿಗೆ ಧ್ವನಿಯಾಗಿದ್ದು, ಆನಂದ್ ರಾಜ್ ವಿಕ್ರಮ್ ಸಂಗೀತ ಹಾಗೂ ಉತ್ಸವ್ ಗೋನ್ವಾರ್ ಸಾಹಿತ್ಯವಿದೆ. ಈ ಹಾಡು ಕೆಲವೇ ನಿಮಿಷಗಳಲ್ಲಿ ಭರ್ಜರಿ ವೀಕ್ಷಣೆ ಪಡೆದಿದ್ದು ನೋಡುಗರಿಂದ ಸಾಕಷ್ಟು ಪ್ರತಿಕ್ರಿಯೆಗಳು ದೊರೆತಿವೆ.

ವಿವಿಧ್ ಸಿನಿಮಾಸ್ ಬ್ಯಾನರ್ ನಡಿ ನಿರ್ಮಾಣವಾಗಿರುವ ಈ ಚಿತ್ರಕ್ಕೆ ಮಂಜುನಾಥ್, ಹರೀಶ್ ಬಿ. ಕೆ., ಹಾಗೂ ವಿನೋದ ಬಂಡವಾಳ ಹೂಡಿದ್ದು, ವಿಜಯ್ ಜಗದಾಲ್, ಕೃಷಿ ತಾಪಂಡ ಸೇರಿದಂತೆ ರಾಮಚಂದನ್, ಅನಿಲ್ ಕುಮಾರ್, ಚಂದನ ರಾಘವೇಂದ್ರ, ಶಂಕರ್ ಮೂರ್ತಿ ತೆರೆ ಹಂಚಿಕೊಂಡಿದ್ದಾರೆ.