ಹಾಲಿವುಡ್‌ನ ಸ್ಟಾರ್‌ ನಟ ಟಾಮ್ ಕ್ರೂಸ್ ಬಾಕ್ಸ್‌ ಆಫೀಸ್‌ನಲ್ಲಿ ಮತ್ತೊಮ್ಮೆ ಮ್ಯಾಜಿಕ್‌ ಮಾಡಿದ್ದಾರೆ. ಟಾಮ್ ಕ್ರೂಸ್ ನಟನೆಯ ‘ಮಿಷನ್ ಇಂಪಾಸಿಬಲ್ 7’ ಚಿತ್ರ ದಾಖಲೆಯ ಕಲೆಕ್ಷನ್ ಮಾಡಿದೆ. ಟಾಮ್ ಕ್ರೂಸ್ ಅವರ ಈ ಹೊಸ ಚಿತ್ರದ ಬಿರುಗಾಳಿಗೆ ಈ ಹಿಂದೆ ತೆರೆಕಂಡ ಚಿತ್ರಗಳು ಕೂಡ ನಲುಗಿ ಹೋಗಿವೆ. ಈ ಚಿತ್ರ ಬಿಡುಗಡೆಯಾಗಿ 6 ದಿನ ಕಳೆದಿದ್ದು, 5ನೇ ದಿನದ ಕಲೆಕ್ಷನ್ ಬೆಚ್ಚಿ ಬೀಳಿಸುವಂತಿದೆ.
ಟಾಮ್ ಕ್ರೂಸ್ ಅವರ ‘ಮಿಷನ್ ಇಂಪಾಸಿಬಲ್ 7’ ಚಿತ್ರದ ಐದನೇ ದಿನದ ಕಲೆಕ್ಷನ್ ಬಿಡುಗಡೆಯಾದ ನಂತರ ಇದುವರೆಗಿನ ಅತ್ಯಧಿಕ ಸಂಗ್ರಹವಾಗಿದೆ. ಈ ಚಿತ್ರ ಭಾನುವಾರ ಅಂದರೆ 5ನೇ ದಿನಕ್ಕೆ ಭಾರತದಲ್ಲಿ ಸುಮಾರು 17 ಕೋಟಿ ಕಲೆಕ್ಷನ್ ಮಾಡಿದೆ. ಕಳೆದ ನಾಲ್ಕು ದಿನಗಳ ಕಲೆಕ್ಷನ್ ಬಗ್ಗೆ ಹೇಳುವುದಾದರೆ, ಚಿತ್ರ ಮೊದಲ ದಿನ 12 ಕೋಟಿ 3 ಲಕ್ಷ, ಎರಡನೇ ದಿನ 8 ಕೋಟಿ 75 ಲಕ್ಷ, ಮೂರನೇ ದಿನ 9 ಕೋಟಿ 15 ಲಕ್ಷ, ನಾಲ್ಕನೇ ದಿನ 16 ಕೋಟಿ ಬಾಚಿಕೊಂಡಿದೆ.
5ನೇ ದಿನಕ್ಕೆ 17 ಕೋಟಿ ಕಲೆಕ್ಷನ್ ಸೇರಿ ಈ ಚಿತ್ರ ಇದುವರೆಗೆ 5 ದಿನದಲ್ಲಿ ಒಟ್ಟು 63.2 ಕೋಟಿ ಕಲೆಕ್ಷನ್ ಮಾಡಿದೆ. ಟಾಮ್ ಕ್ರೂಸ್ ಅವರ ಈ ಚಿತ್ರ ವಿಶ್ವದಾದ್ಯಂತ ಭರ್ಜರಿ ಗಳಿಕೆ ಮಾಡುತ್ತಿದೆ. ಈ ವೇಗ ನೋಡಿದರೆ ಭಾರತದಲ್ಲಿ ಸದ್ಯದಲ್ಲೇ 100 ಕೋಟಿ ಗಡಿ ದಾಟಲಿದೆ. ಚಿತ್ರದ ಒಟ್ಟಾರೆ ಕಲೆಕ್ಷನ್ 5 ದಿನಗಳಲ್ಲಿ 1000 ಕೋಟಿ ದಾಟಿದೆ. ‘ಮಿಷನ್ ಇಂಪಾಸಿಬಲ್ 7’ ಚಿತ್ರದ ಅಬ್ಬರದಿಂದಾಗಿ ಬಾಲಿವುಡ್‌ನ ‘ಸತ್ಯಪ್ರೇಮ್ ಕಿ ಕಥಾ’ ಮತ್ತು ‘ಜೀ ಕರ್ದಾ’ ಚಿತ್ರಗಳು ಮಂಕಾಗಿವೆ.
Loading ...