ಐದು ಕಾಲುಗಳಿರುವ ಕುರಿಮರಿಯೊಂದು ಯುಕೆಯಲ್ಲಿ ಜನಿಸಿದೆ. ಮಾರ್ಪೆತ್‌ನಲ್ಲಿರುವ ಫಾರ್ಮ್‌ನಲ್ಲಿ, ಜನಿಸಿದ ಕುರಿಮರಿಗೆ ಅದರ ಮುಂಭಾಗದ ಎಡಭಾಗದಲ್ಲಿ ಹೆಚ್ಚುವರಿ ಕಾಲೊಂದು ಚಾಚಿಕೊಂಡಿದೆ. ಅಪರೂಪದ ಕುರಿಮರಿಯನ್ನು ನೋಡಲು ವೈಟ್‌ಹೌಸ್ ಫಾರ್ಮ್ ಜನರಿಂದ ತುಂಬಿ ತುಳುಕುತಿದೆ.
ಇಂತಹ ವಿರೂಪಗಳೊಂದಿಗೆ ಜನಿಸಿದ ಪ್ರಾಣಿಗಳು ಶಸ್ತ್ರಚಿಕಿತ್ಸೆಗೆ ಒಳಗಾಗಬೇಕಾಗುತ್ತದೆ. ಸುಮಾರು 10 ವರ್ಷಗಳ ಹಿಂದೆ ಕ್ವಿಂಟೋ ಎಂಬ ಐದು ಕಾಲಿನ ಕುರಿಮರಿಯನ್ನು ಕೊನೆಯ ಬಾರಿಗೆ ನೋಡಿದ್ದ ಫಾರ್ಮ್ ನ ಮಾಲೀಕರು, ಅದರ ಹೆಚ್ಚುವರಿ ಕಾಲನ್ನು ಶಸ್ತ್ರಚಿಕಿತ್ಸೆಯ ಮೂಲಕ ತೆಗೆಸಿಹಾಕಿದ್ದರು. ನಂತರ ಕುರಿಯು ದೀರ್ಘ ಮತ್ತು ಆರೋಗ್ಯಕರ ಜೀವನವನ್ನು ಹೊಂದಿತ್ತು.
ಇದೀಗ ಜನಿಸಿರೋ ಕುರಿಮರಿಯನ್ನೂ ಶಸ್ತ್ರಚಿಕಿತ್ಸೆಗೆ ಒಳಪಡಿಸಲು ಮಾಲೀಕರು ನಿರ್ಧರಿಸಿದ್ದಾರೆ. ಐದು ಕಾಲಿನ ಕುರಿಮರಿಗಳು ಅತ್ಯಂತ ವಿರಳವಾಗಿದ್ದು, ಮಿಲಿಯನ್‌ನಲ್ಲಿ ಒಂದು ಕುರಿಮರಿ ಮಾತ್ರ ಈ ರೀತಿ ಜನಿಸುತ್ತದೆ.
ಈ ವರ್ಷದ ಜನವರಿಯಲ್ಲಿ ಛತ್ತೀಸ್‌ಗಢದ ರಾಜನಂದಗಾಂವ್‌ನಲ್ಲಿ ಕರುವೊಂದು ಮೂರು ಕಣ್ಣುಗಳೊಂದಿಗೆ ಜನಿಸಿತ್ತು. ಮೂರು ಕಣ್ಣುಗಳನ್ನು ಹೊಂದಿರುವ ಕರುವಿನ ಜನನವು ತ್ರಿನೇತ್ರ ಅಥವಾ ಮೂರು ಕಣ್ಣುಗಳನ್ನು ಹೊಂದಿರುವ ಶಿವನ ಅವತಾರವೆಂದೇ ಜನರು ನಂಬಿದ್ದರು.
Loading ...