ಮಧುಮೇಹವನ್ನ ನಿಯಂತ್ರಣಕ್ಕೆ ತರುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತೆ ಈ ಯೋಗಾಸನ

ದೇಶದಲ್ಲಿ ವರ್ಷದಿಂದ ವರ್ಷಕ್ಕೆ ಮಧುಮೇಹಿಗಳ ಸಂಖ್ಯೆಯಲ್ಲಿ ಗಣನೀಯ ಪ್ರಮಾಣದಲ್ಲಿ ಏರಿಕೆಯಾಗ್ತಾನೇ ಇರುತ್ತೆ. ಇದೇ ಕಾರಣಕ್ಕಾಗಿ ಭಾರತವನ್ನ ವಿಶ್ವ ಮಧುಮೇಹಿಗಳ ರಾಜಧಾನಿ ಎಂದೇ ಕರೆಯುತ್ತಾರೆ. ದೇಶದಲ್ಲಿ  ಅಧಿಕ ಮಂದಿ ಡಯಾಬಿಟೀಸ್​ನಿಂದ ಬಳಲುತ್ತಿದ್ದಾರೆ. ಆದರೆ ಅನೇಕ ತಜ್ಞರ ಅಭಿಪ್ರಾಯದಂತೆ ಯೋಗಾಸನವು ಮಧುಮೇಹವನ್ನ ನಿಯಂತ್ರಣಕ್ಕೆ ತರುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆಯಂತೆ. ಹಾಗಿದ್ದಲ್ಲಿ ಡಯಾಬಿಟೀಸ್​ ಕಂಟ್ರೋಲ್​ ಮಾಡೋಕೆ ಯಾವೆಲ್ಲ ಯೋಗ ಮಾಡಬೇಕು ಅನ್ನೋದಕ್ಕೆ ಇಲ್ಲಿದೆ ಮಾಹಿತಿ.

ಧನುರಾಸನ : ಧನಸ್ಸಿನಂತೆ ದೇಹವನ್ನ ಮಾರ್ಪಾಡು ಮಾಡುವ ಆಸನವೇ ಧನುರಾಸನ. ಇದಕ್ಕಾಗಿ ನೀವು ಹೊಟ್ಟೆಯಡಿಯಾಗಿ ಮಲಗಬೇಕು. ಕಾಲನ್ನ ಬೆನ್ನಿನ ಕಡೆಗೆ ಬಾಗಿಸಿ ಹಿಮ್ಮಡಿಯನ್ನ ಕೈನಿಂದ ಹಿಡಿದುಕೊಳ್ಳಿ. ಈ ರೀತಿ 15-20 ಸೆಕೆಂಡ್​ಗಳ ಕಾಲ ಇರಬೇಕು. ಈ ಆಸನದಲ್ಲಿ ಇರುವಾಗ ನಿಧಾನವಾಗಿ ಉಸಿರಾಟವನ್ನ ಮಾಡಿ.

ಚಕ್ರಾಸನ : ಹೆಸರೇ ಸೂಚಿಸುವಂತೆ ಚಕ್ರದ ರೀತಿಯಲ್ಲಿ ದೇಹವನ್ನ ಬಾಗಿಸುವ ಪ್ರಕ್ರಿಯೆ ಇದಾಗಿದೆ. ಮೊದಲು ಭೂಮಿಗೆ ಲಂಬವಾಗಿ ನಿಂತುಕೊಳ್ಳಿ. ಎರಡು ಕಾಲುಗಳ ನಡುವೆ ಕೊಂಚ ಅಂತರವಿರಲಿ. ಇದೀಗ ನಿಧಾನವಾಗಿ ಉಸಿರಾಡುತ್ತಾ ಹಿಂದಕ್ಕೆ ಬಾಗಿ ಕೈಗಳನ್ನ ನೆಲಕ್ಕೆ ಸ್ಪರ್ಶಿಸಿ. ಈ ರೀತಿ ಮಾಡೋದ್ರಿಂದ ನಿಮ್ಮ ದೇಹ ಬಿಲ್ಲಿನಂತೆ ಕಾಣಲಿದೆ.

ಮತ್ಸ್ಯಾಸನ : ಮೀನಿನ ಆಕಾರದಲ್ಲಿ ಈ ಆಸನ ಕಾಣೋದ್ರಿಂದ ಇದಕ್ಕೆ ಮತ್ಸ್ಯಾಸನ ಎಂಬ ಹೆಸರಿದೆ. ಬೆನ್ನಿನ ಮೇಲೆ ಮಲಗಿ. ಕೈಗಳನ್ನ ಕಾಲಿಗೆ ತಾಗಿಸಿ. ಪದ್ಮಾಸನ ಆಕೃತಿಯಲ್ಲಿ ಪಾದವನ್ನ ಇಟ್ಟುಕೊಳ್ಳಿ. ಕುತ್ತಿಗೆ ಸಮೇತ ಬೆನ್ನನ್ನ ನಿಧಾನವಾಗಿ ಮೇಲಕ್ಕೆತ್ತಿ. ನಿಮ್ಮ ಕೈಗಳು ಸಮಾನಂತರದಲ್ಲಿರಲಿ.