ಆಕಸ್ಮಿಕವಾಗಿ ಕಾರೊಂದಕ್ಕೆ ಬೆಂಕಿ ತಗುಲಿದ್ದು, ಅದರೊಳಗಿದ್ದ ಶ್ವಾನವು ಜೀವಕ್ಕಾಗಿ ಒದ್ದಾಡುತ್ತಿತ್ತು. ಇದನ್ನು ಗಮನಿಸಿದ ಡಗ್ಲಾಸ್ ಕೌಂಟಿಯ ಡೆಪ್ಯೂಟಿ ಮೈಕೆಲ್ ಗ್ರೆಗೊರೆಕ್ ಅವರು ಕೂಡಲೇ ಕಾರಿನತ್ತ ದೌಡಾಯಿಸಿ ಕಿಟಕಿಯನ್ನು ಒಡೆದುಹಾಕಿ ನಾಯಿಯನ್ನು ಪ್ರಾಣಾಪಾಯದಿಂದ ಕಾಪಾಡಿದ್ದಾರೆ
ಬೆಂಕಿಯಿಂದ ಉರಿಯುತ್ತಿದ್ದ ಎಸ್‌ಯುವಿ ಕಾರಿನಿಂದ ನಾಯಿಯನ್ನು ಹೊರಗೆಳೆದಿದ್ದಕ್ಕೆ ಅಧಿಕಾರಿಯನ್ನು ಜನರು ವ್ಯಾಪಕವಾಗಿ ಪ್ರಶಂಸಿಸಿದ್ದಾರೆ. ಲಾಕ್ ಮಾಡಿದ ಕಾರಿನೊಳಗೆ ತನ್ನ ನಾಯಿಯಿದೆ ಎಂದು ಮಾಲೀಕರು ದುಃಖ ವ್ಯಕ್ತಪಡಿಸುತ್ತಿದ್ದಂತೆ, ಕೂಡಲೇ ಗ್ರೆರೊರೆಕ್ ಶ್ವಾನದ ರಕ್ಷಣೆಗೆ ಧಾವಿಸಿದ್ದಾರೆ.
ಗ್ರೆಗೊರೆಕ್ ಕಾರಿನ ಹಿಂಬದಿಯ ಕಿಟಕಿಯನ್ನು ಒಡೆದುಹಾಕಿ ನಾಯಿ ಹಾಂಕ್ ನನ್ನು ಹೊರಗೆಳೆದಿದ್ದಾರೆ. ಕೂಡಲೇ ಹತ್ತಿರದ ಸ್ನೋಬ್ಯಾಂಕ್ ಗೆ ಕರೆದೊಯ್ದಿದ್ದಾರೆ. ಇನ್ನೇನು ನಾಯಿಯನ್ನು ಪಶುವೈದ್ಯರಲ್ಲಿ ತೋರಿಸಬೇಕು ನಾಯಿಯು ಲವಲವಿಕೆಯಿಂದ ಸುತ್ತಲೂ ಓಡಾಡಿದೆ. ಇದೀಗ ಶ್ವಾನದ ಆರೋಗ್ಯ ಸ್ಥಿತಿ ಸ್ಥಿರವಾಗಿದೆ ಎಂದು ಹೇಳಲಾಗಿದೆ. ಅಧಿಕಾರಿ ತೋರಿದ ಧೈರ್ಯಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.
Loading ...