ಕಳೆದ ಅನೇಕ ವರ್ಷಗಳಿಂದ ಬಾಲಿವುಡ್ ನಟಿ ಸುಶ್ಮಿತಾ ಸೇನ್ ತಮ್ಮ ಮಾನವೀಯ ಕಾರಣಗಳಿಂದಾಗಿ ಸ್ಪೂರ್ತಿದಾಯಕ ಜೀವನವನ್ನು ನಡೆಸುತ್ತಾ ಬಂದಿದ್ದಾರೆ. ಕೇವಲ 24 ವರ್ಷ ಪ್ರಾಯದವರಿದ್ದಾಗಲೇ ಹೆಣ್ಣು ಮಗಳು ರೇನಿಯನ್ನು ದತ್ತು ಪಡೆಯುವ ಮೂಲಕ ಮಾದರಿ ಎನಿಸಿದ್ದರು.
ಇನ್ನು ಮದುವೆಯೇ ಆಗದ ನಟಿ ಸುಶ್ಮಿತಾ ಸೇನ್ 2010ರಲ್ಲಿ ಎರಡನೇ ಮಗು ಅಲಿಸಾಹ್ ರನ್ನು ದತ್ತು ಪಡೆದಿದ್ದಾರೆ. ಇದೀಗ ಸುಶ್ಮಿತಾ ಸೇನ್ ಮೂರನೇ ಮಗುವನ್ನು ದತ್ತು ಪಡೆದಿದ್ದಾರೆ ಎನ್ನಲಾಗಿದೆ.
ಮೂರನೇ ಮಗುವಿನೊಂದಿಗೆ ಸುಶ್ಮಿತಾ ಸೇನ್ ಇರುವ ಸಾಕಷ್ಟು ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ನಡುವೆ ಸುಶ್ಮಿತಾ ಸೇನ್ರ ಈ ಮಾನವೀಯ ಕಾರ್ಯಕ್ಕೆ ನೆಟ್ಟಿಗರು ಪ್ರಶಂಸೆಯ ಸುರಿಮಳೆಯನ್ನೇ ಹರಿಸುತ್ತಿದ್ದಾರೆ.
ಕೆಲವರಂತೂ ನಿಮಗೆ ಎದ್ದು ನಿಂತು ಚಪ್ಪಾಳೆ ತಟ್ಟಬೇಕು ಎಂದು ಹೇಳಿದ್ದಾರೆ. ಇದೇ ರೀತಿ ಮಾದರಿಯಾಗಿ ಜೀವನ ನಡೆಸಿ ಎಂದು ಅನೇಕರು ನಟಿ ಸುಶ್ಮಿತಾ ಸೇನ್ರಿಗೆ ಹಾರೈಸಿದ್ದಾರೆ.
ಮೂಲಗಳ ಪ್ರಕಾರ ನಟಿ ಸುಶ್ಮಿತಾ ಸೇನ್ ಗಂಡು ಮಗುವನ್ನು ದತ್ತು ಪಡೆದಿದ್ದಾರೆ ಎಂದು ಹೇಳಲಾಗುತ್ತಿದೆ. ಹಳದಿ ಬಣ್ಣದ ಟೀ ಶರ್ಟ್ ಹಾಗೂ ಕೆಂಪು ಬಣ್ಣದ ಮಾಸ್ಕ್ ಧರಿಸಿರುವ ಗಂಡು ಮಗು ಇದೀಗ ಕ್ಯಾಮರಾ ಕಣ್ಣುಗಳಲ್ಲಿ ಸೆರೆಯಾಗಿದೆ.
Loading ...